لائخ و حقدار طالب علم آتا پنی آ یونیورسٹیتسکان رسینگ ، انسانی وسیلہ غاتے قومی شونداری نا اولیتی بشخ آتون ہم گرنچ کننگ کن سنبرینگوک اُن، ڈاکٹر خالد مقبول صدیقی

اسلام آباد۔ 27 اگست (اے پی پی)بنجائی وزیر تعلیم و کسبی تربیت ڈاکٹر خالد مقبول صدیقی پارینے کہ پاکستان تینالائخ و حقدار طالب علم آتے دنیا نا پنی آ یونیورسٹیتسکان رسینگ تننگ و ملکی انسانی وسیلہ غاتے قومی شونداری نا اولیتی بشخ آتون ہم گرنچ کننگ کن سنبرینگوک ءِ ۔ او دا ہیت ءِ واشنگٹن ڈی سی ٹی جارج ٹاؤن یونیورسٹی نا جہانی رابطہ غاتا نائب صدر تھامس بینکوف تون اوڑدہی نا وخت آ پارے ہراڑے بنجائی وزیربڑزکو کہولی پاکستانی ڈل انا کماشی ءِ کرے۔ اوڑدہی پاکستان ایجوکیشن اینڈومنٹ فنڈ (پاک ای ای ایف) نا رداٹ بناکروک اسہ اہم پروگرام اسے نا چرجوئی ٹی مس ہرا نا مسخت زرگزرانی حالیت آتیانقطع نظر میرٹ نا بنداو آ پاکستانیطالب علم آتے امریکہ نا پنی و بڑزکو جہانی درجہ بندی نا یونیورسٹی تیٹی بڑزکو تعلیم نا وارخواہی تننگ ءِ ۔ ڈل جارج ٹاؤن یونیورسٹی نا تاریخی رگس لائبریری نا ہم دورہ ءِ کرے۔ دا وخت آ ہڑتوم آ کنڈآن خیرخواہی و ادارہ جاتی کمکاری نا عزم انا درشانیءِ کننگا۔ بنجائی وزیر اوڑدہی نا وخت آ پاکستان نا ورناآبادی ءِ ملک انا اہم انسانی سرمایہ گوندسا پارے کہ پاکستان نا کم و ود 65 درسد آبادی 30 سال آن کم وئی بندغ آتیا تالان ءِ ہرافتے مصنوعی ذہانت، سائبر سکیورٹی، ڈیٹا سائنس، حیاتیاتی ٹیکنالوجی،چاگڑد و موسمی بدلی،کشت وکشارو السی پالیسیکون آ اہم بشخ آتیٹی بڑزکو تعلیم و پٹ وپول نا وارخواہی تننگ حکومت نا اولیتءِ ۔ او جارج ٹاؤن یونیورسٹی نا مون آ تین پہ تینی زرکاریآ تالان شریداری نا اسہ جامع خاکہ اس ہم پیش کرے۔ سلاہ نا رداٹ پاک ای ای ایف ہر طالب علم ءِ سالانہ 29 ہزار امریکی ڈالر اسکان وظیفہفراوان کیک وخت اس کہ جہانی درجہ بندی نا پنی آ یونیورسٹی پاکستانیطالب علم آتے کن پورو یاجزوی ٹیوشن فیس معافی نا دروشم اٹ کمک کیک ۔ داکان بیدس پاکستانیطالب علم آتے جہانی آب انا تعلیمی پروگرام تتون منسلک کننگ کن اسیجائی رابطہ پلیٹ فارم اس جوڑ کننگ نا سلاہ ہم تننگا۔ بنجائی حکومت بڑزکو تعلیم کن 1.5 ارب روپئی جتا کرینےہرافتے قومی اہمیت نا حامل بشخ آتیٹی پوسٹ گریجویٹ و ڈاکٹریٹ تعلیم کن کاریم اٹ اتنگک ۔