نائب مزن وزیر محمد اسحاق ڈار ءَ براڈ پیک ءِ غمناکیں حادثہ ءَ 10  کوہ ءِ سر ءَ سر کپوک  ءِ بیرانی ءِ سرا غم ءِ درشانی

اسلام آباد۔4اگست  (اے پی پی): نائب مزن وزیر ءُ درئی کارانی وزیر محمد اسحاق ڈار ءَ گلگت بلتستان ءِ براڈ پیک ءِ سر ءَ سر بوھگ ءِ گامگیج ءِ وھد ءَ نامداریں کوہ نرمل پورجا ءِ سر ءَ ھما ھئور ءِ غمناکیں وئیل ءَ 10  کوہ ءِ سر ءَ سرکپوک آنی بیرانی ءِ سر ءَ دلپدردی ءُ رنج ءِ درشانی کتگ۔ سئے شمبے ءِ روچ ءَ سوشل میڈیا پلیٹ فارم فارم ایکس ءِ سر ءَ وتی کلوہ ءِ تہ ءَ نائب مزن وزیر محمد اسحاق ڈار ءَ چین، نیپال، عمان، برطانیہ ءُ امریکہ ءِ حکومت ءُ الس ءِ ھواری ءَ چہ غم ءِ آماچیں ھاندان ءِ گوما دلپدردی ءِ درشانی کتگ۔ نائب مزن وزیر ءَ گوشت کہ ما ھنزہ ءِ وتی دلادریں پاکستانی کوہ کوہ سہلار ساقی ءِ بیرانی ءِ سر ءَ ھم گریوگ ءَ آں، آئی ءِ دلیری، جزم ءُ بُرزیں کوہ آنی واستہ غیر معمولی مہر مدام گوں شان ءَ یات کنگ بیت۔ آئی ءَ گوشت کہ بیران بوتگیں درستیں کوہ ءِ سر ءَ سرکپوک آناں وتی جزم، دلیری ءُ برتری ءِ ھاترا جھد ءِ گوما کوہ ءِ سر ءَ سرکپوکئی ءِ راستیں تب ءِ درشان کتگ کہ آیوکیں نسل آنی واستہ مدام الہام ءِ وسیلگ بیت۔ نائب مزن وزیر محمد اسحاق ڈار ءَ گوشت کہ من مئے ریسکیو کارندہ آنی بے مٹیں کوشست آناں شگر ءُ منت پیش کن آں ایشاں گران تریں ءُ بُرز تریں کوہستانی دمگ آنی گرانیں جاور آنی تہ ءَ پیشہ وارانہ ہنر ءُ شہری ذمہ واری ءِ درشان کت۔ آئی ءَ گوشت کہ پاکستان سیادی داروکیں ملک آنی سفارتخانہ آنی گوما نزیکیں رابطہ ءُ کمک ءِ وسیلگ ءَ برجاھیں سرچ ءُ ریسکیو آپریشن ءِ واستہ وتی جزم ءِ یک رندے پدا پدر کنت۔ آئی ءَ وتی دلپدردی ءِ درشانی کت کہ وتی جان ندر کتگ ءُ بیران بوتگیں مردمانی گس ءِ مردم آں گوں دلپدردی ءِ درشانی کتگ۔