آزادی ءِ روچ قربانی، سوبمندی، وفاقی سیکرٹری انفارمیشن ءُ  شنگ کاری  اشفاق احمد خلیل ءِ علامت اِنت

اسلام آباد۔14اگست  (اے پی پی): وفاقی سیکرٹری انفارمیشن ءُ براڈکاسٹنگ اشفاق احمد خلیل ءَ راج ءَ را 80می آجوئی ءِ روچ ءِ مبارک بات دیگ ءِ وھد ءَ گوشت کہ اے موہ پاکستان ءِ جوڑ کنگ ءِ واستہ مئے پیرین آنی قربانی آنی یات ءَ کار کنت۔ جمعہ ءِ روچ ءَ جاڑی بوتگیں وفاقی سیکرٹری انفارمیشن اینڈ براڈکاسٹنگ ءَ وتی کلوہ ءِ تہ ءَ گوشت کہ گوستگیں سال پاکستان ءِ واستہ ھاسیں بوتگ، ملک ءَ اندری ءُ دری دوئیں محاذ آنی سر ءَ مزنیں سوبمندی رستگ۔ آئی ءَ گوشت کہ میاں اوستمانی دیوان آنی تہ ءَ پاکستان ءِ سفارتی پجار مہکم کنگ بوتگ ءُ اے دیمروئی ءِ سبب حکومت ءِ پالیشی انت۔ آئی ءَ گوشت کہ پاکستان ءِ جوانیں امیج ءَ را سفارتی رنگ ءَ ھم سہرا کنگ بوتگ ایشی ءِ تہ ءَ حکومتی پالیشی آنی ھاسیں کرد بوتگ۔ انفارمیشن سیکرٹری ءَ اے گپ ءِ سر ءَ زور پر دات کہ پاکستان ءِ آیوکیں وھد ءِ کلید ورنا آنی گور ءَ اَنت۔ آئی ءَ ورنا آناں ملک ءِ دیمروئی ءِ تہ ءَ فعالیں کرد ءِ پیلو کنگ ءِ زور پر دات۔ آئی ءَ گوشت کہ حکومت ءَ ورنائیں باھند آنی واستہ جتاجتائیں گامگیج آناں دیم ءَ آؤرتگ ءُ امیت سہرا کت کہ ورنا اے موہ آں چہ پائدگ چست کن اَنت ءُ راجی دیمروئی ءِ تہ بامردیں کرد ءَ پیلو کن اَنت۔ اشفاق احمد خلیل ءَ گوشت کہ وزارت ءِ اھوال ءُ شنگکاری ءِ سر ءَ بازیں وھد ءَ چہ ذمہ واری اِنت کہ آ الس ءَ را مستندیں ھال ءُ اھوال آنی وھد ءِ سر ءَ پجاری ءَ را دل یکیمی بہ کنت۔ آئی ءَ گوشت کہ ڈیجیٹل دور ءَ جعلی ھال ءُ ردیں ھال آنی گیشیں شنگ ءُ تالان بوھگ ءِ نیام ءَ اے ذمہ واری گیش المی بوتگ۔ آئی ءَ اے جزم ءِ درشان کت کہ وزارت الس ءَ را معتبر ءُ راستیں ھال پجاری ءِ واستہ وتی کوشست ءَ را برجاہ دار ایت۔