ناشرکاراں رنگ، نسل ءُ مذہب نیست، زوراکی ءِ وسیلہ ءَ نظریات ءِ مسلط کنگ ہر حال ءَ منّگ نہ بیت، عطا اللہ تارڑ

اسلام آباد۔18اگست  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ ناشرکار آنی رنگ، نسل ءُ مذھب نیست، زوراکی ءِ وسیلگ ءَ نظریات آنی مسلط کنگ ھچ وڑ ءَ منّگ نہ بیت، پاکستان ءَ ناشرکاری ءِ ھلاپ ءَ جنگ ءَ 90 ھزار گران بھائیں جان قربان کتگ، پاکستانی راج ءُ سرجمیں پاکستانی لشکر ءِ نیام ءَ سک باز مھکمیں ناشرکار ھوار اَنت۔ دنیا، سرکاری ادارہ، وفاقی ءُ صوبائی حکومت ءُ مہلوک ءِ یکجائی کوشستاں گوں ناشرکاری ءِ ھلاسی ءِ ھاترا موثریں گامگیج چست کنگ بوتگ انت، 2017 ءَ ناشرکاری ءِ ھلاسی ءَ پد ملک ءَ سرمایہ کاری بندات بوتگ، البت، بدبھتی ءَ پالیسی ءِ بدلی ءَ پد ءَ چار سالی سیاست ءِ ھلاسی ءِ ھاتر ءَ تاوان داتگ ۔ پارٹیانی پالیسیانی تسلسل ءِ ھاترا ناشرکاری ءِ ھلاس کنگ ءِ جھد ءَ بیانیہ ءِ کرد سک باز المی اِنت، راستی ءِ جھد ءِ وھد ءَ پہلگام ءِ واقعہ ءَ پد ھندوستان ءَ پاکستان ءِ سر ءَ بے بنیں الزام جتگ اَنت بیانیہ ءِ جنگ چہ اصل جنگ ءَ پیسر ھم بندات بوتگ اَت، بلے پاکستان ءَ ھندوستان ءِ الزامانی سر ءَ جوانیں رنگے ءَ پسو داتگ اَت۔ مزن وزیر شہباز شریف ءِ پہلگام ءِ واقعہ ءِ سرا شفافیں میاں اوستمانی پٹ ءُ پول ءِ پیشکش ءَ بھارت ءِ سرا ہچ وڑیں ہبر نہ بوتگ۔ پاکستان ءِ جوانیں عکس سرجمیں دگنیا ءَ دیم ءَ اتکگ، آئی ءَ مزنیں سفارتی سوبمندی رستگ ءُ پاکستان یک معتبریں میانجی ءِ رنگ ءَ دیم ءَ اتکگ۔ آئی ءَ اے ھیالانی درشانی پائیدار چاگردی دیمروئی آرگنائزیشن (ایس ایس ڈی او) ءِ نیمگ ءَ برجم داشتگیں انسداد ناشرکاری ءِ فریم ورک، بلوچستان، پنجاب ءُ سندھ ءِ پارلیمنٹ ءِ باسک آنی واستہ کانودی ذمہ واری آنی سرھال ءِ سر ءَ صلاحیت سازی ءِ ورکشاپ ءَ گوں تران کنان ءَ کت۔ وفاقی وزیر انفارمیشن ءَ گوشت کہ انفارمیشن وار ءُ بیانیہ ءِ دیم ءَ اے گپ ءَ را دل ءَ دارگ المی اِنت کہ ادراک باز براں حقیقت ءَ چہ گیش طاقتور اِنت۔ انفارمیشن مینیجرز یا بیانیہ ءِ جوڑ کنوک ءِ بستار ءَ مئے کار ادراک ءُ حقیقت ءِ نیام ءَ فرق ءَ پُل کنگ اِنت۔ عطا اللہ تارڑ ءَ گوشت کہ 2017ءَ ملک ءَ چہ ناشرکاری سرجمی ءَ ھلاس کنگ بوتگ۔ کراچی ءِ امن ءُ ایمنی ءِ جاور ھال، خیبر پختونخوا ءِ ناشرکاری ءِ کار، بلوچستان ءِ لھتیں دمگاں ناشرکاری ءِ لہر ءُ جنوبی پنجاب ءَ بگر داں میان اُستمانی پنجاب ءَ گیش بوھوکیں انتہا پسندی ءِ وڑیں چیلنجانی دیم ءَ ریاست ءَ ھما وھد ءَ نیشنل ایکشن پلان آرگ ءِ پیسلہ کت کہ ایشی ءِ پسو ءَ درستیں سیادی داروکیں گلاں دات۔ آئی ءَ گوشت کہ وفاقی ءُ صوبائی حکومت، پاکستانی اُرد ءُ ایندگر ادارگ آنی نیمگ ءَ ناشرکاری ءِ ھلاپ ءَ یکجائی کوشست کنگ بوتگ ایشی ءِ آسر ءَ ناشرکاری مزنیں کساس ءَ ھلاس کنگ بوتگ۔ ناشرکاری ءِ ھلاپ ءَ اے سوبمندیں جھد ءِ تہ ءَ موثریں بیانیہ ءَ ھم سک باز ھاسیں کرد پیلو کتگ۔ وفاقی وزیر ءَ گوشت کہ پہلگام ءِ وئیل ءَ چہ فوراً پد بھارت ءَ پاکستان ءِ سر ءَ اے وئیل ءِ تہ ءَ ھوار بوھگ ءِ الزام جنگ بندات کتگ، اے رنگ ءَ راستیں جنگ ءِ بندات ءَ چہ پیسر ھم ادراک ءُ بیانیہ ءِ جنگ بندات بوتگ۔ آئی ءَ گوشت کہ ریاست ءَ بھارتی الزام آنی سر ءَ سرجمیں ءُ موثر رنگ ءَ پسو داتگ ءُ اے جُست چست کنگ بوتگ کہ پہلگام ءِ وئیل ءَ چہ نیم کلاک ءِ تہ ءَ ایف آئی آر چون درج کنگ بوتگ ءُ اگاں بھارتی دعویٰ ءِ رد ءَ اُرش کنوک پاکستان ءَ چہ اتکگ اَنت گڈا لائن آف کنٹرول ءِ نزیک ءَ یک مشکلیں کلومیٹر دوری ءِ باوجود آ چوں اودا سر بوتگ اَنت۔ کوہنیں دمگ ءِ نیام ءَ ، وھدے کہ ھندی سیکورٹی ءَ وھد ءِ سر ءَ آھانی پجار یا بند کنگ ءَ ناکام بوتگ ۔ آئی ءَ گوشت کہ مزن وزیر شہباز شریف ءَ پی ایم اے کاکول ءَ وتی گشتانک ءِ ساھت ءَ پہلگام ءِ وئیل ءِ سر ءَ میاں اوستمانی تک ءَ شفافیں پٹ ءُ پول ءِ پیشکش کتگ ات، ایشی ءَ پد بھارت گھبراہگ ءَ ات، پرچا کہ آئی ءَ را ھچ وڑیں موثریں پسو نیست ات۔ آئی ءَ گوشت کہ ایشی ءَ پد بازیں روچاں لبز آنی جنگ برجاہ بوتگ ءُ آئی ءَ وزیر ءِ اھوالکاری ءِ بستار ءَ پاکستان ءِ بن گپ سی ان ان، بی بی سی، اسکائی نیوز، سی این بی سی، الجزیرہ ءُ العربیہ ءَ ھوار جتا جتائیں میاں اوستمانی میڈیا ادارگ آناں پیش کتگ۔ آئی ءَ گوشت کہ میاں اوستمانی میڈیا ءِ دیم ءَ اے جست چست کنگ بوتگ کہ ھما راج ءَ کہ آئی ءَ ناشرکاری ءِ ھلاپ ءَ جنگ ءَ نود ہزار گرانبہائیں جان ندر کتگ آ چون ناشرکاری ءِ کمک ءَ کت کنت۔ اے شھیدانی تہ ءَ پاکستانی لشکر ءِ سپاھیگ، سپاھیگ ءُ افسر، پولیس ءُ کانود ءِ کارندہ، سیاست دان، عام مردم، انجینئر، ڈاکٹر ءُ زھگ ھوار اَنت وھدیکہ اے پی ایس ءِ وئیل ءَ ناشرکاری ءِ ھلاپ ءَ جنگ ءَ مئے بے میاریں زھگاں ھم وتی ھون ندر کتگ اَنت۔ وفاقی اھوالکاری ءِ وزیر ءَ گوشت کہ یک نیمگ ءَ پاکستان ھما راج اِنت کہ آئی ءِ ھمک بھر ءَ ناشرکاری ءِ ھلاپ ءَ جنگ ءَ بے دروریں قربانی داتگ، وھدیکہ دومی نیمگ ءَ ھندوستان است اِنت کہ آ وت دگنیا ءِ جتا جتائیں ملک آنی تہ ءَ اقلیت آنی کوش ءَ ھوار بوتگ۔ آئی ءَ گوشت کہ ناشرکاری ءِ عروج ءِ وھد ءَ پاکستان ءِ ھمک دومی گس ءَ قربانی ءِ بے وھدیں کسہ بوتگ، ایشی ءِ باوجود بھارت پاکستان ءَ سرحد ءِ سرا ناشرکاری ءِ بھتام جنت اگاں چہ پاکستان وت ناشرکاری ءِ ھلاپ ءَ جنگ ءَ انت ءُ اے جنگ ءَ مزنیں تاوان رستگ۔ آئی ءَ گوشت کہ بھارت ءِ درملک ءَ اقلیت آناں نشانگ جوڑ کنگ ءِ وئیل دگنیا ءِ دیم ءَ اَنت، کینیڈا ءَ یک سکھ شہری ءِ کوش ءَ بھارت ءِ دست مان بوھگ ءِ ثبوت ھم دیم ءَ اتکگ اَنت، وھدیکہ جتا جتائیں ملک آنی تہ ءَ بھارتی حکومت ءِ نیمگ ءَ اقلیت ءِ کمیونٹی ءِ مردم آناں نشانگ جوڑ کنگ ءِ وئیل ھم دیم ءَ اتکگ اَنت۔ آئی ءَ گوشت کہ یک نیمگ ءَ بھارت پاکستان ءِ سر ءَ سیم سر ناشرکاری ءِ بھتام جنت، دومی نیمگ ءَ بھارت ءِ سرکار درملک ءَ اقلیت آنی کوش ءَ وت دست مان بوتگ۔ آئی ءَ گوشت کہ میاں اوستمانی براتی ءَ را پاکستان ءَ وتی بیانیہ ڈی آئی اے ءِ دیم ءَ راستی ءُ دستیابیں شواہد ءِ بنیاد ءَ موثر رنگ ءَ پیش کتگ کہ یک ملکے ءَ کہ ناشرکاری ءِ جنگ ءَ قربانی داتگ آئی ءِ مقابلہ ہما ملک ءَ گوں کنگ نہ بیت کہ آ وت ناشرکاری ءِ دیمروئی ءَ ہوار اِنت۔ آئی ءَ گوشت کہ پاکستان ءِ گور ءَ وتی بن گپ ءِ حمایت ءَ مھکمیں شواہد است انت ایشی ءِ تہ ءَ بلوچستان ءَ چہ ھندی جاسوس کلبھوشن جادھو ءِ دزگیر کنگ ھم ھوار انت کہ آ ناشرکاری ءِ کار آنی تہ ءَ ھوار بوتگ ءُ پاکستان ءَ ناشرکار آناں آسراتی دیگ بوتگ۔ وفاقی وزیر ءَ گوشت کہ وھدے اے راستی ءُ شواہد میاں اوستمانی میڈیا ءِ دیم ءَ ایر کنگ بوتگ انت گڈا بھارت ءَ را ھچ وڑیں موثر پسو نہ بوتگ۔ آئی ءَ گوشت کہ اگاں بلوچستان ءِ ھوالگ ءَ ھندی رسانکدر ءُ اودا لھتیں زانتکار آنی بیانیہ ءِ چار ءُ تپاسی کنگ بہ بیت گڈا ھندوستان ءِ اے صوبہ ءَ را مدام نشانگ جوڑ کنگ ءِ رجحان پدر انت۔ آئی ءَ گوشت کہ بلوچستان ءَ چہ کلبھوشن جادھو ءِ دزگیری اے گپ ءِ پدریں ثبوت اِنت کہ پاکستان ءِ اندر ءَ ناشرکاری ءُ ناامنی ءِ کارانی سرپرستی ءَ بھارت ءِ دست مان بوتگ۔ عطا اللہ تارڑ ءَ گوشت کہ ناشرکاری ءِ ھلاپ ءَ پاکستان ءِ بیانیہ مرکزی انت، اگاں پاکستانی راج ءُ پاکستانی سلاہ بندیں اُرد ءَ ناشرکاری ءِ ھلاپ ءَ جنگ نہ کتگ ات گڈا اے ناشرکار دگنیا ءِ جتا جتائیں ملک آنی تہ ءَ گشت ءُ گشت ءَ بوتگ اتنت۔ آئی ءَ گوشت کہ پاکستانی راج، پاکستانی سلاہ بندیں اُرد ءُ سرجمیں پاکستانی چاگرد ناشرکار ءُ دگنیا ءِ نیام ءَ یک مھکمیں سپرے، پمیشکا وھدے پاکستانی ناشرکاری ءِ ھلاپ ءَ جنگ ءَ شھید بیت گڈا آ نہ ایوک ءَ وتی ڈیھ ءُ وتی مکسد ءِ واستہ قربان بیت بلکینگ ءَ دگنیا ءَ را ایمن ءُ ایمنی ءِ جاگہ ​​جوڑ کنگ ءِ واستہ وتی سر ءَ ھم ندر کنت۔ آئی ءَ گوشت کہ بیانیہ ءِ دیم ءَ پاکستان ءَ ناشرکاری ءِ ھلاپ ءَ جوانیں جنگ کتگ، ایشی ءِ تہ ءَ اللہ تعالیٰ ءَ مزنیں سوبمندی داتگ، میاں اوستمانی تک ءَ پاکستان ءِ جاہ مھکم بوتگ ءُ دگنیا ءَ پاکستان ءِ بیانیہ ءَ را من اِتگ۔ آئی ءَ گوشت کہ اے کامیابی ءَ وزارت ءِ اھوالکاری ءُ نشریات، آئی ایس پی آر ءُ پاکستانی میڈیا ءِ مزنیں کرد انت۔ وفاقی وزیر ءَ گوشت کہ راستی ءِ جہد ءِ ساھت ءَ بھارتی میڈیا ءِ نیمگ ءَ بازیں بے بنیں دعویٰ کنگ بوتگ ایشی ءِ تہ ءَ لاہور ءُ ملتان ءِ بندر آنی تباہی ھم ھوار اِنت بلے پاکستانی میڈیا ءَ ذمہ واریں اھوالکاری ءِ درشان کنان ءَ راستی پیش کتگ۔ آئی ءَ گوشت کہ راج یک مُشت بوتگ ءُ پاکستان ءَ راستی ءُ اعداد و شمار آنی بنیات ءَ دگنیا ءِ دیم ءَ وتی جہت پیش کتگ ایشی ءِ آسر ءَ اللہ تعالیٰ ءَ سوبمند داتگ۔ وفاقی وزیر اطلاعات ءَ گوشت کہ 2017 ءَ ناشرکاری ءِ ھلاسی ءَ پد کراچی ءَ بگر داں خیبر ءَ امن ءُ ایمنی ءِ جاور ھال گہتر بوتگ ءُ ملک ءَ سرمایہ کاری ءِ عمل ھم بندات بوتگ بلے بدقسمتی ءَ پد ءَ ناشرکار ءُ آھانی آسراتی ءِ واستہ ھمدردی پیداک کنگ بوتگ ءُ آھاں آباد کنگ ءِ پالیسی ءُ آھاں گوں مذاکرات کنگ ءِ پالیسی ءِ سرا عمل کنگ بوتگ۔ چار سال اِنت کہ ناشرکاری ءِ ھلاسی ءِ ھاترا جاری اِنت۔ آئی ءَ گوشت کہ پالیسی ءِ تہ ءَ اے بدلی ءِ پیسلہ ءِ سر ءَ سیاسی گل آناں بھروسہ نہ کتگ، اگاں چہ راجی ایمنی ءُ ناشرکاری ءِ وڑیں ھاسیں جیڈھ آنی سر ءَ سیاسی گل آنی نیام ءَ تپاکی المی اِنت۔ آئی ءَ گوشت کہ ملک ءَ ناشرکاری ءِ استیں جاور 2017 ءَ چہ پد پالیشی ءِ تہ ءَ بدلی ءِ آسر انت وفاقی وزیر ءَ گوشت کہ اللہ تعالیٰ ءِ شگر ءَ گوستگیں دو ءُ نیم تاں سئے سال آنی ساھت ءَ راجی ایکشن پلان ءِ چیر دستی ءَ بازیں پڑ آنی تہ ءَ مزنیں گہتری بوتگ۔ ناشرکار نوں سختیں ٹارگٹ ءِ بدل ءَ نسبتا نرم ٹارگٹ ءِ نیمگ ءَ رھادگ بوھگ ءَ اَنت۔ آئی ءَ گوشت کہ جعفر ایکسپریس ءِ وڑیں وئیل پیسر ءَ نہ بوتگ، مئے سیکورٹی ادارگ آں پیشہ وارانہ ہنر ءَ گوں ریسکیو آپریشن سرجم کتگ۔ آئی ءَ گوشت کہ ناشرکاری ءِ سبب ءَ بوتگیں تاوان ءِ مستریں سبب پالیسی ءِ تہ ءَ بدلی بوتگ، وھدیکہ ناشرکاری ءِ انوگیں کار آنی تہ ءَ درائیں دست آنی دست مان بوھگ ءِ تہ ءَ ھچ شک نیست پرچا کہ اے وڑیں کار بید ءَ درائیں مداخلت ممکن نہ اَنت۔ آئی ءَ گوشت کہ زانتکاری ءِ پڑ ءَ کانود است انت وھدیکہ سائبر کرائم آنی گر ءُ دار ءِ واستہ ایف آئی اے ءِ چیر دستی ءَ جوڑ بوتگیں ونگ ءَ را نوں نیشنل سائبر کرائم انوسٹی گیشن ایجنسی ءَ بدل کنگ بوتگ۔ آئی ءَ گوشت کہ ڈیجیٹل پلیٹ فارم آنی سر ءَ یک مردمے ءِ نیمگ ءَ یک پوسٹے ھم دگہ مردم ءِ جان ءَ را ھترناک کت کنت، ھمے وھد ءَ انسداد ناشرکاری، زالبول آناں زھر ءُ زھم ءِ ھوالگ ءَ ھم سنگینیں جیڈھ است انت۔ وفاقی وزیر ءَ گوشت کہ ڈیجیٹل سیکٹر ءَ ردیں ھال ءُ اھوال ءُ گمراہ کنوکیں مواد چاگرد ءُ مردم آنی جان ءُ مال ءِ واستہ ھترہ ءِ سبب جوڑ بوت کنت، پمیشکا اے وڑیں جیڈھ آنی گر ءُ دار ءِ واستہ یک جوانیں کانود ءُ نظام ءِ ضلورت اِنت۔ آئی ءَ گوشت کہ راجی ایکشن پلان ءِ چیر دستی ءَ بیانیہ ءِ جوڑ کنگ ءِ عمل ءَ کانود ءِ نفاذ ھم یک ھاسیں عنصرے، ایشی ءِ تہ ءَ کانود سازی، ریگولیشن ءُ انچیں نظام ءِ جوڑ کنگ ھوار اِنت کہ ایشی ءِ وسیلگ ءَ ریاست ءِ ھلاپیں بیانیہ ءُ پروپیگنڈا ءِ وسیلگ ءَ مردم آنی ذھن ءِ ٹکر کنگ ءَ را جوانیں رنگ ءَ گیش ءُ گیوار کنگ بہ بیت۔ ماہ رنگ بلوچ ءِ حوالہ ءَ آئی ءَ گشت کہ آ ریاستی موسیل ءُ سرکاری کمک ءَ بہ وانیت ءُ ڈاکٹرے بہ بیت، ہما ریاست ءَ آئی ءَ را وتی وانگ ءِ سرجم کنگ ءُ چاگرد ءِ وانندہیں باسک جوڑ بوہگ ءِ موہ دات، ہمے ریاست ءِ ہلاپ ءَ کمپین بندات کت۔ وفاقی وزیر ءَ اے جست چست کت کہ مہرنگ بلوچ ءِ دھرنا ءُ آئی ءِ اسلام آباد ءِ تر ءُ تاب ءَ ہوار ایندگہ کارانی واستہ مالی وسیلہ کجا چہ بنت ءُ اے کارانی مالی کمک کئے کنت؟ وفاقی وزیر ءِ اھوالکاری ءَ گوشت کہ ناشرکاری ءُ ریاست ءِ ھلاپ ءَ کار آنی تہ ءَ درائیں ھوار بوھگ ءِ شواہد است انت ءُ اے درگت ءَ بلوچستان ءَ چہ کلبھوشن جادھو ءِ دزگیر کنگ مستندیں شواہد آنی تہ ءَ ھوار انت۔ آئی ءَ گوشت کہ راجی ایکشن پلان ءِ چیر دستی ءَ حکومت ءِ انسداد ناشرکاری ھاسیں اولویتانی تہ ءَ اے کار ءِ ھاترا یک قانونی رھبندے ھست کہ وھد ءِ لوٹ ءُ گزر ءِ رد ءَ گیش ءُ گیوار کنگ بوھگ ءَ اِنت۔ آئی ءَ گوشت کہ بیانیہ جنگ ءَ فیڈریشن ءُ توامیں صوبہ آنی یکجائی بھر زوری المی اِنت تانکہ ریاست ءِ ھلاپ ءَ پروپیگنڈا ءُ الس ءِ ذھن ءِ جوڑ کنگ ءِ کوشست آنی گوما جوانیں ءُ یکجاھیں رنگ ءَ جنگ کنگ بہ بیت۔ وفاقی وزیر ءَ گوشت کہ اے ھوالگ ءَ گامگیج کنگ بوھگ ءَ انت بلے استیں نظام ءَ گیش گہتری ءِ گنجائش است انت۔ راجی ایکشن پلان ءِ رد ءَ انوگیں کانود ءِ رھبند ءَ را گیش کارآمد جوڑ کنگ ءُ تاثر ءِ جوڑ کنگ ءِ دیم ءَ ریاست ءِ جوانیں کرد ءَ را مھکم کنگ المی اِنت۔ آئی ءَ گوشت کہ اے عمل ءِ تہ ءَ صوبائی اسمبلی آنی ھاسیں کرد اِنت، آھاں ناشرکاری ءِ ھلاپ ءَ جنگ ءُ ریاستی بیانیہ ءِ رکھینگ ءِ واستہ کانود جوڑ کتگ۔ آئی ءَ گوشت کہ بلوچستان حکومت ءَ ھم ریاست ءِ ھلاپ ءَ پروپیگنڈا ءِ ھلاپ ءَ جنگ ءُ وتی بن گپ ءَ را جوانیں رنگ ءَ پیش کنگ ءِ واستہ ھاسیں گامگیج چست کتگ، ھما جاہ ءَ کہ منفی پروپیگنڈا ءِ وسیلگ ءَ یک ھاسیں بیانیہ ءِ جوڑ کنگ ءِ کوشست کنگ بوھگ ءَ ات۔ آئی ءَ دل یکیمی دات کہ وفاقی حکومت ھم اے رد ءَ سرجمیں رنگ ءَ کرد پیلو کنت۔ عطا اللہ تارڑ ءَ گوشت کہ حکومت ءَ رھبند آنی تہ ءَ بدلی ءِ وسیلگ ءَ نوکیں لیکہ آنی سر ءَ بنیات ءِ سر ءَ نوکیں ڈیجیٹل کمیونیکیشن ڈیپارٹمنٹ جوڑ کتگ ایشی ءِ مول ءُ مراد ڈیجیٹل شوبگ ءَ کمیونیکیشن، میڈیا مانیٹرنگ ءُ راجی بیانیہ ءَ را موثر جوڑ کنگ ءِ واستہ نوکیں ٹیکنالوجی ءَ را کارمرد کنگ اِنت۔ آئی ءَ گوشت کہ پاک چین دوستی مرکز ءَ جوڑ بوتگیں نوکیں ڈیجیٹل سیٹ اپ ءَ ھم راستی ءِ جنگ ءِ وھد ءَ جوانیں کرد پیلو کتگ۔ آئی ءَ گوشت کہ اے مرکز ءَ مصنوعی ذہانت ءِ سر ءَ بنیات ءِ سر ءَ میڈیا مانیٹرنگ سسٹم است اِنت، ایشی ءِ وسیلگ ءَ الیکٹرانک میڈیا ءِ سر ءَ شنگ بوتگیں ھاسیں ھال ءُ اھوال ءُ دلگوش کرزیں جیڈھ آنی پجار کنگ بیت۔ مصنوعی ذہانت ءِ سر ءَ گپ ءُ تران ءِ ٹیکنالوجی ءِ وسیلگ ءَ الیکٹرانک میڈیا ءِ سر ءَ گپ ءُ تران بوتگیں ھاسیں سرھال وت ماں وت نبشتھی دروشم ءَ دیم دیگ بنت کہ ایشی ءَ چہ میڈیا ءِ رجحان ءُ ھاسیں جیڑھانی وھد ءِ سر ءَ پجارینگ ءَ کمک رسیت۔ وفاقی وزیر ءَ گوشت کہ وفاقی حکومت ءَ صوبائی حکومت آناں ڈیجیٹل کمیونیکیشن ڈیپارٹمنٹ ءِ جوڑ کنگ ءِ واستہ ھم کمک ءِ پیشکش کتگ۔ آئی ءَ گوشت کہ اگاں یک صوبگے ءَ وتی سسٹم جوڑ کنگ لوٹ ایت گڈا حکومت آئی ءَ را لوٹ اتگیں ٹیکنالوجی ءُ ماہرین ءِ کمک ءَ پجارین ایت تانکہ صوبہ وتی لوٹ ءِ رد ءَ وت اے سسٹم ءَ دیمروئی بہ کن انت۔ آئی ءَ گوشت کہ ملک ءَ جتا جتائیں کسانیں سوشل میڈیا سیل کار کنگ ءَ اَنت بلے فیڈریشن ءُ صوبگ آنی تہ ءَ یک ھمگرنچ ءُ منظم ڈیجیٹل ڈھانچہ ءِ کمی بوتگ کہ نوں نوکیں ڈیجیٹل سسٹم ءِ وسیلگ ءَ ایشی ءَ را گیش ءُ گیوار کنگ بوھگ ءَ اِنت۔ آئی ءَ گوشت کہ حکومت ءَ پاکستان ٹی وی ءِ نام ءَ نوکیں ڈیجیٹل گامگیج ھم بندات کتگ، ایشی ءِ چیر دستی ءَ دود ءُ ربیدگ، موسیقی، ورگ، آرٹس ءُ سیل ءُ سواد ءَ ھوار جتا جتائیں پڑ آنی سر ءَ مواد جوڑ کنگ بوھگ ءَ اِنت۔ اے گامگیج ءِ مول ءُ مراد ڈیجیٹل شوبگ ءَ پاکستان ءِ جوانیں ءُ نرمیں امیج ءَ را دگنیا ءِ دیم ءَ پدر کنگ اِنت۔ عطا اللہ تارڑ ءَ گوشت کہ آیوکیں دو ءُ نیم سال آنی ساھت ءَ ڈیجیٹل سیکٹر ءَ پاکستان ءِ جوانیں امیج ءَ را پدر کنگ ءِ واستہ گیش جوانیں گامگیج چست کنگ بنت، صوبائی آنی نیام ءَ ھمگرنچی، ھمگرنچی ءُ کمک ءَ را گیش کنگ بیت تانکہ سرجمیں پاکستان ءِ جوانیں ءُ سرجمیں امیج ءَ را دگنیا ءِ دیم ءَ پیش کنگ بہ بیت۔ وفاقی وزیر ءَ گوشت کہ جنوبی پنجاب ءُ بلوچستان ءَ ٹی وی چینل آنی بیورو جوڑ کنگ المی انت پرچا کہ لھتیں دمگ آنی تہ ءَ بیگاہ ءِ ھال دیر ءَ شپ ءَ مرکز ءَ سر بنت ایش یک مزنیں چیلنج ءِ انت۔ آئی ءَ گوشت کہ پرائیویٹ ٹی وی چینل آناں گوشت کہ اے درگت ءَ وتی سلاہ آناں دیم ءَ بیار اَنت۔ وفاقی وزیر ءَ گوشت کہ سرجمیں دگنیا ءَ پاکستان ءِ سافٹ امیج سہرا بوتگ، پاکستان ءَ سفارتی تک ءَ مزنیں سوبمندی رستگ ءُ ملک یک موثر ثالثی ءِ بستار ءَ سہرا بوتگ ایشی ءَ را جھان ءِ تک ءَ ارزشت دیگ بوھگ ءَ انت۔ آئی ءَ گوشت کہ وزارت ءِ اھوال ءُ شنگکاری ءِ نیمگ ءَ چہ بیانیہ ءِ طاقت ءَ را کارمرد کنان ءَ سرجمیں دگنیا ءَ پاکستان ءِ جوانیں امیج ءَ را گیش پدر کنگ ءِ واستہ مزنیں کوشست کنگ بوھگ ءَ اِنت وھدیکہ پی آئی ڈی ءَ زوراکی ءِ انتہا پسندی ءِ ھلاسی ءِ واستہ ھاسیں سیل ھم جوڑ کنگ بوتگ۔ وفاقی وزیر ءَ گوشت کہ ناشرکار آنی رنگ، نسل ءُ مذھب نیست، ناشرکار ءِ ھچ وڑیں قومیت، رنگ، نسل ءُ مذھب نیست؛ آ ایوک ءَ زوراکی ءِ زبان ءَ سرپد بیت ءُ زوراکی ءِ وسیلہ ءَ وتی نظریاتاں مسلط کنگ ءِ جہد ءَ کنت۔ آئی ءَ گوشت کہ مئے پیریناں ھدا ءِ داتگیں ریاست پاکستان ءِ واستہ مزنیں قربانی داتگ، ہجرت کتگ ءُ وتی جان ءُ مال ندر کتگ، اے ملک بیست ءُ ھپتمی رمضان ءِ شپ ءَ وجود ءَ اتکگ ءُ انشاءاللہ داں قیامت ءِ روچ ءَ مانیت۔ آئی ءَ گوشت کہ پاکستان ءَ را رستگیں شرپ ءُ کامیات اے گپ ءِ نشانی انت کہ ملک گیش دیمروئی کنت ءُ راج یکجہتی ءَ گوں ایشی ءَ دیم ءَ برت کنت۔ وفاقی وزیر ءَ گوشت کہ بلوچستان ءِ دیمروئی مدام حکومت ءِ اولی ترجی آنی تہ ءَ بوتگ، فیڈریشن ءِ تہ ءَ بلوچستان ءِ مزنیں بھر ءُ بانگ اِنت، مزن وزیر محمد شہباز شریف ءُ فیلڈ مارشل سید عاصم منیر ءَ را بلوچستان ءِ درآمد، دیمروئی ءُ وشھالی ءِ ھوالگ ءَ ھاسیں احساس است اِنت ءُ بلوچستان ءِ دیمروئی ءِ پالیسی ءِ تہ ءَ دیمروئی کنگ اِنت۔ آئی ءَ گوشت کہ مزن وزیر محمد شہباز شریف ءِ نیمگ ءَ این 25 شاہراہ ءِ جوڑیشت ءُ جوڑیشت ءِ جار ءَ را سرجمیں ملک ءَ وش اتک کتگ ءُ اے پیسلہ ءِ کس ءَ مخالفت نہ کتگ۔ پنجاب، سندھ ءُ خیبرپختونخوا ءَ ہوار سرجمیں ملک ءَ پہ بلوچستان ءَ اے ھاسیں گامگیج ءِ حمایت کت ۔ آئی ءَ گوشت کہ بلوچستان ءِ ھوالگ ءَ مزن وزیر ءِ مارشت ایوک ءَ انوگیں دور ءَ گوں بندوک نہ انت بلکیں بازیں وھدے ءَ چہ آ صوبہ ءِ دیمروئی ءُ ھک آنی واستہ وتی توار ءَ چست کنگ ءَ انت ءُ ھمک دیوان ءَ آ پنت ءُ شون کنت کہ دیمروئی منصوبگ آنی تہ ءَ بلوچستان ءِ نپ آنی ھیال ءَ دارگ بہ بیت۔ عطا اللہ تارڑ ءَ گوشت کہ مزن وزیر محمد شہباز شریف ءَ پنجاب ءِ سر وزیر ءِ بستار ءَ بلوچستان ءِ نودربر ءُ یونیورسٹی آنی واستہ ھاسیں کوٹہ ءُ موہ دل یکیمی کتگ ءُ پنجاب ءِ دیمروئی پالیسی آنی سر ءَ عمل کتگ۔ من بلوچستان ءِ نودربرانی واستہ ھاسیں بہرے ایر کتگ ۔ آئی ءَ گوشت کہ پنجاب ءِ سر وزیر مریم نواز شریف ءَ انسداد ناشرکاری ءِ واستہ بلوچستان حکومت ءَ را 15 ارب کلدار ھم داتگ، ایشی ءِ سر ءَ بلوچستان سرکار ءَ گیشیں فنڈز ایر کنگ ءِ پد ءَ پنجاب سرکار ءِ شگر ءُ منت گپت۔ وفاقی وزیر ءَ گوشت کہ ملک ءَ لھتیں بنجاہی ءُ راجی پالیسی آنی برجائی ءِ سر ءَ سیاسی گل آنی نیام ءَ تپاکی بہ بیت، گچین کاری آنی تہ ءَ کجام ھم پارٹی سوبمند بہ بیت گڈا جوانیں ءُ راجی نپ ءِ پالیشی آنی برجائی برجم دارگ بہ بیت۔ ریسکیو 1122 ءِ مثال ءَ آئی ءَ گوشت کہ چوہدری پرویز الہی اگاں سیاسی رد ءَ مئے ھلاپ اِنت بلے ریسکیو 1122 آئی ءِ یک جوانیں منصوبگ اِنت ءُ ایشی ءِ کریڈٹ مدام آئی ءَ را دیگ بیت۔ آئی ءَ گوشت کہ مزن وزیر محمد شہباز شریف ءَ پنجاب ءِ سر وزیر ءِ بستار ءَ ریسکیو 1122 ءَ را گیش پراھی کت ءُ پد ءَ ایشی ءِ دائرہ کار بلوچستان، خیبر پختونخوا ءُ سندھ ءَ سر کنگ بوت، ایشی ءَ چہ یک صوبائی منصوبگ ءِ راجی تک ءِ منصوبگ جوڑ بوت۔ آئی ءَ گوشت کہ بے نظیر انکم سپورٹ پروگرام ھم شھید بے نظیر بھٹو ءَ را منسوب کنگ بوتگیں جوانیں منصوبگ اِنت ءُ جتا جتائیں حکومت آنی نیمگ ءَ سیاسی اختلاف آنی باوجود ایشی ءَ را برجاہ داشتگ۔ عطا اللہ تارڑ ءَ گوشت کہ بازیں درور است انت کہ آیوکیں حکومت آں سیاسی اختلاف آنی باوجود گوست ءِ حکومت ءِ جوانیں منصوبگ ھلاس کنگ ءِ بدل ءَ برجاہ داشتگ انت۔ آئی ءَ گوشت کہ ملک ءَ انچیں سیاسی تپاکی جوڑ کنگ ءِ ضلورت انت کہ ایشی ءِ چیر دستی ءَ گوستگیں حکومت آنی جوانیں منصوبگ ءُ راجی نپ ءِ پالیسی برجاہ بہ بنت۔ آئی ءَ گوشت کہ گوستگیں وھد ءَ وھدے کہ مزنیں کساس ءَ سیاسی سروک جیل آنی تہ ءَ بوتگ ءُ اپوزیشن ءِ فرنٹ لائن لیڈرشپ ھست نہ بوتگ گڑا ھما وھد ءَ ھم شہباز شریف ءَ اپوزیشن ءِ سروک ءِ بستار ءَ راجی مفاد ءِ واستہ معیشت ءِ پیکٹ ءِ تجویز داتگ ات۔ آئی ءَ گوشت کہ گڈی ءَ اے وڑیں پالیشی آنی سر ءَ ملک ءَ را تپاکی جوڑ کنگی بیت کہ حکومت آنی بدلی ءَ چہ آماچ نہ بنت۔ وفاقی وزیر ءَ گوشت کہ انچوش کہ 2017 ءَ کراچی ءَ چہ ناشرکاری ھلاس کنگ بوتگ ءُ امن ءُ ایمنی ءِ جاور ھال سک باز گہتر بوتگ انت، ھمے رنگ ءَ کراچی ءِ دیمروئی ءِ واستہ ھمک سیاسی قوت آناں یکجائی ءَ کار کنگ لوٹ ایت۔