صدر آصف علی زرداری ءَ سوات ءِ دمگ کبل ءَ وت کُشیں تراک ءِ سک باز مذمت کتگ، گران بھائیں جانانی بیرانی ءِ سر ءَ رنج ءُ گم ءِ درشانی

اسلام آباد۔2اگست  (اے پی پی): صدر آصف علی زرداری ءَ سوات ءِ دمگ کبل  ءَ وت کُشیں تراک ءِ سک باز مذمت کتگ ءُ گران بھائیں جانی بیرانی ءِ سر ءَ دلپدردی ءُ غم ءِ درشانی کتگ ءُ شہید آنی رند ءُ پد آنی بُرز کنگ ءُ غم ءِ آماچیں کھول آنی واستہ صبر ءُ اوپار ءِ دعا کتگ۔ صدر ءِ مملکت ءَ تراک ءَ چہ ٹپیگیں مردمانی زوت جان سلامتی ءِ دعا کتگ ءُ سیادی داروکیں ادارگ آناں ہدایت کتگ کہ ٹپیگاں جوانیں دوا ءُ درمان ءِ آسراتی پجاری کنگ بہ بنت۔ یک شمبے ءِ روچ ءَ صدر گس ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر آصف علی زرداری ءَ گوشت کہ ناشرکار امن، راجی یکوئی ءُ ریاستی رٹ ءَ را تاوان دیگ ءِ وتی نا شریں کوشست آنی تہ ءَ کدی سوبمند نہ بنت۔ خیبر پختونخوا پولیس ءُ قانون نافذ کنوکیں ادارگ آنی قربانی سرجمیں راج ءِ واستہ فخر ءِ وسیلہ انت۔ اے وئیل ءِ سرجمیں پٹ ءُ پول کنگ بہ بیت ءُ ناشرکاری ءِ ذمہ وار مردم  انصاف ءِ دیم ءَ آرگ بہ بنت۔