آزات کشمیر ءِ الس ءَ گچین کاری ءِ عمل ءَ سرجمی ءَ بہر زورگ ءَ وتی جمہوری حق ءَ کارمرز کتگ، رانا ثنا اللہ، انجینئر امیر مقام ءِ یکجائی پریس کانفرنس

اسلام آباد۔10اگست  (اے پی پی): مزن وزیر ءِ سیاسی کارانی مشیر رانا ثناء اللہ ءُ کشمیر ءِ کارانی وفاقی وزیر گلگت بلتستان ءُ سیفرون انجینئر امیر مقام ءَ گشتگ کہ آزاد کشمیر ءِ الس ءَ وتی جمہوری حق ءِ کارمرز کنگ ءَ سرجمی ءَ بہر زورگ ءَ انت،  مسلم لیگ (ن) ءَ دو تہائی اکثریت رسگ ءَ اِنت ءُ گچینکاری ءِ پڑ ءِ سرجمی ءَ پد حکومت جوڑ کنگ ءِ عمل بندات بیت، ایشی ءَ پد آزاد کشمیر ءَ دیمروئی ءُ دیمروئی ءِ نوکیں دور بندات بیت، پیپلز پارٹی ءِ نیمگ ءَ چہ دھاندلی ءِ الزام ءِ ھچ وڑیں ٹھوس شواہد دیم ءَ نہ اتکگ، پولنگ 2020 ءَ امن ءُ ایمنی ءَ برجاہ اِنت۔ اسٹیشن، سیکورٹی کارندہ آں ترندیں گامگیج زرتگ ءُ گچین کاری ءِ عمل بحال کتگ، راولاکوٹ ءُ سدھنوتی ءَ دھرنا ءِ سبب ءَ اے حلقہ آنی تہ ءَ ضمنی گچین کاری کنگ بنت، سیاسی گل آناں وتی کوتاہی آناں راست کنگی اِنت ءُ نزوری آناں گیش ءُ گیوار کنگ بہ بیت۔ دو شمبے ءَ اسلام آباد ءَ آزات جموں کشمیر کونسل ءَ یکجائی پریس کانفرنس ءَ گوں گشتانک دیان ءَ مزن وزیر ءِ مشیر رانا ثناء اللہ ءَ گوشت کہ آزات کشمیر ءُ وفاقی حکومت دھرنا ءَ را وھد دیئگ جوان لیک اتگ۔ دھرنا ءَ چہ زھرشانی ھلاس کنگ بہ بیت دانکہ ھمے پشت کپتگیں سیٹانی سر ءَ گچین کاری ءِ کار سرجم بہ بیت ۔ گچین بوتگیں حکومت جائز لوٹ آنی سر ءَ عمل کنت ءُ جیڈھ آناں جمہوری رنگ ءَ گیش ءُ گیوار کنت۔ آئی ءَ گوشت کہ آزات کشمیر ءِ الس ءَ را گمراہ کنگ ءِ کوشست کنوکیں عناصر آناں کانود ءِ دیمپانی کنگی اِنت، ءُ آھاں کہ دژمن ءِ دست ءَ گوازی کتگ آھاں احتساب کنگی اِنت۔ رانا ثنا اللہ ءَ گشتگ کہ حویلی ءُ باغ ءَ پولنگ امن ءُ ایمنی ءَ روگ ءَ انت۔ بلے ھاویلی ءِ یک پولنگ اسٹیشنے ءَ لھتیں وئیل بوتگ اَنت کہ ایشی ءَ پد کارندہ زوت جاہ ءَ سر بوتگ اَنت ءُ پولنگ ءِ کار پدا بندات کنگ بوتگ۔ باغ ءِ یک پولنگ اسٹیشنے ءَ پولنگ ءِ بند کنگ ءِ ہم کوشست کنگ بوتگ۔ آئی ءَ الزام جتگ کہ پولنگ ءِ عمل ءَ را بند کنگ ءَ پیپلز پارٹی ءِ اُمیت وار ضیاء قمر ءِ ھوار بوھگ بوتگ۔ آئی ءَ گوشت کہ ناراکوٹ ءَ یک مردمے ءَ دل ءِ تب بوتگ کہ ایشی ءِ سبب ءَ آئی بیران بوتگ۔ ایشی ءَ ابید مزنیں وئیل ءِ ھال رسگ ءَ نہ اِنت ءُ فورسز وتی کاراں جوانیں رنگے ءَ پیلو کنگ ءَ اِت اَنت۔ مشاری ضیاء اعظم ءَ الزام جتگ کہ پیپلز پارٹی انگت ءَ پولنگ ءِ تہا دھاندلی ءِ جہد ءَ اِنت ءُ ”کمیں شعلہ ءِ سرا دھاندلی“ ءِ سرا توار جنگ بندات کتگ۔ پیپلز پارٹی ہچ جاہ ءَ دھاندلی ءِ ثبوت دات نہ کنت، اودا آہانی امید وار سوبمند بیت ہرچی جوانی ءِ جار جنگ بیت ءُ اودا دگہ امید وار سوبمند بیت اودا دھاندلی ءِ الزام جنئگ بیت۔ آئی ءَ گوشت کہ شیری رحمان ھم کم کم ءَ دھاندلی ءِ بیانیہ ءَ را دیم ءَ برگ ءَ اِنت، وھدیکہ بلاول بھٹو زرداری ءَ ھم گوشت کہ آئی ءِ ایم ایل اے تیرگواری ءَ ٹپیگ بوتگ، میڈیا ءَ اے جُست کنگی اِنت کہ کارکن ءِ ایف آئی آر کجا اِنت کہ آئی ءِ بیرانی ءِ دعویٰ کنگ بوتگ۔ پیپلز پارٹی ءِ امید وار ھما حلقہ ءَ چہ 1200 ووٹ ءَ سوبمند بوتگ کہ چہ آئی ءَ دھاندلی ءِ شور ءُ شور کنگ بوھگ ءَ انت ۔ رانا ثنا اللہ ءَ گوشت کہ آزات کشمیر ءَ کمیونٹی سسٹم سک مہکم انت، ہمے سبب انت کہ لھتیں دمگ آنی تہ ءَ پولنگ گیشتر بوتگ۔ آئی ءَ گوشت کہ گوستگیں روچ ءَ چوہدری یاسین شکایت کنگ ءَ ات کہ 80درسد ووٹ مخالف امیدوار ءَ را داتگ انت وھدیکہ چوہدری یاسین ءِ وتی حلقہ ءَ 96درسد پولنگ ءِ شواہد است انت۔ مرحلہ وار گچین کاری ءِ سرا پیپلز پارٹی ءِ اعتراض رد کنان ءَ آئی ءَ گشتگ کہ الیکشن کمیشن ءَ ایمنی ءِ جاور ءِ رد ءَ درستیں فریقاں گوں مشورہ کتگ ءُ پیپلز پارٹی ءَ مرحلہ وار گچین کاری ءِ سرا ہم تپاک کتگ۔ میر پور ڈویژن ءَ شکست ءَ چہ پیسر پیپلز پارٹی ءَ مرحلہ وار گچین کاری ءِ سرا ہچ وڑیں اعتراض نہ کتگ ات۔ پیپلز پارٹی ءَ نہ پنجاب ءَ سیتانی سرا جلسہ کتگ ءُ نہ دیوان کتگ ءُ نہ کہ گچین کاری ءَ بہر زرتگ۔ آئی ءَ پیپلز پارٹی ءِ لھتیں گپانی سر ءَ ایراد گرگ ءَ گْوشتگ کہ ھما ایم ایل اے کہ آئی ءِ دست ءِ سرا اُرش کنگ بوتگ کجا شتگ؟ رانا ثناء اللہ ءَ گشتگ کہ اے رنگ ءَ جمہوری عمل ءِ بابت ءَ گپ جنگ چالو نہ انت ۔ آئی ءَ گوشت کہ گلگت بلتستان ءِ گچین کاری ءَ ن لیگ ءَ جمہوری سخاوت ءِ درشان کتگ، نوں مرچیگیں گچین کاری ءِ بھر ءَ پد پیپلز پارٹی الٹی گنتی ءَ را راست بہ کنت ءُ ن لیگ ءَ را سوبمندی ءِ مبارک بات بہ دنت۔ رانا ثنا اللہ ءَ گوشت کہ آزات کشمیر ءِ گچینکاری آنی تہ ءَ الس ءَ سرجمی ءَ بھر زرتگ ءُ دھرنا وتی مول ءُ مراد ءِ تہ ءَ بے سوب بوتگ اَنت، دھرنا وت ءَ را کانود ءِ دست ءَ بہ دنت، آزات کشمیر ءِ گچین بوتگیں سرکار اے جیڈھ ءَ چون گیش ءُ گیوار بہ کنت وفاقی سرکار ایشی ءَ سرجمی ءَ کمک دنت ۔ اگاں آزات کشمیر یا وفاقی حکومت ءَ دھرنا مچ کنگ ءُ اودا گچین کاری کنگ ءِ پیسلہ کتگ ات گڈا اے گرانیں کارے نہ بوتگ ات، البت دھرنا ءِ تہا زھگ ءُ زالبول سپر ءِ رنگ ءَ کارمرد کنگ بوتگ انت۔ مزن وزیر ءِ مشیر ءَ گوشت کہ دھرنا آنی تہ ءَ ھواریں سئے ءُ چار ھزار مردم آنی تہ ءَ یک درسد بوت کنت کہ آھانی مول ءُ مراد آھاں ”سندور دوم“ ءِ ٹولز گْوشگ ءِ زمرے ءَ ھوار بہ بنت، وھدیکہ آزات کشمیر ءِ دگہ مردم راج دوست اَنت۔ آزات کشمیر حکومت اے جاور ءَ انت کہ اے جیڈھ ءَ را جوانیں رنگ ءَ گیش ءُ گیوار بہ کنت۔ آئی ءَ گوشت کہ سئے چہ چار سد پولنگ اسٹیشن آنی تہ ءَ ایوک ءَ دو اسٹیشن آنی سر ءَ جیڑھ ودی بوتگ ھمے بنیاد ءَ پیپلز پارٹی ءَ دھاندلی ءِ بھتام چست کنگ بندات کتگ۔ رانا ثناء اللہ ءَ دعویٰ کتگ کہ مسلم لیگ ءَ را دو تہائی اکثریت رسگ ءَ انت ءُ گچین کاری ءِ بھر ءِ سرجم بوھگ ءَ پد حکومت جوڑ کنگ ءِ عمل بندات بیت ایشی ءَ پد آزات کشمیر ءَ دیمروئی ءُ دیمروئی ءِ نوکیں دور بندات بیت۔ آئی ءَ گوشت کہ چار اسٹیشن چہ شست سیٹاں مسلم لیگ ن ءِ دو سیٹ ءِ گرگ ءِ گمان اِنت وھدے کہ سرجمیں پونچ ڈویژن ءَ شش ءَ چہ ھپت سیٹ رس اِت کن اَنت۔ خاصیں نشستاں ھوار کنگ ءَ چہ مسلم لیگ ن ءَ را نزیک ءَ 30 باسک آنی حمایت ءِ رسگ ءِ گمان اِنت۔ کشمیر ءِ کارانی وفاقی وزیر گلگت بلتستان ءُ سیفرون ءِ انجینئر امیر مقام ءَ پریس کانفرنس ءَ گوں گشتانک دیان ءَ گوشت کہ آزات کشمیر ءِ الس ءَ مسلم لیگ ن ءِ سر ءَ دل یکیمی ءِ درشانی کتگ۔ پیپلز پارٹی ءَ چہ سہب ءَ دھاندلی ءِ جیڑہ چست کتگ ۔ مردماں وتی وعدہ ءُ کارکردگی ءِ سرا باور نہ کتگ ات۔ وتی کوتاہی ءُ نزوریانی سر ءَ سر بہ بنت۔ وفاقی وزیر ءَ وتی ءُ پارٹی ءِ نیمگ ءَ آزات کشمیر ءِ الس ءِ شگر ءُ منت گپت ءُ گوشت کہ کشمیری الس ءَ مسلم لیگ ن ءِ سر ءَ دل یکیمی درشان کتگ۔ آئی ءَ گْوشتگ کہ اد ءَ ھمے گپ بوھگ ءَ اِنت کہ "دُز شور ءُ شور کنگ ءَ اَنت”، بیگاہ ءِ 9بج ءَ پیپلز پارٹی ءَ گْوشگ ءَ اِنت کہ دھاندلی بوھگ ءَ اِنت، ھاویلی جلسہ ھرکس ءَ دیستگ، چہ پولنگ ءَ پیسر ھم چہ جلسہ ءَ اندازہ کنگ بوت کنت کہ مردم کجام نیمگ ءَ روگ ءَ اَنت۔ امیر مقام ءَ گشتگ کہ اے ہم گشگ بوہگ ءَ انت کہ پولیس چہ پنجاب ءَ اتکگ، من اے گپ ءَ سرپد نہ باں، پیپلز پارٹی ءَ ہم سندھ ءُ ایندگہ دمگاں چہ وتی مردم فون کتگ انت، مرچی ہم پیپلز پارٹی ہار بیت۔ آئی ءَ گوشت کہ بیگاہ ءَ چہ شور ءُ شور کنگ بوھگ ءَ اِنت کہ دھاندلی بوھگ ءَ اِنت، وھدیکہ آزات کشمیر ءَ اے وڑیں مزنیں کساسے ءَ مردم ووٹ دیگ ءَ دراتکگ اَنت ریاست ءِ سوبمندی اِنت، اے گریوگ کہ مارا پرچا ووٹ دیگ نہ بوتگ الس ءِ واھشت اِنت، الس ءَ تئی وعدہ ءُ کارکردگی ءِ سر ءَ باور نہ کتگ۔ وفاقی وزیر ءَ گوشت کہ سیاسی گل وتی کوتاھی ءُ ھمزوری آنی سر ءَ چہ سر بہ بنت، شمئے مزن وزیر ءَ را سیکورٹی است انت ءُ گشگ بوھگ ءَ انت چیف الیکشن کمشنر ءَ سیکورٹی نہ داتگ۔ آئی ءَ اے امیت سہرا کت کہ ان شاءاللہ گچین کاری ءِ عمل ءِ اے پڑ سوبمند بیت۔ زھرشانی کنوکاں گوں تران کنان ءَ امیر مقام ءَ گوشت کہ آھانی سبب ءَ آھانی نمائندہ اسمبلی ءَ چہ در انت ما پدا گپ ءُ تران ءِ واستہ نندگ ءَ ساڑی ایں، ما درست ملک ءِ سیت ءِ واستہ یکیں کشتی ءِ تہ ءَ ئیں۔