انوگیں دور ءَ ڈراپ ءِ تہا آؤرتگیں اصلاحات ءِ کساس گوستگیں وھد ءَ بے مثال انت، بنجاھی وزیر پارلیمانی کار

اسلام آباد۔18اگست  (اے پی پی):پارلیمانی کارانی وفاقی وزیر ڈاکٹر طارق فضل چوہدری ءَ گوشت کہ انوگیں دور ءَ پاکستان ءِ منشیات ءِ ریگولیٹری اتھارٹی ءَ آؤرتگیں اصلاحات آنی کساس گوستگیں وھد ءَ بے درور اِنت ءُ انفلوئنزا ءِ ویکسین ءِ کمی ءِ شکایت ءَ را وزیر ءِ گوما چست کنگ بیت۔ سئے شمبے ءِ روچ ءَ راجی اسمبلی ءَ ڈاکٹر شرملان فاروقی ءَ اعتراض ءِ نقطہ ءِ سر ءَ ملک ءَ انفلوئنزا ویکسین ءِ کمی ءِ جیڈھ چست کتگ ات، ایشی ءِ سر ءَ ڈاکٹر طارق فضل چوہدری ءَ گوشت کہ اے یک ھاسیں جیڈھ یے، ایشی ءِ سرجمیں ھال وزارت کانود ءُ وزارت جان سلامتی ءِ دیم ءَ آرگ بنت۔ آئی ءَ گوشت کہ استیں حکومت ءِ دور ءَ ڈراپ ءِ تہ ءَ مزنیں اصلاحات آرگ بوتگ انت۔ راجی اسمبلی ءِ اسپیکر سردار ایاز صادق  ءَ ڈاکٹر شرمیلا فاروقی ءَ را پنت ءُ شون کنگ بوت کہ آ اے بابت ءَ نبشتہی رنگ ءَ بہ دنت کہ اے بابت ءَ سیادی داروکیں وزیر آنی سرپدی ءَ آرگ بیت۔