درملک ءَ پاکستانی آں چہ زرّ ءِ دیم دیگ ءَ سالانہ 13 درسد گیشی وشیں گپ اِت،  مزن وزیر شہباز شریف

اسلام آباد۔10اگست  (اے پی پی): مزن وزیر محمد شہباز شریف ءَ جولائی 2026 ءَ درملک ءَ پاکستانی آنی نیمگ ءَ چہ 3.6ارب ڈالر ءِ زرّ ءِ دیم دیگ ءِ سر ءَ دل یکیمی ءِ درشانی کتگ ءُ گوشت کہ سالانہ بنیاد ءَ درملک ءَ پاکستانی آنی نیمگ ءَ چہ 13درسد گیشیں زرّ ءِ دیم دیگ بوتگ کہ اے سک باز وش اتک کنگ بیت۔ دو شمبے ءِ روچ ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں بیان ءِ رد ءَ مزن وزیر ءَ گوشت کہ جولائی 2026 ءَ درملکیں پاکستانی آنی نیمگ ءَ چہ زرّ ءِ دیم دیگ ءَ ھم ماہانہ بنیاد ءَ 4.5درسد گیشی بوتگ۔ مزن وزیر ءَ ملک ءِ معیشت ءِ برجائی ءُ دیمروئی ءِ تہ ءَ درملکی پاکستانی آنی برجاھیں جوانیں کرد ءِ توسیپ کت ءُ گوشت کہ درملکی پاکستانی مئے راجی اقتصادی لیکہ ءِ ارزشتی ایں بھر اَنت۔\932