صدر آصف علی زرداری ءِ 71می سالروچ ءِ کیک ءِ  کپ کنگ  ءِ مراگش

اسلام آباد۔26جولائی  (اے پی پی): پاکستان ءِ صدر ءُ پاکستان پیپلز پارٹی ءِ صدر ءِ پارلیمنٹرین آصف علی زرداری ءِ 71می سالروچ ءِ درگت ءَ اسلام آباد ءَ زرداری گس ءَ سادہ ءُ شرپداریں مراگش ءِ برجم دارگ بوت۔ ادا جاڑی بوتگیں بیان ءِ رد ءَ مراگش ءَ    چیئرپرسن بینظیر انکم سپورٹ پروگرام سینیٹر روبینہ خالد، باسک  سندھ اسمبلی سعدیہ جاوید، باسک  پنجاب اسمبلی نرگس فیض ملک  ءُ  پاکستان پیپلز پارٹی  ءِ  سینئر سروک چوہدری  ریاض  ءَ  یکجائی رنگ ءَ سالروچ ءِ کیک کپ کت۔ اے موہ ءِ سر ءَ ھواریں مردماں صدر آصف علی زرداری ءَ را آئی ءِ 71می سالروچ ءِ سر ءَ دل ءِ جہلانکی ءَ مبارکی دات ءُ آئی ءِ سلامتی ، دراجیں عمر ءُ ملک ءِ برجائی ءُ وشھالی ءِ نیکیں واھگ آنی درشان کت۔ مراگش ءِ بھر زوروکاں گوشت کہ آصف علی زرداری ءَ جمہوریت ءِ استحکام، آئین ءِ برتری ءُ السی ھک آنی رکھینگ ءِ واستہ ارزشتی ایں ازمت کتگ انت۔ آئی ءَ وتی اے جزم ءِ پدا زور دات کہ پاکستان پیپلز پارٹی ءِ چیئرمین بلاول بھٹو زرداری ءُ صدر آصف علی زرداری ءِ سروکی ءَ سرکاری ھزمت ، جمہوری قدر آنی دیمروئی ، ءُ ملک ءِ دیمروئی ءِ سفر ءَ را گیش دیم ءَ برگ ءَ انت۔