سرکاری ڈیٹا ءِ موثریں انتظام، رکھینگ، تبادلہ ءُ ذمہ واریں کارمرز کنگ ءِ ھاتر ءَ یک جامع راجی چارچوبے المی انت، شزا فاطمہ خواجہ

اسلام آباد۔5اگست  (اے پی پی): انفارمیشن ٹیکنالوجی ءُ کمیونیکیشن ءِ وفاقی وزیر شازہ فاطمہ خواجہ ءَ راجی ڈیٹا گورننس پالیسی ءِ مسودہ ءَ را پاکستان ءِ ڈیٹا ءِ بدلی ءِ تہ ءَ یک مزنیں گامگیج لیک اِتگ ءُ اے گپ ءِ سر ءَ زور پر داتگ کہ سرکاری ڈیٹا ءِ موثر انتظامی، رکھینگ، تبادلہ ءُ ذمہ واریں رنگ ءَ کارمرد کنگ ءِ واستہ یک جامع راجی فریم ورک المی اِنت۔ چار شمبے ءِ روچ ءَ آئی ٹی ءُ کمیونیکیشن ءِ وزارت ءِ نیمگ ءَ چہ جاڑی بوتگیں پریس ریلیز ءِ رد ءَ ’’نیشنل ڈیٹا گورننس پالیسی 2026 ءِ مسودہ‘‘ ءِ سر ءَ مزن تک ءِ مشاورت ءِ سروکی ءَ وفاقی وزیر انفارمیشن ٹیکنالوجی ءُ ٹیلی کمیونیکیشن شازہ فاطمہ خواجہ ءِ سروکی ءَ برجم دارگ بیت کہ ایشی ءِ بندوبست 2020 ءِ وزارت ءِ انفارمیشن ءُ ٹیلی کمیونیکیشن ءِ کمک ءَ کتگ۔ اسلام آباد ءَ پاکستان ءِ دیمروئی اتھارٹی ءِ گوما بوتگ۔ دیوان ءَ وفاقی وزارت، صوبائی حکومت، سرکاری شعبہ ءِ تنظیم ءُ دگہ درستیں سیادی داروکیں مردم آنی مزنیں نمائندگ آنی بھر زوری بوتگ۔ مشاورتی دیوان ءَ گوں تران کنان ءَ وفاقی وزیر شازہ فاطمہ خواجہ ءَ ڈرافٹ نیشنل ڈیٹا گورننس پالیسی ءَ را پاکستان ءِ ڈیٹا ٹرانسفارمیشن ءِ تہ ءَ یک مزنیں گامگیج ءِ رنگ ءَ گوشت۔ آئی ءَ اے گپ ءِ سر ءَ زور پر دات کہ حکومت ڈیٹا ءِ مستریں نگہبان اِنت، پمیشکا سرکاری ڈیٹا ءِ جوانیں انتظام، رکھینگ، تبادلہ ءُ ذمہ واریں رنگ ءَ کارمرد کنگ ءِ واستہ یک جامع راجی فریم ورک ءِ ھست بوھگ المی اِنت۔ آئی ءَ گیش گوشت کہ پالیسی ءَ را عملی، ممکن ءُ راجی ڈیٹا ءِ حکمت عملی ءِ رد ءَ جوڑ کنگ ءِ واستہ توامیں سرکاری ادارگ آنی سوج ءُ ھیال آناں وش آتک کنگ بیت۔ پاکستان ڈیٹا اتھارٹی ءِ چیئرمین ڈاکٹر سہل منیر ءَ پاکستان ءِ نیشنل ڈیٹا ماسٹر پلان ءِ محکمہ ءُ ڈیٹا پبلک انفراسٹرکچر ءِ ڈیٹا ٹرانسفارمیشن منصوبگ آنی کمک ءَ اے پالیشی ءِ حکمت عملی ءُ ارزشت ءِ سر ءَ زور پر دات۔ ڈاکٹر سہل منیر ءَ گوشت کہ اے پالیسی ءِ تہ ءَ بے رھبندیں ڈیٹا شیئرنگ یا سرجمیں سرکاری ڈیٹا یک جاہ ءَ یکجا کنگ ءِ تجویز نیست۔ ڈیٹا ءِ رکھینگ ءُ گورننس ءِ گوں سیادی داروکیں ادارگاں مانیت، وھدے کہ “وسال” ءِ فریم ورک ڈیٹا ءِ مناسب درجہ بندی ءِ گوما ایمنیں تبادلہ ءُ باہمی کارکردگی ءِ اہل جوڑ کنت۔ اے شور ءُ سلاھ ءِ تہ ءَ وفاقی ءُ صوبائی حکومت ءُ سرکاری پڑ ءِ کلیدی ادارگ آنی نمائندگ آنی نیمگ ءَ ڈیٹا گورننس، یکے دومی ءَ گوں کار کنگ، قانونی ھمگرنچی، ڈیٹا ءِ درجہ بندی ءُ ایشی ءِ سر ءَ عمل کنگ ءِ ھوالگ ءَ وتی کلیدی سفارشات پیش کنگ بوتگ اَنت۔ پاکستان ڈیٹا اتھارٹی اسٹیک ہولڈرز ءِ سفارشات ءِ سرا چار ءُ تپاسی کنت ءُ راجی ڈیٹا گورننس پالیسی ءِ مسودہ ءَ را گیش گڈی رنگ ءَ دنت، ایشی ءِ تہا مرحلہ وار عملدرآمد ءِ حکمت عملی، سفارشات ءِ تہا گیشی ءُ انتظامی جیڈھ ھوار بنت تانکہ یک جامع ءُ آیوکیں وھد ءِ ھاتر ءَ راجی ڈیٹا گورننس فریم ورک ءِ جوڑ کنگ بہ بیت۔