اسپیکر قومی اسمبلی ءَ ڈپٹی اسپیکر گلگت بلتستان اسمبلی ءَ گوں گند ءُ نند

اسلام آباد۔25اگست  (اے پی پی): راجی اسمبلی ءِ اسپیکر سردار ایاز صادق ءَ پارلیمنٹ گس ءَ ڈپٹی اسپیکر گلگت بلتستان اسمبلی ءِ ڈپٹی اسپیکر ملک کفایت الرحمٰن  ءَ گوں گند ءُ نند کت۔ گند ءُ نند ءِ ساھت ءَ راجی اسمبلی ءُ گلگت بلتستان اسمبلی ءِ نیام ءَ پارلیمانی کمک ءُ وت مہ وتی ھب ءُ واھگ ءِ جیڈھانی سر ءَ ھیال ءُ لیکہ درشان کنگ بوت۔ اسپیکر راجی اسمبلی ءَ ملک کفایت الرحمٰن  ءَ را ڈپٹی اسپیکر گچین بوھگ ءِ پد ءَ مبارک بات دات ءُ آئی ءِ نوکیں ذمہ واری آنی تہ ءَ کامیاتیں کارکردگی ءِ واستہ نیکیں واھگ آنی درشان کت۔ اسپیکر قومی اسمبلی ءَ گوشت کہ قومی اسمبلی گلگت بلتستان اسمبلی ءِ گوما پارلیمانی سیادی ءَ را گیش مھکم کنگ ءِ واستہ جزمیگ انت ءُ کانودی ءُ پارلیمانی جیڈھ آنی تہ ءَ گلگت بلتستان اسمبلی ءِ صلاحیت ءَ را گیش کنگ ءِ واستہ دیم ءَ ھم کمک کنت۔ پی آئی پی ایس ءِ چیر دستی ءَ گلگت بلتستان اسمبلی ءِ باسک ءُ کارندہ آنی واستہ تربیتی پروگرام المی انت۔ اسپیکرز کانفرنس قانون ساز ادارگ آنی نیام ءَ رابطہ، تپاکی ءُ تجربات آنی تبادلہ ءِ واستہ یک موثریں پلیٹ فارم ءِ انت۔ سی پیک دمگ ءِ دیمروئی ءُ وشھالی ءِ واستہ گیم چینجر پروجیکٹ انت ۔ گلگت بلتستان ءَ معدنی وسیلگ ءُ بنیاتی ڈھانچہ ءِ پڑ ءَ مزنیں توانائی است انت۔ معدنی وسیلگ ءِ شوبگ ءَ را نوکیں لیکہ آنی سر ءَ دیمروئی دیگ ءُ الس ءِ شریکداری پیداک کنگ ءِ ضلورت اِنت۔ دیامر-بھاشا بند ملک ءِ اقتصادی ءُ چاگردی دیمروئی ءِ ھاتر ءَ یک ھاسیں منصوبگ اِنت۔ گلگت بلتستان اسمبلی ءِ نائب صدر ملک کفایت الرحمٰن  ءَ راجی اسمبلی ءِ صدر ءِ نیکیں واھشت ءُ کمک ءِ سرا منت واری ءِ درشانی کت۔