بشکیک۔2ستمبر (اے پی پی): پاکستان ءُ کرغزستان ءِ نیام ءَ وانگ ءُ زانگ، جان سلامتی، تجارت، چاگردی بدلی، سائنس ءُ ٹیکنالوجی ءَ ھوار جتا جتائیں پڑ آنی تہ ءَ کمک ءَ را دیمروئی دیگ ءِ واستہ بازیں معاہدہ ءُ تپاک نامہ آنی سر ءَ دستخط کنگ بوتگ۔ چار شمبے ءِ روچ ءَ ادا کرغزستان ءِ صدر گس ءَ اے ھوالگ ءَ دستاویزات ءِ مٹ ءُ بدلی ءِ مراگش برجم …
پاکستان ءُ کرغزستان ءِ نیام ءَ وانگ ءُ زانگ، جان سلامتی، تجارت، چاگردی بدلی، سائنس ءُ ٹیکنالوجی ءَ ھوار جتا جتائیں پڑاں کمک ءِ دیمروئی ءِ ھاترا معاہدہ ءُ تپاک نامہ ءِ سر ءَ دستخط
گیشتریں ھال
بشکیک۔2ستمبر (اے پی پی): پاکستان ءُ کرغزستان ءِ نیام ءَ وانگ ءُ زانگ، جان سلامتی، تجارت، چاگردی بدلی، سائنس ءُ ٹیکنالوجی ءَ ھوار جتا جتائیں پڑ آنی تہ ءَ کمک ءَ را دیمروئی دیگ ءِ واستہ بازیں معاہدہ ءُ تپاک نامہ آنی سر ءَ دستخط کنگ بوتگ۔ چار شمبے ءِ روچ ءَ ادا کرغزستان ءِ صدر گس ءَ اے ھوالگ ءَ دستاویزات ءِ مٹ ءُ بدلی ءِ مراگش برجم دارگ بوت۔ اے موہ ءِ سر ءَ مزن وزیر محمد شہباز شریف ءُ جمہوریہ کرغزستان ءِ صدر ژاپاروف ھم ساڑی ات ۔ جمہوریہ کرغزستان ءِ صدر صدر ژاپاروف ءُ مزن وزیر محمد شہباز شریف ءَ یکجائی اعلامیہ ءِ سر ءَ دستخط کتگ ءُ کاگد آنی مبادلہ کتگ۔ تبادلہ بوتگیں معاہدہ ءُ تپاک نامہ ءِ تہا انسٹی ٹیوٹ آف اسٹریٹجک اسٹڈیز اسلام آباد ءُ جمہوریہ قرغزستان ءِ نیشنل انسٹی ٹیوٹ فار اسٹریٹجک انیشیٹیو ءِ نیام ءَ یک تپاک نامہ ءِ ھوار ات، پاکستان ءِ درئی کارانی وزارت ءُ دری کارانی وزارت ءِ نیام ءَ یک تپاک نامہ ءِ ھوار ات۔ 2026، پاکستان ءِ حکومت ءُ کرغزستان ءِ وزیرانی کابینہ ءِ نیام ءَ طب ءِ ٹرانزٹ ٹریڈ ءِ بابت ءَ معاہدہ، کرغزستان ءِ حکومت ءُ پاکستان ءِ حکومت ءِ نیام ءَ حوالہ کنگ ءِ بابت ءَ معاہدہ، پاکستان ءِ حکومت ءُ کرغزستان ءِ حکومت ءِ نیام ءَ میڈیکل سائنس ءِ میڈیکل اینڈ ڈینٹل کونسل ءِ کمک ءِ بابت ءَ معاہدہ، میڈیکل سائنس ءِ تہا مگال ءِ معاہدہ ءِ بابت ءَ معاہدہ پاکستان ءِ حکومت ءُ کرغزستان ءِ حکومت ءِ نیام ءَ طبی زانشت ءِ واستہ کمک آنی ھوالگ ءَ تپاک ءِ یاتگیر، کرغستان ءِ وزات ءِ وانگ ءُ زانگ ءُ پاکستان ءِ وزارت بنجاھی وانگ ءُ زانگ ءُ کزبی کار آنی نیام ءَ وانگ ءُ زانگ ءِ شوبگ ءَ کمک آنی ھوالگ ءَ تپاک ءِ منوگری، کرغستان ءِ وزارت ءِ کدرتی آسراتی ، ماحولیات ءُ تکنیکی نگرانی ءُ پاکستان ءِ وزارت موسمی مٹ ءُ بدلی ءُ ماحولیاتی رابطہ کاری ءِ نیام ءَ ماحولیاتی ءُ موسمی مٹ ءُ بدلی ءِ شوبگ ءَ کمک آنی واستہ تپاک ءِ یاتگیر ، این ڈی یو پاکستان ءُ نیشن انسٹی ٹیوٹ فارسڑیٹیجک انیشی ایٹوز کرغزستان ء نیام ءَ اکیڈمت ریسرچ ءُ کمکی چست ءُ ایر آنی شوبگ ءَ تپاک کنگ بوت۔ کرغزستان ءِ صدر ءِ چیر دستیں قومی ایجنسی برائے ورچوئل ایسٹس ءُ بلاک چین ٹیکنالوجیز ءُ پاکستان ورچوئل ایسیٹس ریگولیٹری اتھارٹی ءِ نیام ءَ ورچوئل مڈی آنی شوبگ ءَ کمک ءِ و ستہ تپاک نامہ ، لاہور ءُ کرغزستان ءِ شہر اوش ءِ نیام ءَ سسٹر سٹی یکوئی آنی جوڑیشت ءِ منوگری، او جے ایس سی کرغز پوسٹ ءُ پاکستان پوسٹ ءِ نیام ءَ پوسٹل سروسز ءُ ای کامرس ءِ شوبگ ءَ وت مہ وتی کمک آنی واستہ دو نیمگی منوگری ءُ ای کامرس ءِش وبگ ءَ وت مہ وتی کمک آنی ھوالگ ءَ منوگری ءُ کرغزستان ءِ چیمبر آف کارمرس اینڈ انڈسٹری ءُ فیڈریشن آف پاکستان چیمبر آف کامرس اینڈ انڈسٹری ءِ نیام ءَ کمک آنی منوگری آنی مسل آنی بر ءُ آر کنگ بوت۔ پاکستان ءِ نیمگ ءَ چہ نائب مزن وزیر ءُ و وزیر خارجہ محمد اسحاق ڈار،وفاقی وزیر رسانک عبدالعلیم خان ،وفاقی وزیر اھوالکاری ءُ شنگ کاری عطاء اللہ تارڑ،وفاقی وزیر تجارت جام کمال خان ءُ مزن وزیر ءِ ھاسیں کمکار طارق فاطمی وھدیکہ کرغزستان ءِ نیمگ ءَ چہ استیں وزیر آں مسل آنی دیگ ءُ زورگ کت۔
