نائب مزن وزیر اسحاق ڈار ءَ گوں ترکی ءِ درئی کارانی وزیر ءَ فون ءِ سر ءَ گپ ءُ تران کتگ ، دمگی جاور ھال آنی سر ءَ گپ ءُ تران

اسلام آباد۔25اگست  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ ترکی ءِ درئی کارانی وزیر حاقان  فیدان  ءَ گوں فون ءِ سر ءَ گپ ءُ تران کتگ۔ سئے شمبے ءِ روچ ءَ درئی کارانی کارگس ءِ رد ءَ دوئیں رہشون آنی نیام ءَ وت مہ وتی سیادی، دمگی جاور ھال ءُ وت مہ وتی دل وشی  ءِ ایندگر جیڈھ آنی سر ءَ گپ ءُ تران بوتگ۔ دوئیں وزیرانی درئی کار ءَ چار دمگی ملک آنی وزیر آنی درئی کار آنی آیوکیں گند ءُ نند ءُ اے دگہ آیوکیں باز نیمگی کار آنی سر ءَ ھم گپ ءُ تران کتگ۔ دوئیں رہشوناں نزیکیں رابطہ ءِ برجاہ دارگ ءِ سرا ہم تپاک کتگ۔