وفاقی  وزیر داخلہ محسن نقوی ءَ راجی پولیس بیورو ءِ تر ءُ تاب کتگ، سرجمیں ملک ءَ یک وڑیں ءُ آن لائن ‘پولیس ءِ کردار ءِ سرٹیفکیٹ’ ءِ اصولی عمل ءِ منظوری

اسلام آباد۔4اگست  (اے پی پی): وفاقی وزیر داخلہ محسن نقوی ءَ راجی پولیس بیورو ءِ ھاسیں تر ءُ تاب کتگ ءُ مزن تک ءِ دیوان ءِ سروکی کتگ۔ اے موہ ءِ سر ءَ آئی ءَ الس ءِ آسراتی ءِ واستہ مزنیں ءُ ھاسیں پیسلہ کتگ ءُ سرجمیں ملک ءَ پولیس کریکٹر سرٹیفکیٹ ءِ زورگ ءِ یک وڑیں نظام ءِ اصولی منظوری داتگ۔ آئی ءَ گوشت کہ نوں پولیس کلیئرنس سرٹیفکیٹ نیشنل پولیس بیورو ءِ وسیلگ ءَ جاڑی کنگ بیت ایشی ءِ گرگ ءِ پیسریگیں دستی عمل ھلاس بوتگ ءُ سک باز نوکیں ءُ سرجمی ءَ آن لائن بوتگ۔ شہری نوں وتی لوگانی آرام ءَ چہ نیشنل پولیس بیورو پورٹل ءِ وسیلگ ءَ وتی کردار ءِ سرٹیفکیٹ ءَ گوں آسانی ءَ زرت کن اَنت۔ تہی کارانی وزیر ءَ گوشت کہ پولیس کلیئرنس سرٹیفکیٹ ءِ اے یک رنگ ءُ آن لائن سسٹم پاکستانی شہری ھاسیں رنگ ءَ درملک ءَ روگ ءَ آں سکیں مشکلات ءَ چہ رکین ایت ءُ توامیں گامگیج ایشانی واستہ آسان کنت۔ ایشی ءِ گوما آئی ءَ انٹرنیشنل ڈرائیونگ پرمٹ ءِ واستہ راجی تک ءَ یک وڑیں نظام ءِ جوڑ کنگ ءِ ہدایت ھم داتگ تانکہ درملک ءَ روگ ءَ آں ہر وڑیں آسراتی رس ایت۔ محسن نقوی ءَ اے جزم ءِ پدا زور دات کہ نیشنل پولیس بیورو ءَ را یک نوکیں، فعال ءُ متحرک ادارگ جوڑ کنگ حکومت ءِ اولی ترجی انت۔ تر ءُ تاب ءِ ساھت ءَ ڈی جی نیشنل پولیس بیورو ءَ وفاقی وزیر ءَ را ادارگ ءُ جتا جتائیں محکمہ آنی کارکردگی ءِ بابت ءَ سرجمیں بریفنگ دات، وھدیکہ وزیر داخلہ ءَ بیورو ءِ ماڑی ءِ ڈیکوریشن ءُ ڈیکوریشن ءِ کار آنی ھم چار ءُ تپاسی کت۔ دیوان ءِ وھد ءَ پولیس شہیدانی روچ ءِ درگت ءَ سرجمیں پولیس شہید آناں مزنیں شُہاز  پیش کنگ بیت کہ آیاں ملک ءَ امن ءُ ایمنی ءُ جرم ءِ ھلاسی ءِ ھاتر ءَ وتی سر ندر کتگ اَنت۔ وزیر داخلہ محسن نقوی ءَ پولیس شہیدانی مزنیں قربانی ءَ را یات کنان ءَ گشتگ کہ شہید مئے سر ءِ تاج انت ءُ ما نادراھی ءِ دیمپانی ءَ ہم آہانی مہروانی ءَ چہ دور کت نہ کناں۔ آئی ءَ اے گپ ءِ سر ءَ زور پر دات کہ پولیس شہید آنی قربانی دائم ءَ یات کنگ بنت ءُ سرجمیں راج وتی کھول ءِ گوما شانک ماں شانک ءَ اوشتاتگ ءُ دائم ءَ آھانی کش ءَ اوشتاتگ انت۔