ازمکار ءُ بلدکاریں ورناہاں شریں روزگار ءِ پجارینگ حکومت ءِ اولی ترجی انت، محمد شہباز شریف

اسلام آباد۔18اگست  (اے پی پی): مزن وزیر محمد شہباز شریف ءَ گوشت کہ ازمکار ءُ بلدکاریں ورنا آناں شریں روزگار ءِ پھجارینگ حکومت ءِ اولی ترجی انت۔ اولویت آنی تہ ءَ راجی ورنا روزگار ءِ پالیشی ءِ چیر دستی ءَ ملک ءِ ورنا ھاسیں رنگ ءَ بلوچستان ءُ خیبر پختونخوا ءَ را روزگار ءِ موہ پجاری کنگ ھوار انت۔ سئے شمبے ءِ روچ ءَ مزن وزیر میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر محمد شہباز شریف ءَ وتی سروکی ءَ راجی ورنا روزگار ءِ پالیشی ءِ سر ءَ عمل درآمد ءِ ھوالگ ءَ چار ءُ تپاسی دیوان ءِ ساھت ءَ اے ھیالانی درشانی کت۔ مزن وزیر ءَ پنت ءُ شون کت کہ راجی ورنا روزگار ءِ پالیشی ءِ چیر دستی ءَ ورنا آنی واستہ روزگار ءِ موہ پیداک کنگ ءِ واستہ ہمگام ءُ جوانیں گامگیج چست کنگ بہ بنت۔ راجی ورنا آنی روزگار ءِ پالیشی ءِ سر ءَ عمل درآمد ءِ ھوالگ ءَ پیشرفت ءِ چار ءُ تپاسی ءِ دیوان ھمک ماہ برجم دارگ بیت۔ ملک ءِ ازمکار ءُ بلدکاریں ورنا آناں شرپداریں روزگار ءِ پھجارینگ حکومت ءِ اولی ترجی آنی تہ ءَ ھوار اِنت۔ مزن وزیر ءَ گوشت کہ حکومت ءِ نیمگ ءَ ملک ءِ اولی راجی ورنا روزگار ءِ پالیشی ءِ بندات مئے دلجمیں کوشست آنی آدینک انت۔ راجی ورنا روزگار ءِ پالیشی ءِ چیر دستی ءَ گامگیج آنی واستہ بین وزارتی کمک ءُ یک جامع حکمت عملی ءِ المی اِنت۔ راج ءِ ورنا ھاسیں رنگ ءَ زالبول آناں ازمکاری مند جوڑ کنگ ءِ سر ءَ ھاسیں دلگوشی دیگ بہ بیت دانکہ آ نوکیں روزگار ءِ موہ آنی تہ ءَ ھوار کنگ بہ بنت۔ مزن وزیر ءَ گوشت کہ راجی ورنا روزگار ءِ پالیسی ءِ رد ءَ بلوچستان ءُ خبر پختونخوا ءِ ورنا آناں روزگار ءِ موہ پجارینگ ءِ سر ءَ ھاسیں دلگوشی دیگ لوٹ ایت۔ ملک ءِ ازمکاریں کارکن آناں ملکی ءُ درملکی کاروباری ءُ صنعتی لوٹ ءِ گوما ہمگرنچ کنگ ءِ ھاتر ءَ نوٹک ءُ سامڈنا ءَ ڈھانچہ ءِ اصلاحات کنگ بوتگ۔ مزن وزیر ءَ اے پالیشی ءِ سبب ءَ ورنا آناں چے آسراتی رس ایت ایشانی ھوالگ ءَ سرپدی مہم ءِ واستہ پنت ءُ شون جاڑی کت۔ دیوان ءَ سرپد کنگ بوت کہ نیشنل ووکیشنل اینڈ ٹیکنیکل ٹریننگ کمیشن افرادی قوت ءِ واستہ ھاسیں رنگ ءَ میاں اوستمانی سرٹیفکیشن ءُ لوٹوکیں زبان ءِ ازمکاری ءِ واستہ ھاسیں گامگیج کنگ ءَ انت۔ درملک ءَ ورنا آناں روزگار ءِ پجارینگ ءِ واستہ مارکیٹ ءِ لوٹ ءِ رد ءَ ٹریننگ دیگ بوھگ ءَ انت۔ حکومتی گامگیج آنی منت ءَ ڈیٹال یوتھ ہب ءِ وسیلگ ءَ ملک ءِ ورنا آناں یک پلیٹ فارم ءِ سر ءَ ملک ءَ روزگار ءِ موہ آنی باروا تفصیل پجاری کنگ بوھگ ءَ انت۔ راجی ورنا آنی روزگار ءِ پالیشی ءِ سر ءَ موثر عملی گامگیج آنی واستہ درستیں وزارت ءُ سیادی داروکیں ادارگ کمک ءُ شور ءُ سلاھ ءَ کار کنگ ءَ اَنت۔ تعلیمی ادارگ آنی تہ ءَ یوتھ ڈویلپمنٹ سیل جوڑ کنگ بوھگ ءَ اَنت کہ آ ورنا آناں رہشونی ءُ کیریئر کونسلنگ ءِ ھوار روزگار ءُ ازمکاری ءِ موہ آنی بابت ءَ سرپدی دنت۔ گند ءُ نند ءَ نائب مزن وزیر ءُ درئی کارانی وزیر محمد اسحاق ڈار، وفاقی وزیر  منصوبگ  بندی  ءُ  دیمروئی  احسن اقبال، وفاقی وزیر اقتصادی امور احد خان چیمہ، وفاقی وزیر اھوالکاری ءُ شنگ کاری  عطاء اللہ تارڑ، وفاقی وزیر موسمیاتی تبدیلی مصدق ملک، وفاقی وزیر انفارمیشن ٹیکنالوجی شزا فاطمہ خواجہ، چیئرمین وزیراعظم یوتھ پروگرام رانا مشہوداحمد خان ءُ دگہ ہمگرنچیں سرکاری ادارہانی اپسرگ ساڑی اتنت۔