مزن وزیر شہباز شریف ءَ را کرغزستان ءِ بنجاھی شہر بشکیک ءَ صدارتی ماڑی ءَ سر بوھگ ءِ پد ءَ وش آتک کنگ بوت

بشکیک۔2ستمبر  (اے پی پی): مزن وزیر محمد شہباز شریف ءَ را کرغزستان ءِ بنجاھی شہر بشکیک ءَ صدر ءِ گس ءَ سر بوھگ ءِ پد ءَ آئی ءِ وش اتک کنگ بوت۔ کرغزستان ءِ صدر صدر ژاپاروف ءَ مزن وزیر محمد شریف ءَ را گوں گہتری ءَ وش اتک کت۔ چار شمبے ءِ روچ ءَ ایوان ءِ صدر ءَ مزن وزیر محمد شہباز شریف ءِ شرپ ءَ یک شلی وش اتکی مراگش برجم دارگ بوت۔ مزن وزیر محمد شہباز شریف ءَ را ایوان ءِ صدر ءَ سر بوھگ ءِ پد ءَ آئی ءَ را لال قالین ءَ وش آتک کنگ بوت۔ اے موہ ءَ دوئیں ملک آنی راجی سوت الہان ​​کنگ بوت۔ مزن وزیر ءَ را گارڈ آف آنر پیش کنگ بوت۔ مزن وزیر محمد شہباز شریف ءُ کرغزستان ءِ صدر ءَ گارڈ آف آنر ءِ چار ءُ تپاسی کتگ۔ کرغزستان ءِ سلاہ بندیں اُرد ءِ آرائشی دستہ ءَ مزن وزیر ءَ را گارڈ آف آنر  پیش کت۔ کرغزستان ءِ صدر ءَ وتی کابینہ ءِ باسکاں مزن وزیر شہباز شریف ءَ گوں پجاروکی  کتگ ءُ مزن وزیر ءَ پاکستانی ڈل ءِ باسکاں کرغزستان ءِ صدر ءَ گوں ھم پجاروکی  کتگ۔