آزادی اللہ تعالیٰ ءِ مزنیں نعمت اِنت، مارا ایشی ءِ ارزشت ءُ رکھینگ لوٹیت، آزادی ءِ روچ ءِ سر ءَ مواصلات ءِ وفاقی وزیر ءِ کلوہ

اسلام آباد۔14اگست  (اے پی پی): وفاقی وزیر برائے مواصلات صدراستحکام پاکستان پارٹی عبدالعلیم خان ءَ 80می آجوئی ءِ روچ ءِ درگت ءَ راج ءَ را دل ءِ جہلانکی ءَ چہ مبارک بات پیش کنان ءَ گوشت کہ آجوئی اللہ تعالیٰ ءِ مزنیں نعمت اِنت، مارا ایشی ءِ ارزشت ءُ رکھینگ لوٹ ایت۔ وزارت مواصلات ءِ نیمگ ءَ جاڑی بوتگیں بیان ءِ تہ ءَ وفاقی وزیر عبدالعلیم خان ءَ گوشت کہ پاکستان ءِ جوڑ کنگ برصغیر ءِ مسلمان آنی مزنیں کوشست ءُ قربانی آنی میوہ اِنت، مرچی مارا یکوئی، ایمان ءُ نظم و ضبط ءِ راھبند آنی سر ءَ پابند بوھگ ءِ سکین ءَ دنت۔ آئی ءَ گوشت کہ سرجمیں راج ءَ را ملک ءِ دیمروئی، وشھالی ءُ برجائی ءِ واستہ یکجائی ءِ کرد پیلو کنگی انت، ملک ءِ سیمسر آنی ایمنی پاکستانی سلاہ بندیں اُرد آنی دائمی قربانی آنی سبب انت۔ عبدالعلیم خان ءَ وتی کلوہ ءِ تہ ءَ آجوئی ءِ روچ ءَ شھید ءُ غازی ءُ آھانی مزنیں ھاندان ءَ را شگر ءُ شان دات ءُ گوشت کہ پاکستان مھکمیں دست آنی تہ ءَ اِنت، راج وتی باندات ءِ واستہ اُمیت وار بہ بیت۔ استحکام پاکستان پارٹی ءِ صدر ءَ دعا کت کہ اللہ تعالیٰ پاکستان ءَ را امن، استحکام، دیمروئی ءُ وشحالی ءِ راہ ءَ بہ دار ایت۔ عبدالعلیم خان ءَ گوشت کہ مرچی مارا قائداعظم ءِ ویژن ءِ رد ءَ پاکستان ءَ مھکم ءُ وشھال جوڑ کنگ ءِ عہد کنگ لوٹ ایت۔