مزن وزیر ءَ بشکیک ءَ آتا بیئت میموریل  کمپلیکس ءِ تر ءُ تاب کتگ، نامداریں نبشتہ کار چنگیز ایتماتوف  ءِ قبر ءِ سر ءَ گلدستہ ایر کتگ ءُ فاتحہ ءِ تلاوت کت

بشکیک۔2ستمبر  (اے پی پی): مزن وزیر محمد شہباز شریف ءَ کرغزستان ءِ بنجاہی شہر بشکیک ءَ آتا بیئت میموریل  کمپلیکس ءِ تر ءُ تاب کتگ۔ چار شمبے ءِ روچ ءَ آتا بیئت  ءَ سر بوھگ ءِ وھد ءَ مزن وزیر ءَ را کرغزستان ءِ اولی نائب مزن وزیر دانیار امان گیلدیئیئف  ءُ دود ءُ ربیدگ ، اھوالکاری ءُ ورنا آنی وزیر مامبیتالیئیف  ءَ وش اتک کت۔ مزن وزیر ءَ نامداریں نبشتہ کار چنگیز ایتماتوف   ءِ قبر ءِ سر ءَ گلدستہ ایر کت ءُ فاتحہ گشت۔ چنگیز آتا بیئت کرغز ءُ سویت ءِ نامداریں نبشتہ کارے ۔ مزن وزیر محمد شہباز شریف ءَ آتا بیئت میموریل کمپلیکس ءِ سر ءَ گلدستگ ھم ایر کت ءُ اودا دفن بوتگیں مردم آناں شگر ءُ منت گپت۔ اتابیت یادگاری کمپلیکس یک یک ھاسیں راجی ءُ دودمانی یادگار ءُ قبرستانے ۔ اتا بیتر ءِ بزانت "مئے پیرینانی قبر” اِنت، ءُ کرغزستان ءِ بازیں نامداریں مردمانی قبر ءِ جاہ اِنت۔