نائب مزن وزیر اسحاق ڈار ءَ عمان ءَ سومالیہ ءِ درئی کار ءُ میاں اوستمانی کمک ءِ وزیر ءَ گوں گند ءُ نند کتگ ، کثیر جہتی فورم آنی تہ ءَ کمک ءِ برجاہ دارگ ءِ جزم ءِ درشان

عمان۔5اگست  (اے پی پی): اردن ءِ بنجاھی شہر عمان ءَ مقبوضہ بیت المقدس ءِ ھوالگ ءَ وزارتی گند ءُ نند ءِ ساھت ءَ نائب مزن وزیر ءُ درئی کارانی وزیر سرت محمد اسحاق ڈار ءَ سومالیہ ءِ درئی کار ءُ میاں اوستمانی کمک ءِ وزیر عبدالسلام عبدی علی  ءَ گوں گند ءُ نند کت۔ چار شمبے ءِ روچ ءَ درئی کارانی کارگس ءِ رد ءَ گند ءُ نند ءِ ساھت ءَ دوئیں سروک آں پاکستان ءُ سومالیہ ءِ نیام ءَ دیریں براتی سیادی آنی سر ءَ چار ءُ تپاسی کت ءُ سیاست، معیشت، دفاع، وانگ ءُ زانگ ءُ صلاحیت سازی ءِ شوبگ آنی تہ ءَ کمک ءَ را گیش دیمروئی دیگ ءِ امکان آنی سر ءَ ھیال ریچی کت۔ دوئیں رہشون آں کثیر جہتی فورم آنی تہ ءَ نزیکیں رابطہ ءُ یکوئی کمک ءَ را برجاہ دارگ ءِ واستہ وتی عزم ءِ ھم پدر کت۔ اے موہ ءِ سر ءَ دوئیں سروکاں دمگی جاور ھال ، ھاسیں رنگ ءَ میاں اوستمانی تک ءِ نوکیں دیمروئی ءُ مشرقی بیت المقدس ءِ ھرابیں جاور ھال ءِ سر ءَ ھم ھیال ءُ لیکہ درشان کتگ اَنت۔