مزن وزیر شہباز شریف ءَ ازبکستان ءِ صدر شوکت مرزیایوف  ءَ گوں گند ءُ نند کتگ، جتاجتائیں شعبہ آنی تہ ءَ کمک ءَ را گیش مھکم کنگ ءِ بابت ءَ گپ ءُ تران

بشکیک ۔31اگست  (اے پی پی): مزن وزیر محمد شہباز شریف ءُ ازبکستان ءِ صدر شوکت مرزیوف ءَ صنعت، کشت ءُ کشاری، دوائی، ٹیکسٹائل، کان کنی، ڈیجیٹل ٹیکنالوجی، وانگ ءُ زانگ، دود ءُ ربیدگ، دفاع ءُ ایمنی ءِ شوبگ آنی تہ ءَ گیش مھکمیں کمک ءِ سر ءَ گپ ءُ تران کتگ۔ ازبکستان ءِ گوما اسٹریٹجک شراکت داری ءَ را مھکم کنگ ءَ گوشت کہ دوئیں ملک آنی نیام ءَ جوانیں سیاسی سیادی ءَ را الس ءِ واستہ ٹھوس اقتصادی نپ آنی تہ ءَ بدل کنگ بیت۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ بشکیک ءَ شنگھائی کمکی گل ءِ سروک آنی کونسل ءِ دیوان ءِ ساھت ءَ ازبکستان ءِ صدر شوکت مرزیوف ءَ گوں گند ءُ نند کتگ۔ مزن وزیر ءَ ازبکستان ءِ آجوئی ءِ 35می سالروچ ءِ درگت ءَ صدر شوکت مرزیایوف  ءُ براتیں ملک ازبکستان ءِ اُلس ءَ را دل ءِ جہلانکی ءَ چہ مبارکی دات۔ مزن وزیر ءَ 2026 ءَ صدر مرزیایوف  ءِ پاکستان ءِ تر ءُ تاب ءِ یات کنان ءَ گوشت کہ اے تر ءُ تاب ءُ مزن تک ءِ اسٹریٹجک کوآپریشن کونسل ءِ اولی دیوان ءَ پاکستان ءُ ازبکستان ءِ نیام ءَ اسٹریٹجک شراکت داری ءَ را نوکیں زور داتگ۔ مزن وزیر ءَ رھشونی ءِ تک ءَ کتگیں پیسلہ آنی وھد ءُ پاس ءِ سر ءَ عمل کنگ ءِ ارزشت ءِ سر ءَ زور پر دات ھاسیں رنگ ءَ تجارت، سرمایہ کاری، دمگی رابطہ ءُ اقتصادی کمک ءِ ھوالگ ءَ پیسلہ آنی سر ءَ عمل کنگ ءِ ارزشت ءِ سر ءَ زور پر دات۔ آئی ءَ 2029ءَ تاں دو نیمگی تجارت ءَ را 2ارب امریکی ڈالر ءَ سر کنگ ءِ مشترکہ مول ءُ مراد ءِ سر ءَ زور پر دات ءُ توسیعی ترجیحی تجارتی منوگری ءِ جوانیں رنگ ءَ عملدرآمد ، کاروباری تک ءِ رابطہ آنی تہ ءَ گیشی ءُ وت مہ وتی مفاد ءِ یکجائی منصوبگ آناں دیمروئی دیگ ءِ ارزشت ءِ سر ءَ دلگوش دات۔ مزن وزیر ءَ دمگی رابطہ ءَ را یکجائی اسٹریٹجک اولویت ءِ رنگ ءَ لیکگ ءَ ازبکستان اوگانستان پاکستان ریلوے منصوبگ ءِ ارزشت ءِ سر ءَ زور پر دات کہ ایشی ءَ چہ میاں اوستمانی ءُ جنوبی ایشیا ءَ را یکجا کنگ ءُ ازبکستان ءَ را پاکستانی دکہ آنی تہ ءَ رسائی ءِ تہ ءَ کلیدی کرد پیلو کت کنت۔ آئی ءَ یکجائی فزیبلٹی اسٹڈی ءُ استیں کثیر موڈل ٹرانسپورٹ راہداری آنی گیش ءَ چہ گیش کارمرد کنگ ءِ سر ءَ زوتیں پیشرفت ءِ ضلورت ءِ سر ءَ زور پر دات۔ مزن وزیر ءَ وتی دکہ ءُ ٹرانسپورٹ ءِ بنیاتی ڈھانچہ ءِ وسیلگ ءَ ازبکستان ءِ بیپار ءَ را ھمک رنگیں آسراتی پجاری کنگ ءِ پاکستان ءِ جزم ءِ ھم پدر کت۔ دوئیں بامرد آنی نیام ءَ صنعت، کشت ءُ کشاری، دواسازی، ٹیکسٹائل، کان کنی، ڈیجیٹل ٹیکنالوجی، وانگ ءُ زانگ، دود ءُ ربیدگ، دفاع ءُ ایمنی ءِ شوبگ آنی تہ ءَ کمک ءَ را گیش مھکم کنگ ءِ سر ءَ تران کت۔ مزن وزیر ءَ ھوائی رابطہ کاری ءِ تہ ءَ گیشی ءِ تہ ءَ پیشرفت ءِ ھم کمک کتگ، ھاسیں رنگ ءَ تاشقند کراچی ءِ براہ راست بالی گراب آنی تہ ءَ گیشی بوتگ۔ مزن وزیر ءَ شنگھائی کوآپریشن آرگنائزیشن ءِ سروک آنی کونسل ءِ پاکستان ءِ آیوکیں چیئرمین شپ ءِ واستہ ازبکستان ءِ کمک ءَ را ساڑات ءُ دمگی ایمنی، رابطہ، تجارت ءُ برجمیں دیمروئی ءِ واستہ ازبکستان ءِ گوما نزیکیں کمک ءَ را برجاہ دارگ ءِ واھشت ءِ درشان کت۔ آئی ءَ اقتصادی کمک ءِ گل ءُ ایندگر کثیر نیمگی دیوان آنی تہ ءَ برجاھیں کمک ءِ ارزشت ءِ سر ءَ ھم زور پر دات۔ مزن وزیر ءَ ازبکستان ءِ گوما اسٹریٹجک شریکداری ءَ را گیش مھکم کنگ ءِ واستہ پاکستان ءِ جزم ءِ سر ءَ یک رندے پدا گوشت کہ دوئیں ملک آنی نیام ءَ جوانیں سیاسی سیادی ءَ را الس ءِ واستہ ٹھوس اقتصادی آسراتی آنی تہ ءَ بدل کنگ بیت۔ گند ءُ نند ءَ وفاقی وزیر تجارت جام کمال خان، وفاقی وزیر مواصلات عبدالعلیم خان ءُ وفاقی وزیر اھوالکاری ءُ نشریات عطا اللہ تارڑ  ھم ھوار اتنت۔