وزارت اطلاعات ءُ نشریات ءَ اوگان طالبان ءِ پاکستان ءَ چہ اوگانستان ءَ سلاہ ءِ سمگلنگ  ءِ دعویٰ رد کتگ

اسلام آباد۔9اگست  (اے پی پی): وزارت ءِ اھوالکاری ءَ اوگان طالبان ءِ پاکستان ءَ چہ اوگانستان ءَ سلاہانی سمگلنگ ءِ دعویٰ بے بن ءُ راستی ءِ ھلاپ لیک اتگ۔ وزارت اطلاعات ءُ نشریات ءَ یک شمبے ءِ روچ ءَ جاڑی بوتگیں بیان ءِ تہ ءَ گوشت کہ اے دعویٰ چہ ٹھینگ بوتگیں راستی آنی ھلاپ اِنت ءُ میاں اوستمانی دلگوشی ءَ را راستیں جیڈھ ءَ چہ کشگ ءِ کوشست اِنت۔ اوگانستان ءَ پیسر ءَ چہ امریکی ءُ ھمراھانی لشکر ءِ درکپگ ءَ پد یلہ داتگیں نوکیں سلاہ ءُ فوجی سامانانی مزنیں اسٹاک ھست کہ ایشی ءِ ارزشت 7.2 ارب امریکی ڈالر ءِ ھساب ءَ زانگ بوتگ۔ آئی ءَ گوشت کہ اوگانستان ءَ سویت دور ءِ سلاہ آنی مزنیں ذخیرہ ھم است انت کہ دہائی آنی جنگ ءَ چہ جم بوتگ انت۔ اے اسٹاک ھم اوگان سرڈگار ءِ سر ءَ سلاھانی ھست بوھگ ءِ مستریں سوب اَنت۔ اے وڑیں سلاہانی پاکستان ءَ گوں بندوک کنگ ءِ جہد بظاہر جہانی دلگوش ءَ چہ اصل ءُ گیشتر سنگینیں جیڑہ ءَ کشگ ءِ جہد اِنت۔ آئی ءَ گیش گوشت کہ اے جیڈھ اوگان سرزمین ءِ سر ءَ ناشرکاریں گل آنی ھست بوھگ ءُ کار آنی بابت ءَ ھاسیں جیڈھ ءَ را یک نیمگے ایر کنگ ءِ برابر اِنت۔ ناشرکاریں گل انگت ءَ اوگان سرزمین ءِ سر ءَ پناہ گاہ ، آسراتی ءُ کارروائی ءِ آجوئی ءَ چہ وشھال اَنت۔ وزارت ءِ اھوالکاری ءَ وتی بیان ءِ تہ ءَ گوشت کہ اے گل اوگان سرڈگار ءَ چہ پاکستان ءَ ناشرکاری اُرش آنی منصوبگ بندی، کمک ءُ کنگ ءَ گوں بندوک اَنت۔ اوگان طالبان ءَ بے بنیں الزام جنگ ءِ بدل ءَ وتی سرزمین ءِ سر ءَ ناشرکارانی ایمنیں پناہ گاہانی ھلاپ ءَ موثریں گامگیج زورگ لوٹ ایت۔ بافین ءَ گیش گوشت کہ اوگان واکدار وتی وعدہ آنی سر ءَ عمل بہ کن اَنت ءُ اوگان سرزمین ءَ پاکستان یا دگہ ملک ءِ ھلاپ ءَ ناشرکاری ءِ واستہ کارمرد کنگ ءِ موہ مہ دنت۔