نائب مزن وزیر ءُ دری کارانی وزیر سینیٹر محمد اسحاق ڈار ءَ کانگو ءِ صدر ءُ پیسریگیں گنی بساؤ ءِ صدر ءِ گوما یکجائی گند ءُ نند کتگ، مکہ ءِ دفاعی منوگری ءِ ارزشت ءِ بابت ءَ سرپد

اسلام آباد۔10اگست  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ گوستگیں شپ ءَ کانگو ءِ صدر فیلکس آنتوان تشیسکیدی تشیلومبو اور گنی بساؤ  ءِ پیسریگیں  صدر جنرل عمرو سیسوکو ایمبالو  ءِ گوما یکجائی گند ءُ نند کت۔ دو شمبے ءِ روچ ءَ وزارت ءِ درئی کار ءِ نیمگ ءَ جاڑی بوتگیں بیان ءِ رد ءَ نائب مزن وزیر ءُ دری کارانی وزیر ءَ آھاں پاکستان، سعودی عرب ءُ ترکی ءِ نیام ءَ نوکیں دستخط بوتگیں مکہ ءِ یکجائی دفاعی منوگری ءِ ھاسیں لیکہ ءُ ارزشت ءِ بابت ءَ سرپد کتگ۔ آئی ءَ گوشت کہ منوگری ءَ چہ اسٹریٹجک کمک ءَ را گیش مھکم کنگ بیت ءُ خطہ ءَ امن، برجائی ءُ ایمنی ءِ دیمروئی بیت۔ نائب مزن وزیر ءُ وزیر ءِ درئی کار ءُ صدر تشیسیکدی ءَ پاکستان ءُ جمہوریہ کانگو ءِ نیام ءَ دو نیمگی سیادی ءِ سر ءَ ھم تران کت ءُ مزن تک ءِ رابطہ ءَ ھوار دو نیمگی کمک ءَ را گیش مھکم کنگ ءِ ارزشت ءِ سر ءَ تپاک کت۔ نائب مزن وزیر ءُ درئی کارانی وزیر ءَ صدر تشیسکیدی  ءُ جمہوری جمہوریہ کانگو ءِ ھاتر ءَ وتی نیکیں واھشتانی درشانی کتگ۔