شنگھائی تعاون آرگنائزیشن ءِ سروکیں دیوان کرغزستان ءِ بنجاھی شھر بشکیک ءَ بندات ، پاکستان ءَ ایس سی او ءِ سروک آنی کونسل ءِ صدارت ءِ ذمہ واری گپت

بشکیک۔1ستمبر  (اے پی پی): شنگھائی کمکی گل ءِ سروکیں دیوان کرغزستان ءِ بنجاھی شھر بشکیک ءَ بندات ۔ مزن وزیر محمد شہباز شریف ءَ را سئے شمبے ءِ روچ ءَ سروکیں دیوان ءَ بھر زوری ءِ واستہ مرکزی ہال ءَ سر بوھگ ءِ وھد ءَ کرغزستان ءِ صدر صدر ژاپاروف ءَ آئی ءَ را گہتری ءَ گوں وش اتک کت۔ سروک دیوان ءَ پاکستان ءِ نیمگ ءَ مزن وزیر محمد شہباز شریف کنگ ءَ انت ۔ سروکیں دیوان ءَ چہ پیسر باسکیں ملک آنی سروک آنی یک گروپ فوٹو ءِ کشگ بوتگ۔ سروک دیوان ءِ تہ ءَ پاکستان 27-2026 ءِ واستہ ایس سی او ءِ کونسل آف ہیڈز اسٹیٹ ءِ صدارت ءِ ذمہ واری ءَ وتی دست ءَ زوریت۔ مزن وزیر محمد شہباز شریف ایس سی او ءِ سروک دیوان ءَ گشتانک دنت ءُ دمگی ءُ جھان ءِ جیڈھ آنی بابت ءَ پاکستان ءِ موقف پیش کنت۔ مزن وزیر ایس سی او پلس ءِ سروک دیوان ءَ ھم بھر زوری کنت۔ مزن وزیر شنگھائی کمکی گل ءِ دیوان ءَ بھر زوروکیں جتاجتائیں ملک آنی سروک آنی گوما ھم دو نیمگی گند ءُ نند کنت ۔ گند ءُ نند آنی تہ ءَ وت مہ وتی سیادی، تجارت ءُ سرمایہ کاری، دمگی کمک ءُ وت مہ وتی سیت ءِ ایندگہ جیڈھ آنی سر ءَ چار ءُ بچار کنگ بیت۔ مزن وزیر کرغزستان ءِ صدر صدر ژاپاروف ءِ گوما دو نیمگی گند ءُ نند ءَ کنت۔ گند ءُ نند ءَ پاکستان ءُ کرغزستان ءِ نیام ءَ دو نیمگی سیادی ءِ درستیں تک ءُ پھنات آنی سر ءَ چار ءُ تپاسی کنگ بیت۔