پاکستان ءِ ھشتادمی آجوئی ءِ روچ ءِ درگت ءَ چیئرمین مزن وزیر ورنا پروگرام رانا مشہود احمد خان ءِ نیمگ ءَ راج ءَ  را کلوہ

اسلام آباد۔14اگست  (اے پی پی): چیئرمین مزن وزیر ورنا پروگرام رانا مشہود احمد خان ءَ پاکستان ءِ 80می آجوئی ءِ روچ ءِ درگت ءَ راج ءَ را وتی کلوہ ءِ تہ ءَ پاکستان ءِ آجوئی ءِ روچ ءِ درگت ءَ سرجمیں راج ءَ را دل ءِ جہلانکی ءَ چہ مبارک بات دات ءُ گوشت کہ آجوئی ءِ روچ مارا یک مزنیں جرم ءِ یات کنگ ءِ موہ دنت۔ ورنا امور ونگ ءِ نیمگ ءَ جاڑی بوتگیں بیان ءِ تہ ءَ رانا مشہود احمد خان ءَ گوشت کہ پاکستان ءِ قیام قائداعظم محمد علی جناح ءِ بے دروریں سروکی ءُ لاکھوں مسلمانانی قربانیانی میوہ انت۔ اے آجوئی علامہ اقبال ءِ مزنیں واب ءِ سرجمی اِنت۔ آئی ءَ گوشت کہ آجوئی ءِ ارزشت ءِ ساھت ءَ مارا پاکستان ءِ دیمروئی، وشھالی ءُ برجائی ءِ واستہ وتی کرد ءَ پیلو کنگی اِنت۔ چیئرمین مزن وزیر ورنا پروگرام ءَ گیش گوشت کہ ورنا پاکستان ءِ آیوکیں وھد ءُ ملک ءِ دیمروئی ءِ اصل معمار اَنت۔ مزن وزیر ورنا پروگرام ءِ وسیلگ ءَ ورنا آناں وانگ ءُ زانگ، ھنرمند، روزگار ءُ کاروبار ءِ موہ پجاری کنگ بوھگ ءَ انت۔ رانا مشہود احمد خان ءَ گوشت کہ قائداعظم ءِ یکوئی، ایمان ءُ نظم ءُ ضبط ءِ رھبند آنی پد ءَ پاکستان ءَ مھکم جوڑ کنگ لوٹ ایت۔ پاکستان ءِ وشیں باندات باصلاحیت، وانندہ ءُ ہنرمندیں ورنا آں گوں بندوک انت۔ رانا مشہود احمد خان ءَ گوشت کہ … بیا اِت نہ ایوک ءَ آجوئی ءِ جشن ءَ بہ کن ایں بلکیں پاکستان ءَ مھکم ، آباد ءُ مزن کنگ ءِ عہد ھم بہ کن ایں ۔ پاکستان زندگ بات!