بھارت ءِ کمک ءَ پاکستان ءِ ھلاپ ءَ ڈیجیٹل پروپیگنڈا نیٹ ورک ءِ بے درور کنگ ، ڈیجیٹل مارکیٹنگ سروسز ءُ بوٹ فارم ءِ وسیلگ ءَ گمراہ کنوکیں مہم بندات کنگ ، وفاقی وزیر ءِ اطلاعات عطا اللہ تارڑ ءِ ھاسیں گپ ءُ تران

اسلام آباد۔26جولائی  (اے پی پی): وفاقی وزیر ءِ اھوالکاری ءُ شنگکاری عطا اللہ تارڑ ءَ گوشت کہ پاکستان، ریاستی ادارگ، سلاہ بندیں اُرد ءُ راجی سروکی ءِ ھلاپ ءَ بھارتی فنڈنگ ​​ءِ وسیلگ ءَ چلائینگ بوتگیں یک منظم ڈیجیٹل پروپیگنڈا نیٹ ورک ءِ بے درور کنگ بوتگ کہ آ ڈیجیٹل مارکیٹنگ سروسز ءُ بوٹ فارم ءِ وسیلگ ءَ گمراہ کنوکیں اھوال ءِ شنگ کنگ ءَ ات۔ دزگیریں مردم ءَ چہ دست کپتگیں زانتکاری، ڈیجیٹل ریکارڈ ءُ تکنیکی شواہد ءَ اے نیٹ ورک ءِ درائیں رابطہ پدر کتگ انت، وھدے کہ جوائنٹ ایکشن کمیٹی ءَ گوں سیادی داروکیں مواد ھم منظم رنگ ءَ دیم ءَ برگ بوتگ۔ یک شمبے ءِ روچ ءَ ادا ھاسیں گپ ءُ تران ءِ تہ ءَ وفاقی وزیر ءِ اھوالکاری ءَ گوشت کہ پاکستان ءِ سیکورٹی ادارگ آنی نیمگ ءَ لہتیں وھد پیسر ڈیجیٹل مارکیٹنگ ءِ سروسز پھجاری کنوکیں مردم دزگیر کنگ بوتگ۔ پٹ ءُ پول ءَ پدر بوتگ کہ اے مردم سوشل میڈیا ءِ سر ءَ ڈیجیٹل مارکیٹنگ سروسز دیگ ءَ ات کہ آئی ءِ تاک ہندوستان ءِ وڑ ءَ انت، اے مردم ءِ وسیلگ ءَ ہندوستان ءَ چہ ادائیگی کنگ بوھگ ءَ ات کہ اے مواد پاکستان ءَ وائرل بہ بیت۔ وھدے کہ دزگیریں مردم ءَ چہ ھال رس اِت گڑا اے گپ پدر بوت کہ ردیں ھالانی سرجمیں نیٹ ورک بوٹ فارم ءِ وسیلگ ءَ کارمرز کنگ بوھگ ءَ اِنت کہ ایشی ءِ وسیلگ ءَ پاکستان، پاکستان ءِ یکوئی، سرکار، لشکر ءُ ادارگانی ھلاپ ءَ مواد شنگ کنگ بوھگ ءَ اِنت۔ اے مردم ءَ جست ءُ پرس ءِ وھد ءَ انکشاف کتگ کہ آزات کشمیر ءَ جوائنٹ ایکشن کمیٹی ءِ ھوالگ ءَ گیشتریں مواد آئی ءَ رسگ ءَ اِنت۔ عطا اللہ تارڑ ءَ گوشت کہ ما بندات ءَ چہ گوشگ ءَ اتیں کہ یکجائی ایکشن کمیٹی ءِ مول ءُ مراد کشمیر ءِ معاملہ ءَ تاوان دیگ ءُ پاکستان ءُ کشمیری الس ءِ سیادی ءَ نزور کنگ انت۔ آئی ءَ گوشت کہ اے درستیں چست ءُ ایر یک منظمیں پندل ءِ بھر اَنت ءُ ایشی ءَ را نہ کشمیر ءِ کیس ءَ گوں سیادی داریت ءُ نہ کہ کشمیری الس ءِ نپ ءُ سیتاں گوں۔ آئی ءَ گوشت کہ اگاں اے عناصر کشمیر ءُ کشمیر ءِ مول ءُ مراد ءِ بابت ءَ راستی ءَ مخلص اَنت گڑا آ پرچا گچین کاری ءِ عمل ءِ بھر جوڑ نہ بنت۔ گچینکاریاں پرچا بہر نہ زور اَنت؟ ءُ پرچا پہ راج ءِ ھکاں جمہوری ءُ آئینی رنگ ءَ وتی توار ءَ چست نہ کن اَنت؟ آئی ءَ گوشت کہ وتی چست ءُ ایر آنی تہ ءَ پناہ گزین آنی نندگ ءِ جیڈھ بہ بیت یا زوراکی ءِ زھرشانی، آیاں ھرچ موہ ءِ سر ءَ زوراکی ءِ سیاست دیم ءَ برتگ۔ وتی زھرشانی ءِ وھد ءَ کشمیری پولیس ءِ کارندہ شھید کتگ اَنت، آزات جموں ءُ کشمیر ءَ امن ءُ ایمنی ءِ جاور جوڑ کتگ اَنت، گل جوڑ کتگ اَنت ءُ راہ بند کنان ءَ کانود ءَ وتی دست ءَ گرگ ءِ کوشست کتگ۔ وفاقی وزیر ءَ گوشت کہ اے بندات ءَ چہ یک سازش ءِ بھر بوتگ، ایشی ءِ تاک بھارت ءِ وڑ ءَ اِنت، ایشی ءِ ناقابل تردید ثبوت است اِنت۔ آئی ءَ گوشت کہ اے گل ءِ کجام رنگ ءَ سلاہ ءُ ڈنّی ءَ گوں سلاہ بندیں تحریک ءِ بندات کنگ ءِ کوشست کنگ بوتگ آ نہ کشمیری الس ءِ مفاد ءِ تہ ءَ انت ءُ نہ ایشی ءَ گوں کشمیری کیز ءَ سیادی است انت۔ آئی ءَ گوشت کہ اے سازشی عناصر آنی مول ءُ مراد آزات جموں ءُ کشمیر ءَ انچیں جاور ھال ءِ جوڑ کنگ انت کہ ایشی ءَ چہ کشمیری الس آناں تاوان رس ایت ءُ پاکستان ءُ کشمیر ءِ مھکمیں سیادی ءَ را تاوان رسیت۔ وفاقی وزیر اھوالکاری عطا اللہ تارڑ ءَ گوشت کہ مرچی کشمیر ءَ سیاسی گل آنی مزنیں لس مچی ءُ جلسہ برجم دارگ ءَ انت ایشی ءِ تہ ءَ مردم آنی مزنیں کساس ءَ بھر زوری کنگ ءَ انت۔ کشمیری راج ءَ اے جلسہ ءُ مچیانی تہا بہر زورگ ءَ سازشی عناصر ءِ سازشی سیاست رد کتگ ءُ زوراکی ءِ رویہ ءِ منگ ءَ چہ انکار کتگ۔ آئی ءَ گوشت کہ اے مچی ءُ جلسہ آنی تہ ءَ ھزاراں مردم آنی بھر زوری اے گپ ءِ پدّریں گواہی اِنت کہ پاکستان ءُ کشمیر ءِ سیادی مھکم ءُ بے سوب اِنت، ایشی ءَ سستور ءُ پروشگ ھم نہ بیت۔ وفاقی وزیر ءَ گوشت کہ ما پیسر ءَ ھم گْوشتگ اَت کہ اے سازشی عناصر بھارت ءِ نیمگ ءَ چہ فنڈ دیگ بنت، نوں اے درگت ءَ شواہد ھم دیم ءَ اتکگ اَنت۔ آئی ءَ گوشت کہ ڈیجیٹل مارکیٹنگ ءِ وسیلگ ءَ سوشل میڈیا ءِ سر ءَ چلائینگ بوتگیں مہم ءِ پُشت ءَ بھارت ءِ مول ءُ مراد پدر اَنت، بھارت لوٹ ایت کہ آزاد جموں ءُ کشمیر ءَ امن ءُ ایمنی ءِ جاور ھال ھراب بہ بنت ءُ ناامنی پیداک بہ بنت۔ آئی ءَ گوشت کہ یکجائی ایکشن کمیٹی ءِ ھوالگ ءَ سوشل میڈیا ءِ سر ءَ شنگ بوھوکیں مواد ءِ تکنیکی ڈیٹا ءِ وسیلگ ءَ چار ءُ تپاسی کنگ بوتگ ایشی ءَ چہ اے گپ پدر بوتگ کہ اے مہم ءِ پُشت ءَ منظم کار است انت۔ آئی ءَ گوشت کہ اے سازشی عناصر مرچی سرجمیں راج ءِ دیم ءَ احتساب کن اَنت، آ دژمن ءِ نیمگ ءَ چہ فنڈنگ ​​ءِ گوما پاکستان، پاکستانی اُرد ءُ راجی سروکی ءِ ھلاپ ءَ نفرت ءِ بنیاد ءَ ردیں ھال ءُ اھوال ءِ مہم ءَ چلائینگ ءَ اِت اَنت، آیانی گٹ ءُ بند دیم ءَ اتکگ، بھارت ءِ نیمگ ءَ چہ فنڈنگ ​​روچ ءِ رنگ ءَ پدّر بوتگ۔ وفاقی وزیر ءَ گوشت کہ جوائنٹ ایکشن کمیٹی نوں کجام بستار ءَ کشمیری الس ءِ ھک آنی بابت ءَ گپ جنت وھدے ایشی ءِ سرجمیں تھر بھارت ءَ گوں بندوک اَنت۔ وفاقی وزیر ءَ اے موہ ءِ سر ءَ ویڈیو پیش کنان ءَ گوشت کہ اے معاملہ ءَ گوں سیادی داروکیں درستیں ثبوت دست کپتگ انت۔ آئی ءَ گوشت کہ دزگیریں مردم ڈیجیٹل مارکیٹنگ ءُ سوشل میڈیا ءِ سر ءَ مواد ءِ شنگ کنگ ءِ تہ ءَ ماہر اِنت، اے مردم ءَ مارکیٹنگ سروسز داتگ ات کہ ھرچ مواد وائرل بہ بیت۔ آئی ءَ گوشت کہ پاکستان ءِ ھلاپ ءَ مہم ھمے رھبند ءَ کارمرد کنگ ءَ بوھگ ءَ انت۔ وفاقی وزیر ءَ گوشت کہ اللہ تعالیٰ ءَ سفارتی محاذ ءِ سر ءَ پاکستان ءَ را شرپ داتگ ءُ انصاف ءِ جنگ ءَ مزن وزیر محمد شہباز شریف ءُ فیلڈ مارشل سید عاصم منیر ءِ سروکی ءَ پاکستان ءَ کجام وڑ ءَ سوبمندی رستگ آ رنگ ءَ دگنیا منگ ءَ انت۔ اے گپ ءَ را جھان ءِ تک ءَ منگ بوھگ ءَ اِنت کہ پاکستان ءَ سفارتی ءُ دگہ پڑاں مزنیں سوبمندی یے رستگ کہ ایشی ءِ سر ءَ ھر پاکستانی ءَ را ناز اِنت بلے اے سوبمندی مئے دژمنانی دست ءَ ھضم نہ بوھگ ءَ اَنت ھمے ھاتر ءَ جوائنٹ ایکشن کمیٹی ءِ وڑیں جیڑھاں گیش ءُ گیوار کنگ بوتگ ءُ پاکستان ءَ را نزور کنگ ءِ سازش ءِ بندات کنگ بوتگ۔ وفاقی وزیر اطلاعات و شنگکاری ءِ ھاتر ءَ  طاوللہ تارڑ ءَ گوشت کہ پاکستان ءَ کس نزور کُت نہ کنت، اللہ تعالیٰ ءِ فضل ءُ کرم ءَ چہ اے خدا داتگیں ریاست ھمک روچ گیش مھکم بیت ءُ دیمروئی ءُ وشھالی ایشی ءِ آکبت بیت۔ سرجمیں راج ءَ سفارتی محاذ ءِ سر ءَ پاکستان ءَ چہ رستگیں سوبمندی آناں وشیں روچ گوازینتگ، وھدیکہ راستی ءِ جنگ ءِ موہ ءَ سرجمیں راج یکمشت بوتگ۔ ہندوستان ءِ چیردستی ءَ کنگ بوؤکیں نفرت نازیں پروپیگنڈا سوبمند بوت نہ کنت، سرکار، سلاہ بندیں اُرد ءُ سیکورٹی ادارگ اے رنگیں کمپیناں دیم ءَ بران کن اَنت۔ وفاقی وزیر ءَ دزگیریں مردم ءُ بھارتی آپریٹر ءِ نیام ءَ واٹس ایپ گپ ءُ تران ءِ حوالہ ءَ گوشت کہ اے گپ ءُ تران ءَ وائس آنی کساس، پیمنٹ ءُ اکاؤنٹ ءِ تفصیل آنی ھوالگ ءَ گپ ءُ تران بوتگ۔ آئی ءَ گوشت کہ پٹ ءُ پول ءَ چہ اے گپ پدر بوتگ کہ پاکستان ءِ مالیاتی نگرانی ءِ نظام ءَ چہ بچگ ءِ واستہ مالیاتی ٹرانزیشن کسانیں کساس ءَ بھر ءُ بانگ کنگ بوتگ انت، مزنیں کساس یکیں وھد ءَ ٹرانسفر کنگ نہ بوتگ انت بلکیں جتا جتائیں مراگش آنی تہ ءَ ادائیگی کنگ بوتگ۔ آئی ءَ گوشت کہ جوائنٹ ایکشن کمیٹی ءَ گوں سیادی داروکیں مواد، پاکستان ءِ سلاہ بندیں اُرد ءِ ھلاپ ءَ مواد ءُ پاکستان ءِ ھلاپ ءَ دگہ پوسٹ پروموٹ کنگ بوتگ اَنت، اے پوسٹ آنی پُشت ءَ ٹرول فارم ءُ اکاؤنٹ ھندی فنڈنگ ​​ءِ سر ءَ کار کنگ ءَ اَنت ءُ اے رنگیں ڈیجیٹل مارکیٹنگ سروسز زورگ بنت۔ آئی ءَ گوشت کہ اے وڑیں ڈیجیٹل مارکیٹنگ سروسز ءِ گرگ ءِ جیڈھ ءِ سر ءَ ھم پٹ ءُ پول کنگ بوھگ ءَ اِنت، وھدیکہ حکومت ءُ سیادی داروکیں ادارگ ڈیجیٹل پیمنٹ گیٹ وے آنی سر ءَ ھم نزیکیں چماں دارگ ءَ اَنت کہ ایشی ءِ وسیلگ ءَ فنڈنگ ​​ءِ وسیلگ آنی پٹ ءُ پول ءُ پدر کنگ بیت۔ وفاقی وزیر ءَ گوشت کہ اے مہم ءَ نہ ایوک ءَ ریاست ءِ ھلاپ ءَ پروپیگنڈا کنگ بوتگ بلکینگ ءَ فرقہ واریت ءِ تہ ءَ ھوار کنگ ءِ کوشست ھم کنگ بوتگ۔ آئی ءَ گوشت کہ پٹ ءُ پول ءَ سلاہ بندیں اُرد آنی حلاف ءَ اے وڑیں بازیں پوسٹ آنی ھم پٹ ءُ پول کنگ بوھگ ءَ اِنت کہ آ منظم رنگ ءَ شنگ ءُ تالان کنگ بوتگ اَنت۔ وفاقی وزیر ءَ گوشت کہ یکجائی ایکشن کمیٹی ءِ پندل ءِ مول ءُ مراد فرقہ وارانہ ءُ زوراکی ءِ دیم ءَ برگ ءُ ردیں ھال آنی وسیلگ ءَ پاکستان ءَ الس ءُ سلاہ بندیں اُرد آنی نیام ءَ مھکمیں سیادی ءَ را متاثر کنگ اِنت، ایشی ءَ را ھچ وڑیں جاور آنی تہ ءَ موہ دیگ نہ بیت۔ وفاقی وزیر ءَ گوشت کہ پروپیگنڈا ءِ واستہ کارمرد بوھوکیں سوشل میڈیا اکاؤنٹ آنی پُشت ءَ منظم بوٹ نیٹ ورک کار کنگ ءَ اَنت، اے اینڈرائیڈ ایپلی کیشنز ءِ وسیلگ ءَ بھارت ءَ گوں ھمگرنچ اَنت۔ آئی ءَ گوشت کہ وی پی این ءِ کارمردی ءَ چہ اصل جاہ ءَ را پُشدر کنگ ءِ کوشست کنگ بوتگ بلے ھما ڈیوائس کہ ایشی ءِ سر ءَ وی پی این ایر کنگ بوتگ ءُ ایشی ءِ وسیلگ ءَ پوسٹ کنگ بوتگ آ بھارت ءِ بنیات ءَ اِنت۔ آئی ءَ گوشت کہ اے پجار کنگ بیت کہ یک خاصیں ڈیوائس ءَ وی پی این انسٹال کتگ ات ءُ اے کار ھمے ڈیوائس ءِ وسیلگ ءَ کنگ بوتگ انت۔ آئی ءَ گوشت کہ اے رنگیں بازیں اکاؤنٹ پجاری کنگ بوتگ کہ آ بھارت ءَ گوں سیادی دار اَنت۔ عطا اللہ تارڑ ءَ گوشت کہ ما اے بابت ءَ نزیکیں چماں گوں چارگ ءَ آں ءُ اے رنگیں مہم آں گوں ٹیکنیکل وسیلگ ءَ جنگ ءَ آں۔ آئی ءَ گوشت کہ گیش اے وڑیں پوسٹ ھم دیم ءَ اتکگ اَنت کہ آھانی تہ ءَ پاکستان، سلاہ بندیں اُرد ءُ ریاستی ادارگ آنی ھلاپ ءَ مواد شنگ ءُ تالان کنگ بوتگ ءُ مردم آناں زھر کنگ ءِ کوشست کنگ بوتگ۔ اے درستیں مواد گوں مشترکہ ایکشن کمیٹی ءَ سیادی داریت پمیشکا اے گپ پدر انت کہ اے کمیٹی ءِ درائیں رابطہ ءُ فنڈنگ ​​ءِ بابت ءَ جیڑہ راست بوتگ انت۔ آئی ءَ گوشت کہ بے کساس پوسٹ است انت کہ آھانی وسیلگ ءَ گمراہ کنوکیں ھال آنی شنگ ءُ تالان کنگ ءِ یک منظمیں نظام ءِ چلائینگ بوتگ۔ وفاقی وزیر ءَ گوشت کہ دزگیریں مردم ءِ نیمگ ءَ چہ پٹ ءُ پول کنگ بوھگ ءَ انت ایشی ءَ چہ گیش ھاسیں مواد ھم دست کپتگ کہ جوانیں وھد ءُ پاس ءَ راج ءِ دیما پیش کنگ بیت۔ آئی ءَ گوشت کہ پٹ ءُ پول ءَ چہ آرٹیفیشل انٹیلی جنس (اے آئی) ءِ کارمرد کنگ ءَ جوڑ بوتگیں اکس آنی شواہد ھم پدر بوتگ اَنت، ایندگہ ملک ءُ دمگ آنی کوھنیں ویڈیو آناں کشمیر ءَ گوں منسوب کنگ ءُ فرقہ واریت ءِ ترغیب دیگ بوتگ۔ آئی ءَ گوشت کہ ردیں ھال آنی ھلاپ ءَ جنگ حکومت ءِ ذمہ واری اِنت ءُ آیوکیں وھد ءَ ھم اے ذمہ واری ءَ را جوانیں رنگ ءَ پیلو کنگ برجاہ بیت۔ وفاقی وزیر ءَ گوشت کہ دگنیا پاکستان ءَ را امن پسندیں ملک ءُ امن ءِ باردار ءِ رنگ ءَ چارگ ءَ انت۔ مزن وزیر محمد شہباز شریف ءِ سروکی ءُ فیلڈ مارشل سید عاصم منیر ءِ بے مٹیں کار ءِ آسر ءَ پاکستان ءَ جھان ءِ تک ءَ عزت ءُ شرپ رستگ، ایشی ءَ را ہر قیمت ءَ رکھینگ بیت ءُ پاکستان گیشیں دیمروئی ءِ نیمگ ءَ دیم ءَ روان کنت۔