اسپیکر راجی اسمبلی ءَ سوات بمب تراک ءِ سک باز مذمت کتگ، ناشرکار ہچ وڑیں رعایت ءِ مستحق نہ انت، ایاز صادق

اسلام آباد۔2اگست  (اے پی پی): راجی اسمبلی ءِ اسپیکر سردار ایاز صادق ءَ سوات ءِ دمگ کبل  ءَ پولیس اسٹیشن ءِ نزیک ءَ بمب تراک ءِ سک باز مذمت کتگ ءُ گران بھائیں جانی بیرانی ءِ سر ءَ سک باز رنج ءُ گم ءِ درشانی کتگ۔ یک شمبے ءِ روچ ءَ اسپیکر میڈیا آفس ءِ نیمگ ءَ جاڑی بوتگیں بیان ءِ رد ءَ سردار ایاز صادق ءَ بیران بوتگیں مردمانی کھول ءِ گوما دلپدردی ءُ ھمدردی ءِ درشانی کتگ ءُ گوشت کہ بے گناہیں شہری ءُ کانود ءِ نفاذ ءِ ادارگ آناں نشانگ جوڑ کنگ سکیں شرمندگی ءُ بزدلیں کارے، ملک ءِ ناشرکار ءُ انسانیت ءِ مردم انت۔ اسپیکر سردار ایاز صادق ءَ گوشت کہ ناشرکاری ءِ تہ ءَ ھواریں عناصر ھچ وڑیں رعایت ءِ مستحق نہ اَنت، ناشرکاری ءِ بزدلیں کار ناشرکاری ءِ ھلاپ ءَ راج ءِ جزم ءَ را ھلاس نہ کن اَنت۔ آئی ءَ گوشت کہ سرجمیں راج وتی سیکورٹی فورسز ءُ کانود نافذ کنوکیں ادارگ آنی گوما ناشرکاری ءِ ھلاپ ءَ اوشتاتگ ءُ امن ءُ ایمنی ءِ تخریب کاری ءِ ھرچ پندل ءَ گوں راجی یکوئی ءُ جزم ءَ ناکام کنگ بیت۔ سردار ایاز صادق ءَ شہیدانی رُتبہ ءِ برز کنگ، کھول ءِ صبر ءُ اوپار، ءُ ٹپیانی زوت جان سلامتی ءِ دعا کتگ۔