مزن وزیر شہباز شریف ءَ ایس سی او ءِ سروکیں ملکانی دیوان ءِ ساھت ءَ ایران ءِ صدر ڈاکٹر مسعود پزشکیان ءَ گوں گند ءُ نند کت، پاکستان ءُ ایران ءِ نیام ءَ روایتی ءُ دیریں سیادی ءِ  جزم ءِ  درشان

بشکیک ۔31اگست  (اے پی پی): مزن وزیر محمد شہباز شریف ءُ ایران ءِ صدر ڈاکٹر مسعود پژخان ءَ پاکستان ءُ ایران ءِ نیام ءَ روایتی ءُ دیریں سیادی آناں دوبر پدر کتگ ءُ وت مہ وتی کمک ءِ توامیں پڑ آنی تہ ءَ دو نیمگی سیادی آناں گیش مھکم کنگ ءِ ارزشت ءِ سر ءَ زور پر داتگ۔ مزن وزیر کارگس ءِ میڈیا ونگ ءِ نیمگ ءَ چہ جاڑی بوتگیں پریس ریلیز ءِ رد ءَ مزن وزیر محمد شہباز شریف ءَ شنگھائی کمکی گل ءِ سروک آنی سروک دیوان ءِ ساھت ءَ ایران ءِ صدر ڈاکٹر مسعود پژاخان ءَ گوں گند ءُ نند کتگ۔ گند ءُ نند ءِ ساھت ءَ دوئیں بامرد آں پاکستان ءُ ایران ءِ نیام ءَ روایتی ءُ دیریں سیادی آناں  ءِ جزم ءِ درشان کت۔ وت مہ وتی کمک ءِ توامیں شوبگ آنی تہ ءَ دو نیمگی سیادی آناں گیش مھکم کنگ ءِ ارزشت ءِ سر ءَ زور پر دات۔ دوئیں بامرد آں گوزوکیں سال ءِ جون ءَ  صدر پزشکیان  ءِ پاکستان ءِ تر ءُ تاب ءِ ساھت ءَ بوتگیں منّگ آنی سر ءَ عمل کنگ ءِ ارزشت ءِ سر ءَ ھم زور پر دات۔ دوئیں رہشوناں دمگی سیادی ءِ دیمروئی ءُ مردم آنی نیام ءَ رابطہ آناں گیش گیش کنگ ءِ واستہ برجاھیں کوشست آنی سر ءَ ھم چار ءُ تپاسی کت۔ گند ءُ نند ءِ ساھت ءَ دمگی جاور ھال آنی سر ءَ ھم حیال ءُ لیکہ درشان کنگ بوت۔ مزن وزیر ءَ یک رندے پدا گوشت کہ پاکستان پڑ ءِ امن ءُ ایمنی ءِ واستہ وتی دلجمیں کوشست آناں برجاہ دار ایت۔ آئی ءَ گوشت کہ فیلڈ مارشل سید عاصم منیر ءِ گوستگیں روچاں تہران ءِ تر ءُ تاب ءُ آئی ءِ سفارتی رابطہ آں جوانیں نتیجہ دیما اتکگ انت۔ مزن وزیر ءَ پڑ ءَ دائمی امن ءُ برجائی ءِ ھاترا صبر، ضبط ءُ برجاھیں سفارتی رابطہ ءِ ارزشت ءِ سر ءَ زور پر دات۔ آئی ءَ اسلام آباد ءِ مفاہمت نامہ ءِ چیر دستی ءَ بوتگیں مفاہمت ءِ گوما دیم ءَ روگ ءِ ضلورت ءِ سر ءَ ھم زور پر دات ءُ گوشت کہ اے دمگ ءَ دائمی امن ءِ واستہ یکیں زندگ داروکیں راہ اِنت۔ صدر ڈاکٹر مسعود پزشکیان ءَ دمگی امن ءُ ایمنی ءِ واستہ پاکستان ءِ برجاھیں سفارتی کوشست آناں ساڑات۔ پاکستان ءُ ایران ءِ سیادی ءِ برجائی ءِ سر ءَ زور پر دیان ءَ ایران ءِ صدر ءَ گوشت کہ دوئیں ملک آنی نیام ءَ سیادی سداں سال آنی تہ ءَ ھواریں یکجائی راجدپتر، دود ءُ ربیدگ ءُ مذھب ءِ مھکمیں بنیات آنی سر ءَ جوڑ کنگ بوتگ اَنت۔ آئی ءَ تہران ءِ جتا جتائیں پڑ آنی تہ ءَ کمک ءَ را گیش وسعت دیگ ءِ مھکمیں واھشت ءِ سر ءَ زور پر دات۔ صدر پزشکیان ءَ استیں دور ءِ چیلنجز آنی گیواری ءِ واستہ مسلم امت ءِ نیام ءَ یکوئی ءُ یکوئی ءِ دیمروئی ءِ ارزشت ءِ سر ءَ زور پر دات۔ مزن وزیر محمد شہباز شریف ءَ صدر ڈاکٹر مسعود پزشکیان ءَ را وتی زوتیں آسراتی ءِ وھد ءَ پاکستان ءِ سرکاری تر ءُ تاب ءِ دعوت دات۔ ایران ءِ صدر ءَ مزن وزیر محمد شہباز شریف ءَ را آیوکیں اقتصادی کمک ءِ گل ءِ سروک دیوان ءَ بھر زوری ءِ دعوت ھم داتگ کہ دسمبر 2026 ءَ تہران ءَ برجم دارگ بیت۔ وفاقی وزیر  اھوالکاری ءُ شنگ کاری  عطاء اللہ تارڑ، ھاسیں کمکار   مزن وزیر  سید طارق فاطمی  ءُ  سیکرٹری درئی کار  سفیر آمنہ بلوچ، ایرانی وزیر درئی کار  عباس عراقچی اے موہ ءَ ساڑی اتنت۔