فیلڈ مارشل عاصم منیر ءُ داخلہ ءِ وزیر محسن نقوی ءَ ایران ءِ صدر ءَ گوں گند ءُ نند کتگ، دمگی  کشاں چیل  ءُ مصالحت ءِ عمل ءِ سرا ھاسیں گپ ءُ تران

اسلام آباد۔25اگست  (اے پی پی): وفاقی تہی کارانی وزیر محسن نقوی ءَ گوشت کہ فیلڈ مارشل سید عاصم منیر ءُ آئی ءِ ایرانی ھمکار ءِ گوما یک ھاسیں ءُ جوڑیشت ءِ گند ءُ نند کنگ بوتگ ایشی ءِ تہ ءَ ایران ءُ امریکہ ءِ نیام ءَ جیڈھ، میاں اوستمانی تک ءِ استیں جاور ءُ امن ءِ برجائی ءِ آیوکیں حکمت عملی ءِ سر ءَ سرجمیں رنگ ءَ گپ ءُ تران کنگ بوتگ۔ ایشی ءَ ابید ”اسلام آباد ءِ تپاک نامہ“ ءِ سرجمیں بحالی ءُ جیڑہ ءِ پرامنیں گیواری ءِ ھاتر ءَ دوئیں نیمگاں المی گامگیج آنی سر ءَ گپ ءُ تران کنگ بوت۔ سوشل میڈیا پلیٹ فارم ”ایکس“ ءِ سر ءَ شنگ بوتگیں پیغام ءِ تہ ءَ وزیر داخلہ ءَ گوشت کہ ایران ءِ صدر ءَ وتی حکومت ءِ موقف ءُ تحفظات ءَ را ھاسیں رنگ ءَ پیش کتگ کہ ایشی ءِ سر ءَ دوئیں نیمگ آنی نیام ءَ جوانیں گپ ءُ تران بوتگ۔ آئی ءَ گوشت کہ گند ءُ نند ءَ مزنیں پیشرفت بوتگ۔ آئی ءَ اے اُمیت ءِ درشانی کت کہ اے دیمروئی دمگ ءِ تہ ءَ دائمی امن ءُ ایمنی ءِ واستہ کمکی ثابت بیت۔