پرنسپل انفارمیشن آفیسر  ءَ  قربانیانی سرا توسیپ ءُ ستا پیش کنت کہ آہاں پاکستان ءِ آجوئی ممکن کتگ

اسلام آباد۔14اگست  (اے پی پی):  پرنسپل انفارمیشن آفیسر رئیسہ عادل ءَ آجوئی ءِ روچ ءِ موہ ءَ وتی کلوہ ءِ تہ ءَ راج ءَ را دل ءِ جہلانکی ءَ چہ سلام پیش کت ءُ ھما شھید ءُ پیر آناں یات کت کہ آھانی قربانی ءَ پاکستان ءِ آجوئی، ایمنی ءُ وت واجہی ءِ بُن ھشت ایر کتگ۔ پاکستان ءِ 80می آجوئی ءِ روچ ءِ درگت ءَ وتی ھاسیں کلوہ ءِ تہ ءَ آئی ءَ گوشت کہ آجوئی ءِ روچ مارا پاکستان ءِ بن ھشت ایر کنوکیں شھید ءُ پیرین آنی نسل آنی بے دروریں قربانی آنی یات ءَ دنت کہ آ ملک ءِ جوڑیشت ءُ ایمنی ءِ واستہ جہد ءُ کوشست کتگ۔ آئی ءَ گوشت کہ مرچی ما ھما درستیں شھید ءُ پیرین آناں سلام پیش کن آں کہ ایشاں دوستیں وطن ءُ آئی ءِ ایمنی ءِ واستہ وتی سر ندر کتگ اَنت۔ ایشانی قربانیانی سبب اِنت کہ ما پاکستان ءَ آجوئیں شہری ءِ بستار ءَ زند گوازینگ ءَ ایں ۔ رئیسا عادل ءَ گوشت کہ پاکستان میاں اوستمانی براتی ءَ وتی پجار ءُ پجار ءَ را مھکم کنگ ءَ انت ءُ جھان ءِ نقشہ ءِ سر ءَ نوکیں دل یکیمی ءُ امیت ءِ گوما دیم ءَ آیگ ءَ انت۔ آئی ءَ گوشت کہ پاکستان ءَ جیڈھ آناں گیش بوھگ ءَ را رکگ ءِ واستہ گامگیج کتگ انت۔ پی آئی او ءَ گوشت کہ ترکی ءُ سعودی عرب ءِ گوما امن ءُ کمک ءِ واستہ پاکستان ءِ کمک یک دگہ ھاسیں دیمروئی اِنت ایشی ءَ چہ ملک ءِ کرد ءُ مسلمانیں دگنیا ءِ تہ ءَ اوشتگ ءَ را گیش مھکم بیت۔ آئی ءَ راج ءِ سر ءَ زور پر دات کہ آ وتی مزنیں مردم آنی قربانی آناں یات کنان ءَ آجوئی ءِ روچ ءَ گوں پھر ءَ برجم بہ دار ایت کہ آھاں آجوئی ممکن کتگ ءُ یک پرامن، وشھال ءُ مھکمیں پاکستان ءِ جوڑ کنگ ءِ جزم ءِ  درشان کتگ۔ آئی ءَ گوشت کہ پاکستان یک واب ءِ سرجمی انت ءُ اے سفر برجاہ انت ۔ پاکستان ءِ باندات روشن انت۔ پاکستان مدام مھکم ءُ آباد مان ایت۔