اسلام آباد ءَ آپ ءِ کمی ءِ گیش ءُ گیوار ءِ ھاترا آیوکیں 4 سالانی تہا دو بند جوڑ کنگ بنت، وزیر ءِ مملکت برائے تہی کار

اسلام آباد۔18اگست  (اے پی پی): تہی کارانی وزیر مملکت طلال چوہدری ءَ گوشت کہ اسلام آباد ءَ آپ ءِ کمی ءِ گر ءُ دار ءِ واستہ آیوکیں 4سال آنی تہ ءَ دو ڈیم سرجم کنگ بنت ءُ کوھنیں پائپ لائن آناں بدل کنگ بیت۔ سئے شمبے ءِ روچ ءَ راجی اسمبلی ءَ اسلام آباد ءَ گیش بوھوکیں آپ ءِ کمی ءِ ھوالگ ءَ تمکانت اختر نرزی ءُ دگہ مردمانی نوٹس ءِ سر ءَ آپ ءِ صفائی ءُ دوبر کارمرد کنگ ءِ پلانٹ آنی ایر کنگ ءِ ضلورت ءِ سر ءَ وزیر داخلہ ءَ گوشت کہ اسلام آباد ءَ ماہانہ 240 ملین گیلن آپ ءِ کارمرد کنگ بیت، 80 ملین گیلن ءِ دستیابی اِنت۔ شادارا ڈیم، دوتارا ڈیم ءِ جوڑیشت ءِ واستہ واپڈا ءِ وسیلگ ءَ مطالعہ کنگ بوھگ ءَ اِنت، ایشی ءِ سرجمی 4سال ءَ سرجم بیت ءُ آیوکیں 30 ءَ چہ 40سال ءِ ضلورت پیلو کنگ بیت۔ آئی ءَ گوشت کہ ما کانود بدل کتگ انت، آپ ءِ کچ کم کم ءَ کم بوھگ ءَ انت، نوں ھور ءِ آپ ءِ چات جوڑ کنگ بوھگ ءَ انت، ایشی ءِ ھست نہ بوھگ ءَ نقشہ منظور کنگ نہ بیت۔ آئی ءَ سہرا  کتگ کہ پوش ایریا ایف سیکٹر آنی نندوکیں مردم 240 کلدار ءِ ماہانہ بل ءَ نہ دنت، اے مردم وتی کارمنداں ھم در ءَ چہ آرگ ءَ اَنت۔ یک ءُ نیم سال ءِ اندر ءَ اسلام آباد ءِ توامیں شوبگ آنی کوھنیں پائپ لائن آناں بدل کنگ بیت، ایشی ءِ واستہ پی سی ون جوڑ کنگ بیت۔ آئی ءَ باسکاں گوشت کہ ریکوری 10 درسد اِنت، ریکوری ءُ بل آنی ادائیگی ءِ واستہ مئے گوما ھمکاری بہ کن اَنت، آپ ءِ بچت بہ کن اَنت، لوگ آنی تہ ءَ گاڑی شُشتگ اَنت، آپ زوال کنگ بیت۔ آئی ءَ گوشت کہ وھدے یک اسکیم ءِ منظوری دیگ بیت گڈا ایس او پی آنی تہ ءَ ھور ءِ آپ ءِ کٹائی ءَ را ھیال ءَ دارگ ءَ منظوری دیگ بیت۔ آئی ءَ گوشت کہ اسلام آباد جھنم ءِ تہ ءَ بہ بیت۔ لتارڑ روڈ ءِ گیشتریں دمگ ناجائز اِنت، ایشی ءِ گند ءُ نند ءَ چہ سرجمیں آپ آلودہ بنت، اے دمگ ءَ 30 ءَ بگر داں 40 ارب کلدار ءِ گند ءُ نند ءِ ٹریٹمنٹ پلانٹ ایر کنگ بوھگ ءَ اِنت۔ آئی ءَ گوشت کہ اسلام آباد ءَ آئی 9 ءَ سیوریج ٹریٹمنٹ پلانٹ ایر کنگ بوھگ ءَ انت۔