میر پور ڈویژن ءِ مردم مرچی تیر ءِ نشان ءِ سر ءَ مہر جنان  ءَ کشمیر ءِ دیمروئی، وشھالی ءُ امن ءِ ووٹ ءَ بہ کن اَنت،  چیئرمین پاکستان پیپلز پارٹی بلاول بھٹو زرداری

اسلام آباد۔26جولائی  (اے پی پی): چیئرمین پاکستان پیپلز پارٹی بلاول بھٹو زرداری ءَ گشتگ کہ میر پور ڈویژن ءِ مہلوک ءَ مرچی تیر ءِ نشان ءَ ڈپہ جنان  ءَ کشمیر ءِ دیمروئی، وشھالی ءُ امن ءِ واستہ ووٹ بہ دنت۔ 27جولائی ءَ میر پور ڈویژن ءِ اولی بھر ءِ گچین کاری ءِ ھوالگ ءَ چیئرمین ءَ وتی ھاسیں کلوہ ءِ تہ ءَ گوشت کہ آزات جموں ءُ کشمیر ءِ الس آنی ھک آنی سر ءَ ھچ وڑیں سمجھوتہ کنگ نہ بیت۔ آئی ءَ گوشت کہ میر پور ءِ مردماں منگلا ڈیم ءِ واستہ وتی زمین ءُ لوگ ندر کتگ انت ءُ ھمے قربانی ءَ چہ سرجمیں پاکستان رژناہ بوتگ۔ بلاول بھٹو ءَ گوشت کہ اوورسیز کشمیری آں وتی محنت ءُ حوالہ جات ءَ چہ پاکستان ءِ معیشت ءَ را مھکم کتگ۔ پاکستان ءَ ہر وھد ءَ مشکلیں وھد ءِ آماچ بوتگ گڈا میرپور ءِ مردم مدام دیما بوتگ انت۔ ھمے سبب اِنت کہ کس اے گپ ءَ نہ گْوش اِیت کہ اے چمن ءِ سر ءَ کشمیریانی سرجمیں ھک نیست، اد ءِ مردماں ایشی ءِ وسیلگ، پیسلہ ءُ آیوکیں باندات ءِ سر ءَ برابریں ھک ھست۔ استیں بحران ءُ کش ءُ چیل ءِ حوالہ ءَ آئی ءَ لوٹ کتگ کہ زوت راستی ءُ مصالحت کمیشن جوڑ کنگ بہ بیت۔ یک انچیں دیوان یا کمیشنے جوڑ کنگ بہ بیت کہ اودا ہر راستی پدر کنگ بہ بیت، ہر شکایت گوشدارگ بہ بیت ءُ آماچیں کھولاں انصاف دیگ بہ بیت، آ عام شہری بہ بیت، پولیس ءِ کارندہ یا سیکورٹی کارندہ کہ وتی جان ءِ قربان کتگ انت۔ ایشی ءَ چہ راج چہ وتی روچ مرزی زحمتاں آجو بیت ءُ زند ءِ وتی جاہ ءَ واتر کنگ ءِ وس ءُ واک بیت۔ اے کار ءِ ھاتر ءَ زوتیں وھد ءَ فنڈز ھم داتگ بہ بنت۔ ڈویژن ءِ مردماں ”تیر“ ءِ مہر کنگی اِنت کہ پارٹی ءَ را مھکمیں پارلیمانی مینڈیٹ دیگ بہ بیت، اے ووٹ ایوک ءَ اقتدار ءِ سیاست ءِ لوٹ نہ بیت بلکیں میر پور ڈویژن ءُ آزات جموں ءُ کشمیر ءِ ھک، راستی، انصاف ءُ امن ءِ لوٹ ھم بیت۔