گوستگیں مالی سال ءَ نجی شعبہ ءَ را داتگیں وام آنی تہ ءَ ریکارڈ گیشی اقتصادی پیداوار ءِ کار آنی تہ ءَ تیزی ءِ درشان اِنت، خرم شہزاد

اسلام آباد۔2اگست  (اے پی پی): وزیر خزانہ ءِ مشیر خرم شہزاد ءَ گوشت کہ مالی سال 2025-26ءِ تہ ءَ بینک آنی نیمگ ءَ نجی شوبگ ءَ را داتگیں وام آنی تہ ءَ 1.46کرب کلدار (14.8درسد) ءِ گیشی ریکارڈ کنگ بوتگ، ایشی ءَ پد نجی شوبگ ءِ کلیں وام 13کرب کلدار ءَ سر بوتگ۔ اے گوستگیں چار سال آنی تہ ءَ نجی شعبہ ءِ وام آنی تہ ءَ سالانہ گیشی ءِ تہ ءَ گیشی اِنت۔ یک شمبے ءِ روچ ءَ سوشل نیٹ ورکنگ ویب سائٹ ایکس ءِ سر ءَ وتی بیان ءَ آئی ءَ گوشت کہ کاروباری شوبگ ءَ را داتگیں وام آنی تہ ءَ 1.18 کھرب کلدار (14درسد) گیشی بوتگ کہ ایشی ءِ تہ ءَ کلیں نجی شوبگ ءِ وام آنی تہ ءَ گیشی ءِ تہ ءَ 80درسد ءَ چہ گیش ھوار اِنت۔ اے رجحان معیشت ءِ پیداواری کاروائی آنی واستہ مالی کمک ءِ تہ ءَ مزنیں گیشی ءِ درشان اِنت۔ آئی ءَ گوشت کہ کاروباری وام آنی تہ ءَ سرجمیں گیشی ءِ تہ ءَ 89درسد ءِ کساس سئے مستریں پیداواری شوبگ آنی تہ ءَ بوتگ، ایشی ءِ تہ ءَ مینوفیکچرنگ ءِ تہ ءَ 56درسد، ہول سیل ءُ خوردہ تجارت ءِ تہ ءَ 18درسد ءُ کشت ءُ کشاری ءِ تہ ءَ 15درسد بوتگ۔ کلدار ءِ نوکیں وام 1000 روپیہ ءِ زرّ ءَ داتگ۔ 657ارب ءِ زرّ ایوک ءَ مینوفیکچرنگ ءِ شوبگ ءَ را داتگ ات کہ ایشی ءَ چہ صنعتی کارانی تہ ءَ گیشی ءِ نشانی بوتگ وھدے کہ تجارت ءُ زراعت ءِ شوبگ ءَ را ھم مزنیں مالی کمک رستگ ات کہ ایشی ءَ چہ پیداوار، کاروباری کار ءُ سرمایہ کاری ءِ تہ ءَ گیشی ءِ گمان انت۔ ماہرین ءِ رد ءَ نجی شعبہ ءِ کریڈٹ ءِ تہ ءَ گیشی ءَ را اقتصادی کار آنی دیمروئی ءِ یک ھاسیں اشارہ لیکگ بیت پرچا کہ کاروباری ادارگ نوکیں سرمایہ کاری کنگ، پیداواری ءِ تہ ءَ گیشی، نوکیں ٹیکنالوجی ءِ کارمرد کنگ ءُ آیوکیں لوٹ ءِ پیلو کنگ ءِ واستہ مالی وسیلگ ءِ رسگ ءَ انت۔ تجزیہ کارانی گشگ انت کہ پیداواری شعبہ آنی نیمگ ءَ کریڈٹ ءِ گیش بوھوکیں رجحان ءِ جوانیں اثر کاروباری اعتماد، نجی سرمایہ کاری، معاشی استحکام، مالیاتی جاور ھال آنی تہ ءَ گہتری ءُ برجاھیں ڈھانچہ ءِ اصلاحات ءِ رد ءَ گندگ بوھگ ءَ انت۔ ماہرین ءِ رد ءَ کریڈٹ ءِ کساس ءِ گوما ایشی ءِ کارمردی ھم ھژدری اِنت ءُ انوگیں رجحان ءِ رد ءَ مالیاتی وسیلگ ھما شوبگ آنی نیمگ ءَ شنگ کنگ بوھگ ءَ اَنت کہ آ پیداواری، مقابلہ ءِ توان، برآمدات ءُ نجی شعبہ ءِ سروکی ءَ پائیدار اقتصادی دیمروئی ءِ تہ ءَ ھاسیں کرد پیلو کت کن اَنت۔