نائب مزن وزیر اسحاق ڈار ءَ اردن ءِ نائب مزن وزیر ایمن صفادی ءَ گوں عمان ءَ گند ءُ نند کتگ ءُ دو نیمگی سیادی آنی تہ ءَ  دیمروئی  ءِ سر ءَ چمشانک

عمان ۔5اگست  (اے پی پی): عمان ءَ مقبوضہ بیت المقدس ءِ ھوالگ ءَ وزارتی گند ءُ نند ءِ ساھت ءَ اردن ءِ نائب مزن وزیر ءُ درئی کارانی وزیر ایمن صفادی ءَ گوں گند ءُ نند کت۔ چار شمبے ءِ روچ ءَ درئی کارانی کارگس ءِ رد ءَ گند ءُ نند ءِ ساھت ءَ دوئیں رہشون آناں پاکستان ءُ اردن ءِ نیام ءَ دو نیمگی سیادی آنی تہ ءَ گیش بوھوکیں پیشرفت ءِ سر ءَ زور پر دات ءُ ایمنی، دفاع، اقتصادی، دیمروئی، دود ءُ ربیدگ ءُ مردم آنی نیام ءَ رابطہ ءَ ھوار جتا جتائیں پڑ آنی تہ ءَ کمک ءَ را گیش دیمروئی دیگ ءِ جزم ءِ سر ءَ زور پر دات۔ دوئیں بامرد آں دمگ ءِ نوکیں جاورحال ھاسیں رنگ ءَ مقبوضہ مغربی کنارہ ءِ ھراب بوھوکیں جاورھال ءِ ھوالگ ءَ ھیال ریچی کتگ ۔ نائب مزن وزیر جناب محمد اسحاق ڈار ءَ مقبوضہ بیت المقدس ءَ اسلامی ءُ مسلمان مقدسیں جاہ آنی رکھینگ ءِ تہ ءَ اردن ءِ مھکمیں کرد ءُ فلسطینی الس ءِ واستہ آئی ءِ برجاھیں کمک ءِ توسیپ کت۔ گند ءُ نند ءَ ایران ءُ امریکہ ءِ انوگیں جاورانی سر ءَ ھم گپ ءُ تران کنگ بوتگ ءُ ھمے رنگ ءَ دمگ ءِ سرجمیں جاور ھال آنی سر ءَ ھم گپ ءُ تران کنگ بوتگ۔ دوئیں راہشون آں کشیدگی ءَ را کم کنگ ءِ راہ ءُ راہبند آنی سر ءَ تران کت ءُ سفارتکاری ءِ ارزشت ءِ سر ءَ زور پر دات۔ اقوام متحدہ ءُ اسلامی کمک ءِ گل ءِ سروک دیوان، دو نیمگی ءُ باز نیمگی فورم آنی تہ ءَ نزیکیں رابطہ ءِ برجائی ءَ چہ دمگ ءَ امن ءُ ایمنی ءِ دیمروئی ءِ واستہ یکجائی کوشست آناں برجاہ دارگ ءِ جزم ءِ درشانی کت۔