اسلام آباد۔25اگست (اے پی پی): وفاقی تہی کارانی وزیر محسن نقوی ءَ ڈپلومیٹک انکلیو ءِ تر ءُ تاب کتگ ءُ اودا برجاھیں دیمروئی کارانی پیشرفت، باونڈری وال ءِ جوڑیشت، چیک پوسٹ آنی نوکیں رنگ ءَ جوڑ کنگ، سائیکلنگ ءُ واکنگ ٹریک منصوبگ آنی سر ءَ چار ءُ تپاسی کتگ۔ وفاقی داخلہ ءِ وزیر ءَ 24 کلاک ءِ سرحدی دیوار ءِ سر ءَ کار ءَ را برجاہ دارگ ءِ پنت ءُ …
وفاقی داخلہ وزیر ڈپلومیٹک انکلیو ءِ تر ءُ تاب ءَ کنت، یک نوکیں ءُ جامع سیکورٹی پلان ءِ جوڑ کنگ ءِ پنت ءُ شون کنت ءُ کار ءِ وھد ءَ درچک گڈگ نہ بیت
گیشتریں ھال
اسلام آباد۔25اگست (اے پی پی): وفاقی تہی کارانی وزیر محسن نقوی ءَ ڈپلومیٹک انکلیو ءِ تر ءُ تاب کتگ ءُ اودا برجاھیں دیمروئی کارانی پیشرفت، باونڈری وال ءِ جوڑیشت، چیک پوسٹ آنی نوکیں رنگ ءَ جوڑ کنگ، سائیکلنگ ءُ واکنگ ٹریک منصوبگ آنی سر ءَ چار ءُ تپاسی کتگ۔ وفاقی داخلہ ءِ وزیر ءَ 24 کلاک ءِ سرحدی دیوار ءِ سر ءَ کار ءَ را برجاہ دارگ ءِ پنت ءُ شون کتگ ءُ اے گپ ءِ پدر کنگ ءَ گشتگ کہ دیمروئی کار آنی وھد ءَ ہچ وڑیں درچک ءِ کٹگ مہ بیت۔ آئی ءَ سفارتی انکلیو ءِ تہ ءَ سڑک آنی تہ ءَ گیشی ءِ پرمان داتگ، نوکیں رنگ ءَ سائیکلنگ ءُ واکنگ ٹریک آنی دیمروئی ءُ میاں اوستمانی تک ءِ رد ءَ پارک آناں بحال کنگ ءِ پرمان داتگ۔ محسن نقوی ءَ ڈی آئی جی سیکورٹی ءَ را پنت ءُ شون کت کہ آ سفارتی انکلیو ءِ ھاتر ءَ نوکیں ءُ سرجمیں سیکورٹی منصوبگ جوڑ بہ کنت ءُ گوشت کہ سفارتی انکلیو ءَ را نوکیں، ایمن ءُ زیبائیں سفارتی زون جوڑ کنگ بیت ءُ ایشی ءِ نندوکیں مردم آناں جھان ءِ درجہ ءِ آسراتی ءُ فول پروف سیکورٹی ءِ پجارینگ حکومت ءِ اولی ترجی انت۔ اے موہ ءِ سر ءَ چیئرمین کیپیٹل ڈویلپمنٹ اتھارٹی ءَ وفاقی وزیر داخلہ ءَ را سفارتی انکلیو ءَ جاری دیمروئی منصوبگ ءُ انوگ ءَ تاں بوتگیں پیشرفت ءِ بابت ءَ سرپد کت۔ اے موہ ءِ سر ءَ ڈپٹی کمشنر اسلام آباد ءُ سی ڈی اے ءُ ضلعی انتظامیہ ءِ ایندگر مزنیں افسر ھم ساڑی اتنت۔
