پاکستان ءُ ایران براتیں ہمساہگیں ملک انت، دمگ ءَ امن ءِ دیمروئی ءُ تناؤ ءِ کم کنگ ءِ ھاتر ءَ وتی کرد ءَ برجاہ دار بنت، مزن وزیر شہباز شریف

بشکیک ۔31اگست  (اے پی پی): مزن وزیر محمد شہباز شریف ءَ گوشت کہ پاکستان ءُ ایران برات ءِ ھمساھگیں ملک اَنت، امن ءِ دیمروئی ءُ دمگ ءَ کش ءُ چیل ءِ کم کنگ ءِ واستہ وتی کرد ءَ برجاہ دار اَنت۔ آئی ءَ اے ھیالانی درشانی جمہوریہ اسلامی ایران ءِ صدر ڈاکٹر مسعود پزشکیان  ءَ گوں دوشمبے ءِ روچ ءَ جمہوریہ کرغزستان ءِ بنجاھی شہر  بشکیک ءَ سروک آنی دیوان ءِ ساھت ءَ میڈیا ءَ گوں تران کنان ءَ کت۔ مزن وزیر ءَ گوشت کہ پاکستان ءُ ایران براتی ءِ ھمساھگیں ملک اَنت۔ ہر وھد ءَ کہ ما گند ءُ نند کنیں گڑا مارا مزنیں وشّی ءُ وشّی یے دنت کہ دو برات یکے دومی ءَ گوں گند ءُ نند کنگ ءَ اَنت ءُ ھاسیں جیڑھانی سر ءَ گپ ءُ تران کنگ ءَ اَنت۔ آئی ءَ گوشت کہ پاکستان ءُ ایران براتیں ملک آنی بستار ءَ پڑ ءَ امن ءِ دیمروئی ءِ واستہ وتی کرد ءَ برجاہ دار اَنت ءُ استیں جاور ھال آنی تہ ءَ تناؤ ءِ کم کنگ ءِ واستہ ھم وتی کرد ءَ پیلو کن اَنت۔