صدر ءَ ازبکستان ءِ سرکار ءُ راج ءَ را آجوئی ءِ روچ ءِ مبارک بات

اسلام آباد۔1ستمبر  (اے پی پی): صدر آصف علی زرداری ءَ جمہوریہ ازبکستان ءِ صدر شوکت مرزیوف  ءُ ازبکستان ءِ براتیں اُلس ءَ را 35می آجوئی ءِ روچ ءِ مبارک بات داتگ۔ سئے شمبے ءِ روچ ءَ صدر گس ءِ پریس ونگ ءِ رد ءَ صدر ءِ مملکت ءَ وتی تکنیکی کلوہ ءِ تہ ءَ گوشت کہ پاکستان ازبکستان ءِ گوما وتی روایتی ءُ براتی سیادی آناں سک باز ارزشت دنت ایشی ءِ بنیات یکجائی ارزشت، دود ءُ ربیدگی یکوئی، وت مہ وتی بھروسہ ءُ دمگ ءَ امن، برجائی ءُ وشھالی ءِ یکجائی وژن ءِ سر ءَ اِنت۔ صدر آصف علی زرداری ءَ اے گپ ءِ سر ءَ وشی ءِ درشان کت کہ پاکستان ءُ ازبکستان ءِ نیام ءَ سیاست، معیشت، تجارت، رابطہ، دفاع ءُ مردمی سیادی ءِ شوبگ ءَ گیشیں کمک ءِ گوما پاکستان ءُ ازبکستان ءِ نیام ءَ شریکداری گیش مھکم بوھگ ءَ انت۔ صدر ءِ مملکت ءَ صدر میرزیویف ءِ اے سال ءِ فروری ءَ پاکستان ءِ تر ءُ تاب ءَ را دوئیں ملک آنی نیام ءَ اسٹریٹجک شریکداری ءَ را نوکیں گامگیج دیگ ءِ سبب لیک اِت۔ آئی ءَ گوشت کہ تر ءُ تاب ءِ ساھت ءَ بوتگیں پائدگ مندیں گپ ءُ تران ءُ تپاک دوئیں نیمگ آنی یکجائی واھشت ءِ درشان انت کہ اے دوستی ءِ پائدگ آناں وتی راج ءِ واستہ ٹھوس نپ آنی تہ ءَ بدل کنگ بہ بیت۔ صدر ءَ اے گپ ءِ سر ءَ ھم دل یکیمی درشان کت کہ پاکستان ءُ ازبکستان وتی یکجائی کوشست آنی وسیلگ ءَ اے شریکداری ءَ را گیش مھکم کن اَنت، دمگی رابطہ ءُ اقتصادی کمک ءَ را دیم ءَ برگ ءَ اَنت ءُ امن ءُ وشھالی ءِ واھشت آناں سرجم کنگ ءِ واستہ یکجائی ءَ کار کنگ ءَ برجاہ دار اَنت۔