نیشنل ٹیکس سیمینار، وفاقی وزیر خزانہ ءِ مشیر ءَ پاکستان ءِ اصلاحات ءِ ایجنڈا، مالی سال 27-2026 ءِ بجٹ ءِ اولویت ءُ نوکیں ٹیکس آپریٹنگ ماڈل ءِ سرا چمشانک داتگ

اسلام آباد۔26جولائی  (اے پی پی): وفاقی وزیر خزانہ ءِ مشیر خرم شہزاد ءَ پاکستان ٹیکس بار ایسوسی ایشن ءُ لاہور ٹیکس بار ایسوسی ایشن ءِ کمک ءَ برجم داشتگیں چار روچی نیشنل ٹیکس سیمینار ءَ گوں تران کنان ءَ پاکستان ءِ اصلاحات ءِ ایجنڈا، مالی سال 27-2026ءِ بجٹ ءِ اولیت ءُ نوکیں ٹیکس آپریٹنگ ماڈل ءِ سر ءَ زور پر دات۔ یک شمبے ءِ روچ ءَ ادا فنانس ڈویژن ءِ نیمگ ءَ جاڑی بوتگیں پریس ریلیز ءِ رد ءَ آئی ءَ وتی گشتانک ءِ تہ ءَ پاکستان ءِ گہتر بوھوکیں اقتصادی جاور ھال، حکومت ءِ جاری ڈھانچہ اصلاحات ءِ ایجنڈا، مالی سال 2027-2026 ءِ بجٹ ءِ اولویت ءُ نوکیں ٹیکس آپریٹنگ ماڈل ءِ سر ءَ عمل درآمد ءِ بابت ءَ سرجمیں ھال داتگ۔ سیمینار ءِ تہ ءَ صدر پاکستان ٹیکس بار ایسوسی ایشن احسان الحق شیخ، صدر لاہور ٹیکس بار ایسوسی ایشن ءِ سرپرست رانا ثاقب منیر، پاکستان ٹیکس بار ایسوسی ایشن ءِ سرپرست ءُ چیئرمین پاکستان ٹیکس بار اکیڈمی عبدالقادر میمن، ھاسیں مہمان ءِ باسک اپیل ٹربیونل ان لینڈ ریونیو ءِ رھشون ڈاکٹر زہونمد اکنومید ءَ بھر زوری کت۔ ندیم الحق ءَ گوں سرجمیں ملک ءَ ٹیکس ءِ مزنیں ماہرین، وکیل، چارٹرڈ اکاؤنٹنٹ ءُ ٹیکس ءِ پیشہ وراں ھوار بوتگ۔ مشیر ءَ گوشت کہ پاکستان ءَ ذمہ وار مالیاتی ڈسپلن ءُ مشکل بلے ناگزیریں ڈھانچہ ءِ اصلاحات ءِ وسیلگ ءَ معیشت ءَ را استحکام ءِ تہ ءَ مزنیں پیشرفت کتگ۔ مالیاتی نظم و ضبط، یک مھکمیں درائیں شعبہ، قرضہ ءِ گہتریں انتظام ءُ سرمایہ کار آنی اعتماد ءِ بحالی ءَ پاکستان ءَ را اقتصادی جمود ءَ چہ پائیدار ءُ نجی شعبہ ءِ سروکی ءَ دیمروئی ءِ نیمگ ءَ دیم داتگ۔ آئی ءَ گوشت کہ اے اصلاحات آناں ھم جھان ءِ تہ ءَ منگ بوھگ ءَ اِنت، ایشی ءِ تہ ءَ پاکستان ءِ گہتری ءِ وت واجہیں کریڈٹ ریٹنگ، آئی ایم ایف ءِ سوبمندیں پروگرام ءِ چار ءُ تپاسی، میاں اوستمانی سرمایہ کاری مارکیٹ آنی تہ ءَ دوبر رسائی، سرمایہ کار آنی تہ ءَ گیشی ءِ بھروسہ ءُ میاں اوستمانی مالیاتی ادارگ آنی نیمگ ءَ چہ جوانیں رائے ءِ تہ ءَ گندگ بیت، ایشی ءَ چہ پاکستان ءِ مھکمیں اقتصادی بنیات آنی تہ ءَ گندگ بیت۔ مالی سال 2026-27ءِ بجٹ ءِ سر ءَ چمشانک دیان ءَ آئی ءَ گوشت کہ اے یک متوازن، ذمہ وار ءُ دیمروئی دوستیں بجٹ اِنت، ایشی ءِ مول ءُ مراد سرمایہ کاری، برآمدات، صنعتی دیمروئی ءُ روزگار ءِ موہ آناں دیمروئی دیگ اِنت، ھمے وھد ءَ مالیاتی نظم ءُ ضبط ءِ برجائی اِنت۔ آئی ءَ گوشت کہ بجٹ ءَ چہ تنخواہ داریں تبک ءَ را مزنیں ریلیف رستگ، کاروباری برات ءُ برآمد کنوک آنی مقابلہ ءِ توان ءَ را گیش کنگ ءِ واستہ گامگیج چست کنگ بوتگ، ٹیرف اصلاحات ءِ بندات کنگ بوتگ، معیشت ءِ دستاویزی شکل ءَ را دیم ءَ برگ بوتگ۔ حکومت ءَ یک رندے پدا ٹیکس ءِ بنجاہ ءَ را گیش کنگ ءِ وتی عزم ءِ پدا زور داتگ، آ مردمانی سر ءَ بار نہ کنت کہ آ پیسر ءَ چہ ٹیکس دی اَنت۔ آئی ءَ حکومت ءِ گیشیں اصلاحاتی ایجنڈا ءِ سر ءَ ھم زور پر دات کہ ایشی ءِ تہ ءَ ٹیکس انتظامی، سرکاری قرضہ ءِ موثر انتظام، نجکاری، سرکاری شوبگ ءِ اصلاحات، پنشن ءِ اصلاحات، توانائی ءِ شوبگ ءِ اصلاحات، ڈیجیٹل پاکستان ءِ گامگیج، سرمایہ کاری مارکیٹ آنی دیمروئی ءُ مالیاتی ازمت آناں رسائی ءِ تہ ءَ گہتری ھوار اِنت۔ آئی ءَ گوشت کہ اے اصلاحات آنی مول ءُ مراد ادارگ آناں مھکم کنگ، گورننس ءِ گہتری، پیداواری ءِ تہ ءَ گیشی ءُ سرمایہ کاری ءِ واستہ گیش سازگاریں چاگرد پجاری کنگ اِنت۔ آئی ءَ گوشت کہ نوکیں ٹیکس آپریٹنگ ماڈل پاکستان ءِ ٹیکس سسٹم ءِ تہ ءَ بنیاتی بدلی ءِ نمائندگی کنت، ایشی ءِ چیر دستی ءَ روایتی افسر ءِ سر ءَ بنیات ءِ نظام ءَ را ڈیٹا ءِ سر ءَ کار کنوکیں، ٹیکنالوجی ءِ سر ءَ کار کنوکیں، بے دیمیں، شفاف ءُ گیش احتساب ءِ نظام ءِ تہ ءَ بدل کنگ بوھگ ءَ اِنت۔ آئی ءَ گوشت کہ اے ماڈل ءِ چیر دستی ءَ آڈٹ، جائزہ ءُ فیلڈ آپریشن آناں جتا جتائیں ھاسیں پڑ آنی تہ ءَ بھر ءُ بانگ کنگ بوھگ ءَ اِنت وھدیکہ نوکیں ڈیجیٹل ٹیکنالوجی، مرکزی ڈیٹا اینالیٹکس ءُ رسک ءِ سر ءَ بنیات ءِ سر ءَ عمل کنگ ءِ نظام ءِ وسیلگ ءَ اتھارٹی ءِ غیر ضروری کارمردی، براہ راست رابطہ ءُ وتی مرضی ءِ پیسلہ آناں کم کنگ بیت۔ ایشی ءَ چہ قانون ءِ رد ءَ عمل کنوکیں ٹیکس دہندگانی واستہ آسان، تیز ءُ پیش گوئی ءِ رد ءَ گیشیں آسراتی رس ایت، وھدیکہ ٹیکس چوری ءِ ھلاپ ءَ ڈیٹا ءُ شواہد ءِ بنیاد ءَ گیش موثر رنگ ءَ کارروائی کنگ بیت۔ مشیر ءَ ٹیکس بار ایسوسی ایشن ءُ ٹیکس پریکٹیشنرز ءِ تعمیری کرد ءِ توسیپ کت ءُ گوشت کہ نوکیں ٹیکس آپریٹنگ ماڈل ءُ حکومت ءِ ٹیکس ریفارم پروگرام ءِ سوبمندی ءِ واستہ درستیں اسٹیک ہولڈر آنی گوما برجاھیں شور ءُ سلاھ ءُ کمک المی اِنت۔ سیمینار ءِ ساھت ءَ صوبائی سیلز ٹیکس، مالی سال 2026-27ءِ بجٹ ءِ تہ ٹیکس ءِ گامگیج، ٹیکس پالیشی، بے دیمیں ٹیکس انتظامیہ، ڈیجیٹلائزیشن ءُ براہ راست ءُ بالواسطہ ٹیکس ءِ ھوالگ ءَ عملی جیڈھ آنی سر ءَ ھم ٹیکنیکل سیشن برجم دارگ بوت۔ ڈاکٹر ندیم حق ءَ ٹیکس پالیشی ءِ اصلاحات ءِ ھوالگ ءَ کلیدی گشتانک دات، وھدیکہ ایف سی اے محمد ریحان صدیقی ءَ بے دیمیں فقہ ءُ ٹیکس انتظامیہ ءِ ڈیجیٹلائزیشن ءِ ھوالگ ءَ پریزنٹیشن دات۔ اے موہ ءِ سر ءَ ٹیکس ءِ ماہرین ءُ پریکٹیشنرز ءَ ٹیکس اصلاحات ءُ ٹیکس ءِ نوکیں جیڈھ آنی سر ءَ جتا جتائیں تکنیکی گپ ءُ تران ءَ ھم بھر زرتگ۔ جارچین آنی نیمگ ءَ صدر پاکستان ٹیکس بار ایسوسی ایشن احسان الحق شیخ، صدر لاہور ٹیکس بار ایسوسی ایشن رانا ثاقب منیر ءُ پاکستان ٹیکس بار ایسوسی ایشن ءِ سرپرست ءُ چیئرمین پاکستان ٹیکس بار اکیڈمی عبدالقادر میمن ءَ حکومت ءِ ٹیکس کمیونٹی ءِ گوما برجاھیں کمک ءِ توسیپ کت۔ یک سادہ، شفاف، ٹیکنالوجی ءِ بنیاد ءَ ءُ کاروباری دوستیں ٹیکس ءِ نظام جوڑ کنت۔