وفاقی وزیر تجارت ءِ سروکی ءَ فارن ٹریڈ ونگز  اندری دیوان ءَ برآمدات ءَ را گیش کنگ ءِ ھاتر ءَ کوشست آناں گیش تیز کنگ ءِ پنت ءُ شون

اسلام آباد۔25اگست  (اے پی پی): وفاقی وزیر تجارت جام کمال خان ءِ سروکی ءَ دری تجارت ونگز ءِ یک ھاسیں اندری دیوان ءِ برجم دارگ بوت۔ سئے شمبے ءِ روچ ءَ وزارت تجارت ءِ جارکش ءِ رد ءَ گند ءُ نند ءِ تہ ءَ وفاقی وزیر ءَ پاکستان ءِ برآمدات ءَ را گیش کنگ ءِ واستہ کوشست آناں گیش مھکم کنگ ءِ پنت ءُ شون کتگ۔ وفاقی وزیر برائے تجارت ءَ نوکیں مارکیٹ آنی تہ ءَ پاکستانی برآمدات ءِ تہ ءَ دلبڈی ءِ گیشی ءِ سر ءَ دل یکیمی ءِ درشان کت۔ آئی ءَ گوشت کہ مارکیٹ ءِ تنوع، مھکمیں بی ٹو بی رابطہ ءُ درملک ءَ تجارتی مشن آنی گوما رابطہ آناں گیش کنگ بہ بیت۔ آئی ءَ چاول، ٹیکسٹائل، کشت ءُ کشاری چیز، دوائی، پروسیسڈ فوڈ، لائٹ انجینئرنگ ءُ سروسز ءِ واستہ نوکیں مارکیٹ ءِ شوھازگ ءِ ھم پنت ءُ شون کتگ۔ وفاقی وزیر برائے تجارت ءَ گوشت کہ دری تجارت ونگز ءَ را ترجیحی پیداوار ءُ مارکیٹ ءِ رسائی ءِ واستہ ہر ملک ءِ واستہ جتا جتائیں ایکشن پلان جوڑ کنگ لوٹ ایت، ءُ تجارتی معاہدہ آنی تہ ءَ پاکستان ءِ واستہ متوازن ءُ بامردیں تجارتی آسراتی ءِ ھست بہ بیت۔ آئی ءَ گوشت کہ یکجائی تجارتی کمیٹی ءُ یکجائی ورکنگ گروپ ءِ زیر اوشتاتگیں دیوان زوت برجم دارگ بہ بنت ءُ وزارت تجارت، وزارت ءِ درئی کار، درملک ءَ مشن ءُ کاروباری ادارگ آنی گوما رابطہ ءَ را گیش موثر جوڑ کنگ بہ بیت۔