بلوچستان ءِ سر وزیر ءَ محکمہ زراعت ءَ شہید ملک شینگل  ءِ زھگ ءَ  پوسٹنگ  ءِ  آرڈر  آئی ءِ   ھوالگ کتگ انت

کوئٹہ۔ 02 اگست (اے پی پی): بلوچستان ءِ سر وزیر میر سرفراز بگٹی ءَ شہیدانی کھول آنی گہبود ءِ واستہ وتی جزم ءِ پدر کنگ ءِ وھد ءَ پاک پیپلز پارٹی ہرنائی ءِ ضلعی جنرل سیکرٹری شہید ملک شنگل ءِ کھول ءِ گوما داتگیں وعدہ ءِ سر ءَ عمل کت۔ بلوچستان ءِ سر وزیر ءَ شہید ملک شینگل  ءِ چک جنید خان ءُ برات ملک اجمل خان ءِ محکمہ زراعت ءَ گچین کنگ ءِ پرمان جاری کتگ ءُ گچین کاری ءِ پرمان آہانی دست ءَ داتگ انت۔ اے موہ ءِ سر ءَ بنجاھی وزیر میر سرفراز بگٹی ءَ گوشت کہ شہید آنی قربانی راج ءِ مزنیں مڈی انت ایشانی عزت، کمک ءُ آوانی آھگ ءِ سازگ حکومت ءِ اولی ذمہ واری انت۔ آئی ءَ گوشت کہ بلوچستان سرکار کدی شہید آنی کھول آناں ایوک ءَ یلہ نہ کنت ءُ ھمک رنگ ءِ کمک ایشانی واستہ برجاہ دارگ بیت۔ شہید ملک شنگل ءِ کھول ءَ بلوچستان ءِ سر وزیر ءِ شگر ءُ منت گپت ءُ گوشت کہ سرکار ءَ نہ ایوک ءَ گرانیں وھد ءَ آئی ءِ کھول ءِ کمک ءَ وتی وعدہ پیلو کتگ بلکیں شہیدانی کھول ءِ تسلہ دیگ ءِ یک جوانیں مثالے پیش داشتگ۔