سوات ءِ وت کُشیں اُرش یک بزدل ءُ غیر انسانی کارے، طارق فضل چوہدری

اسلام آباد۔2اگست  (اے پی پی): پارلیمانی کارانی وفاقی وزیر ڈاکٹر طارق فضل چوہدری ءَ گشتگ کہ سوات ءَ زھرشانی ءِ وھد ءَ تھانہ ءِ دپ ءَ وت کُشیں اُرش انتہائی زالم، بزدل ءُ مذمت ءِ لائک اِنت۔ بے گناہیں شہری ءُ پولیس ءِ کارندہ کہ وتی زمہ واری ءِ پیلو کنگ ءَ ھوار اَنت آھاں نشانگ جوڑ کنگ بے انسانیت ءِ بدترین مثال اِنت۔ یک شمبے ءِ روچ ءَ سوشل نیٹ ورکنگ ءِ ویب سائٹ ایکس ءِ سر ءَ وتی پوسٹ ءِ تہ ءَ وفاقی وزیر ءَ گوشت کہ اے غمناکیں وئیل ءَ شہید بوتگیں پولیس ءِ کارندہ ءُ اے دگہ مردم آنی رند ءُ پد آنی برز کنگ ءِ واستہ دعا کن آں ۔ اللہ تعالیٰ شہیداں وتی رحمت ءِ جاگہ ​​بہ دنت، ٹپیگاں زوتاں چہ زوت سرجمیں جان سلامتی بہ دنت ءُ پُشکیں کھولاں اے ناقابل برداشتیں تاوان ءِ برداشت کنگ ءِ ہمت ءُ صبر بہ دنت۔ آئی ءَ گوشت کہ ناشرکار ھرچ رنگ ءِ بہ بنت گڈ سر ءَ شکست وار بنت۔ سرجمیں راج وتی سیکورٹی فورسز ءُ کانود ءِ نفاذ ءِ ادارہانی گوما اوشتاتگ ءُ ناشرکاری ءِ سرجمیں ھلاسی ءِ ھاترا یکجاہ انت۔