نائب مزن وزیر ءُ دری کارانی وزیر سینیٹر محمد اسحاق ڈار ءَ گوں کویت ءِ دری کارانی وزیر شیخ جابر الاحمد الصباح  ءَ ٹیلی فون ءِ سرا گپ ءُ تران

اسلام آباد۔10اگست  (اے پی پی): نائب مزن وزیر ءُ درئی کارانی وزیر سینیٹر محمد اسحاق ڈار ءَ گوں کویت ءِ درئی کارانی وزیر شیخ جراح جابر الاحمد الصباح  ءَ گوستگیں شپ ءَ ٹیلی فون ءِ سر ءَ گپ ءُ تران کت۔ دوشمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ کویت ءِ دری کارانی وزیر شیخ جرہ جابر الاحمد الصباح ءَ را نائب مزن وزیر ءُ دری کارانی وزیر سینیٹر محمد اسحاق ڈار ءَ را پاکستان ءُ سعودی عرب ءِ نیام ءَ گوستگیں مکہ ءِ یکجائی دفاعی منوگری ءِ سر ءَ مبارک بات داتگ۔ دوئیں راہشون آں دمگی جاور ھال ءِ سرا ھم گپ ءُ تران کتگ ءُ ھاسیں رنگ ءَ مقبوضہ بیت المقدس ءِ جاور ھال ءِ سرا ھم گپ ءُ تران کتگ۔ گپ ءُ تران ءِ ساھت ءَ پاکستان ءُ کویت ءِ وت مہ وتی سیادی ءُ وت مہ وتی نپ ءُ سیت ءِ جیڈھ آنی سر ءَ ھم چار ءُ تپاس کنگ بوت۔ اے موہ ءِ سر ءَ کویت ءِ دری کارانی وزیر ءِ پاکستان ءِ گوستگیں تر ءُ تاب ءَ پد بوتگیں پیشرفت ءُ ھاسیں شوبگ آنی تہ ءَ کمک ءُ سرمایہ کاری ءِ گیش دیمروئی ءِ جیڈھ آنی سر ءَ ھم گپ ءُ تران کنگ بوت۔ دوئیں راہشون آں نزیکیں رابطہ ءُ مشورہ ءِ برجاہ دارگ ءِ سرا تپاک کتگ۔