لیہ ضلع ءَ سیلاب ءَ چہ آماچیں مردمانی کمک ءِ واستہ گامگیج زورگ بوھگ ءَ انت، وفاقی وزیر آبی وسائل ءَ راجی اسمبلی ءَ پسو

اسلام آباد۔25اگست  (اے پی پی): آبی وسیلگ آنی وفاقی وزیر معین حیدروٹو  ءَ گوشت کہ ضلع لیہ ءَ سیلاب ءَ چہ آماچیں مردم آنی کمک ءِ واستہ ترندیں گامگیج آنی لڑ ءِ سر ءَ کار کنگ بوھگ ءَ اِنت۔ لیہ ءِ تہ ءَ چہ 3لکھ کیوسک آپ گوزگ ءَ اِنت۔ ھما وھد ءَ کہ آپ ءِ کمی ءِ سبب ءَ بحالی ءُ معاوضہ ءِ ھاتر ءَ گامگیج چست کنگ بیت۔ سئے شمبے ءِ روچ ءَ راجی اسمبلی ءَ لیہ ضلع ءَ دریا ءِ کشگ ءُ سیلاب ءِ ھترہ ءِ ھوالگ ءَ اویس حیدر جھکر ءُ ایندگر آنی دلگوشی ءِ سر ءَ وفاقی وزیر آبی وسیلگ موئن واٹو ءَ ایوان ءَ گوشت کہ لیہ ءِ بازیں میتگ آنی تہ ءَ دریا ءِ کشگ بوھگ ءَ انت۔ من گوں ھمگرنچیں واکداراں گپ ءُ تران کتگ۔ آوار جتگیں مردماں نندگ ءِ آسراتی پجاری کنگ بوھگ ءَ انت۔ ھما مردماں کہ تاوان بوتگ آھاں معاوضہ دیگ بیت۔ انتظامیہ الرٹ انت ءُ ریلیف ءُ بحالی ءِ گامگیج زورگ بوھگ ءَ انت۔ آئی ءَ گوشت کہ اے وھد ءَ لیہ ءِ تہ ءَ چہ سئے لکھ کیوسک آپ تچگ ءَ انت۔ ھما وھد ءَ کہ آپ ءِ کمی ءِ سبب ءَ بحالی ءُ معاوضہ ءِ ھاتر ءَ گامگیج بندات کنگ بنت۔ اویس حیدر جھکر ءِ جُست ءِ سر ءَ آئی ءَ گوشت کہ گوستگیں سال ءَ ھم سیلاب ءِ سبب ءَ تاوان رستگ آھاں معاوضہ دیگ بوتگ۔ سید شاہ احد علی شاہ ءِ یک جستے ءِ سر ءَ آئی ءَ گوشت کہ صوبہی سرکار ءِ نیمگ ءَ چہ زیان مندیں مردمانی واستہ فنڈز ھم داتگ انت۔ ڈپٹی اسپیکر ءَ گرین فنڈز ءِ ھوالگ ءَ معاملہ ھمگرنچیں کمیٹی ءَ دیم داتگ۔