آجوئی ءِ روچ ءِ درگت ءَ ما بانیانِ ملت وژن ءُ قربانی ءَ را یات پیش کنیں، ءُ ہر نسل ءَ سلام پیش کنیں کہ آئی ءَ پاکستان ءَ دیم ءَ بُرتگ، شزہ فاطمہ  خواجہ

اسلام آباد۔14اگست  (اے پی پی): انفارمیشن ٹیکنالوجی ءُ ٹیلی کمیونیکیشن ءِ وفاقی وزیر شزہ فاطمہ فاطمہ خواجہ ءَ گوشت کہ آجوئی ءِ روچ ءِ موہ ءَ من وتی وطن ءُ سرجمیں دگنیا ءَ نشتگیں توامیں پاکستانی آناں مبارکی دیان آں، مرچی ما وتی وطن ءِ آجوئی ءِ 79 سال سرجم کنگ ءَ آں۔ وزارت ءِ انفارمیشن ٹیکنالوجی ءِ نیمگ ءَ جاڑی بوتگیں بیان ءِ تہ ءَ وفاقی وزیر ءَ گوشت کہ اے روچ ءَ ما وتی بن ھشت ایر کنوکیں پت آنی وژن ءُ قربانی آناں شرپ دیان آں ءُ ھمک نسل ءَ را سلام پیش کن ایں کہ آئی ءَ پاکستان ءَ را دیم ءَ برتگ۔ ما مزن وزیر محمد شہباز شریف ءُ فیلڈ مارشل سید عاصم منیر ءِ سروکی ءَ ساڑائیں کہ آہاں جزم، دل یکیمی ءُ یکوئی ءَ گوں پاکستان ءِ رہشونی کتگ۔ حقیقی کاز ءِ تہا سوبمندی ءَ مئے راجی ہمت ءُ تابکاری ءِ درشانی کت، پاکستان ءِ پوزیشن ءَ را مھکم کت ءُ آئی ءَ را عالمی تک ءَ گیش احترام ءِ کٹ ات۔ آئی ءَ گوشت کہ پاکستان ءِ مستریں توان آئی ءِ مردم اَنت-ورنا، باصلاحیت ءُ دلیر- ءُ ما شپ ءُ روچ کار کنگ ءَ ایں کہ آوانی توانائی ءَ را دیمروئی ءِ تہ ءَ بدل بہ کن اَنت۔ مرچی پاکستان ٹیکنالوجی ءِ جوڑ کنوک، نوکیں چیز جوڑ کنوک ءُ برآمد کنوک جوڑ بوھگ ءِ نیمگ ءَ روگ ءَ اِنت، صارف بوھگ ءَ چہ دور بوھگ ءَ اِنت۔ ما مزنیں رابطہ کاری، نوکیں ڈیجیٹل انفراسٹرکچر، دیمروئی ءِ پالیسی فریم ورک، توانمند کنوکیں کانود سازی، ڈیجیٹل شمولیت ءُ انسانی وسائل ءِ تہ ءَ سرمایہ کاری ءِ وسیلگ ءَ ڈیجیٹل ءِ رد ءَ بااختیار پاکستان ءِ بنیات ایر کنگ ءَ ایں ۔ ما راجی اے آئی ءِ گامگیج آناں دیم ءَ برگ ءَ ایں، ڈیجیٹل ریگولیٹری چاگرد ءَ را مھکم کنگ ءَ ایں، نوکیں ٹیکنالوجی آنی واستہ انفراسٹرکچر ءَ را گیش کنگ ءَ ایں ءُ وتی ورنا آناں ڈیجیٹل ءُ ہائی ٹیک ءِ مہارت آنی تہ ءَ تربیت دیگ ءَ ایں ۔ نوآبادیاتی پلیٹ فارم، نمائش ءُ اسٹارٹ اپ ءِ گامگیج پاکستانی ٹیلنٹ ءَ را ملک ءِ واستہ گیواری ءِ دیمروئی ءُ عالمی تک ءَ مقابلہ کنگ ءِ واستہ گیش موہ رسگ ءَ انت۔ وفاقی وزیر ءَ گوشت کہ مئے پیشرفت ءِ آسر ءَ دیگ ءَ اِنت۔ مالی سال 26-2025 ءَ آئی ٹی ءِ برآمدات 21درسد ءِ گیشی ءِ گوما ریکارڈ 4.6ارب ڈالر ءَ سر بوتگ وھدیکہ پاکستان ءِ آئی سی ٹی ءِ دیمروئی انڈیکس ءِ درجہ بندی ءَ 27جاھ ءِ گہتری بوتگ۔ مئے جزم واضح انت: یک ڈیجیٹل پاکستان ءِ جوڑ کنگ کہ ایشی ءِ تہا مھکمیں انفراسٹرکچر، ایمنیں ڈیٹا، عالمی سطح ءِ مقابلہ ءِ ٹیلنٹ ءُ یک جامع جدت ءِ ماحولیاتی نظام ءِ جوڑ کنگ بہ بیت کہ ہر شہری ءِ واستہ موہ پیداک بہ کنت۔ نوکیں، جُڑتگیں، ایمنیں ءُ جھان ءِ تک ءَ مقابلہ کنوکیں۔ شزہ فاطمہ فاطمہ خواجہ ءَ گوشت کہ اے آجوئی ءِ روچ ءَ بیا اِت وتی گوست ءِ شرپ ءَ بہ کن ایں، وتی دیمروئی ءِ سر ءَ برجائی بہ کن ایں ءُ یک انچیں پاکستان ءِ واستہ کار بہ کن ایں کہ آ نا ایوک ءَ آیوکیں وھد ءَ را وتی لاپ ءَ بہ زور ایت بلکینگ ءَ آیوکیں وھد ءَ را جوڑ بہ کنت ءُ رھشونی بہ کنت۔ پاکستان زندگ بات۔