اسلام آباد۔26جولائی (اے پی پی): صدر آصف علی زرداری ءَ مالدیپ ءِ صدر ڈاکٹر محمد معیزو، حکومت ءُ مالدیپ ءِ الس ءَ را آجوئی ءِ روچ ءِ مبارک بات داتگ۔ یک شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے سال ءِ آجوئی ءِ روچ ءَ را گیش ھاسیں لیک اتگ پرچا کہ اے روچ پاکستان …
صدر آصف علی زرداری ءَ مالدیپ ءِ ھمکار ، حکومت ءُ الس ءَ را آجوئی ءِ روچ ءِ مبارک بات داتگ
گیشتریں ھال
اسلام آباد۔26جولائی (اے پی پی): صدر آصف علی زرداری ءَ مالدیپ ءِ صدر ڈاکٹر محمد معیزو، حکومت ءُ مالدیپ ءِ الس ءَ را آجوئی ءِ روچ ءِ مبارک بات داتگ۔ یک شمبے ءِ روچ ءَ صدارتی ایوان ءِ پریس ونگ ءِ نیمگ ءَ جاڑی بوتگیں بیان ءِ رد ءَ صدر ءِ مملکت ءَ اے سال ءِ آجوئی ءِ روچ ءَ را گیش ھاسیں لیک اتگ پرچا کہ اے روچ پاکستان ءُ مالدیپ ءِ نیام ءَ سفارتی سیادی ءِ جوڑ بوھگ ءِ 61می سالروچ اِنت۔ آئی ءَ گوشت کہ اے ھاسیں سنگ ءِ تہ ءَ شش دہائی ءَ چہ گیش ءِ وھد ءَ دوئیں ملک آنی نیام ءَ دوستی ءِ سیادی، وت مہ وتی بھروسہ ءُ نزیکیں کمک ءِ درشان انت۔ صدر آصف علی زرداری ءَ گوشت کہ پاکستان مالدیپ ءِ گوما وتی براتی سیادی ءَ را سک باز ارزشت دنت ۔ آئی ءَ اے گپ ءِ سر ءَ دل یکیمی ءِ درشان کت کہ دوستی ءِ سیادی ءَ را مھکم کنگ ءَ چہ وت مہ وتی کمک ءَ را دیمروئی رسیت، ایشی ءَ چہ دوئیں ملک آنی الس آنی واستہ امن، دیمروئی ءُ وشھالی ءِ سبب جوڑ بیت۔
