بھارت یک نیمگی سندھ ءِ آپانی منوگری  ءَ معطل کنگ نہ کنت، قیصر احمد شیخ

اسلام آباد۔26جولائی  (اے پی پی): سرمایہ کاری ءِ وفاقی وزیر قیصر احمد شیخ ءَ گشتگ کہ بھارت یک نیمگی ءَ سندھ ءِ آپانی منوگری  ءَ نہ معطل کنت ءُ نہ کہ ھلاس کنت، پرچا کہ اے وڑیں ھرچ گامگیج میاں اوستمانی کانود ءِ ھلاپ ءُ غیر قانونی بیت۔ یک شمبے ءِ روچ ءَ اسلام آباد ءَ ایم پی اے کے اسٹریٹجیز ءِ نیمگ ءَ برجم داشتگیں ’’آپ، موسمی بدلی ءُ سفارتکاری: پاکستان ءِ سندھ ءِ آپ آنی آیوکیں وھد ءِ رکھینگ‘‘ ءِ سرھال ءَ پٹ ءُ پولی رپورٹ ءِ بندات ءِ مراگش ءَ گوں تران کنان ءَ وفاقی وزیر ءَ گوشت کہ آپ ءِ جیڈھ ءِ سر ءَ برجاھیں کش ءُ چیل ءِ سبب ءَ نہ ایوک ءَ جھان ءِ اقتصادی ءُ جنوبی ایشیا ءِ واستہ سنگینیں آسراتی بوت کنت۔ رپورٹ ءِ تہ ءَ گوشت کہ پاکستان ءَ را کم مدتی ہنگامی گامگیج آنی تہ ءَ چہ دیم ءَ روگی اِنت ءُ آپ ءِ رکھینگ ءِ واستہ یک سرجمیں راجی پالیشی ءِ زورگ لوٹ ایت تانکہ سیلاب ءِ گیش بوھوکیں ھترہ ءُ گیش بوھوکیں آپی بحران ءَ گوں جوانیں رنگ ءَ گر ءُ چیل بوھگی اِنت۔ رپورٹ ءِ رد ءَ مون سون ءِ وھد ءَ دریائے چناب ءَ آپ ءِ روانی ءِ تہ ءَ انوگیں گیشی ءَ پاکستان ءِ آپ ءِ بندوبست ءِ نظام ءَ را کش ءُ گور کتگ۔ پٹ ءُ پولی رپورٹ ءِ تہا گشگ بوتگ کہ غیر معمولی بارش، دریا ءِ چہ بُرزیں دمگاں چہ رؤگ، ناکافی آپ ءِ ذخیرہ کنگ ءِ گنجائش، آبپاشی ءِ نظام ءِ پرانے، زمینی آپ ءِ نا شریں انتظام ءُ سیلاب ءِ محدودیں تیاری ءَ چہ ملک ءِ موسمی بدلی ءِ سبب ءَ بوتگیں آفتانی دیم ءَ نزوری گیش بوتگ۔ رپورٹ ءِ تہا ہشدار دیگ بوتگ کہ موسمی بدلی، گلیشیر ءِ تیزی ءَ گوں پگھارگ، آبادی ءِ گیشی، آپ ءِ نظام ءِ ھراب بوھگ، زمینی آپ ءِ بے رھبندیں کارمرز کنگ ءُ سندھ دریا ءِ طاس ءِ سر ءَ گیش بوھوکیں زور ءِ سبب ءَ پاکستان ءَ را آپی سیکورٹی ءِ سکیں بحران ءِ آماچ کتگ۔ رپورٹ ءِ  تہ ئَ پاکستان ءِ  سفارش کنگ بوتگ کہ آ ملکی تک ئَ آپی وسیلگ آناں گہتریں انتظامی ءِ  ھوار دمگی تک ئَ فعالیں آپی سفارتکاری ئَ را دیم ئَ برگ بہ بیت۔ رپورٹ ءِ تہ ءَ پنچ کلیدی پالیسی ءِ اولویت ءِ سوج دیگ بوتگ، ایشی ءِ تہ ءَ 1991 ءِ آپ ءِ تخصیص ءِ معاہدے ءِ موثر عملدرآمد، آپ ءِ ذخیرہ کنگ ءُ سیلاب ءِ رکھینگ ءِ بنیاتی ڈھانچہ ءِ گیشی، چین ءِ گوما ہائیڈرولوجیکل تعاون ءُ اوگانستان ءِ گوما تکنیکی گپ ءُ تران، موسمیاتی لچکداریں کشت ءُ کشاری، ڈیجیٹل آپ ءِ اکاؤنٹنگ،   پاکستان ءِ موسمیاتی، معاشی ءُ راجی سلامتی ءِ ایجنڈا ءِ یک مرکزی بہرے ۔ اے موہ ءِ سر ءَ تران کنان ءَ امپک اسٹریٹجیز ءِ چیف ایگزیکٹو آفیسر احمد یونس ءَ گوشت کہ دریائے چناب ءَ آپ ءِ روانی ءِ تہ ءَ انوگیں وھد ءَ گیشی ءَ چہ اے گپ پدر بوتگ کہ آپ ءِ رکھینگ ایوک ءَ موسمی سیلاب ءِ رد ءَ گندگ نہ بیت۔ آئی ءَ گوشت کہ پاکستان ءَ را یک دراجیں مدتی حکمت عملی ءِ ضلورت اِنت کہ ایشی ءِ تہ ءَ آپی وسیلگ ءِ تہی بندوبست، موسمیاتی لچک، آپ ءِ ذخیرہ کنگ ءِ گنجائش ءَ را گیش کنگ، ءُ دمگی آپی سفارتکاری ءَ را فعال کنگ بہ بیت۔ احمد یونس ءَ گوشت کہ آپ ءِ رکھینگ نوں پاکستان ءِ اقتصادی برجائی، فوڈ سیکیورٹی ءُ راجی ایمنی ءِ بنیاتی بھر جوڑ بوتگ وھدیکہ آیوکیں آپ ءُ موسمی چیلنج آناں گیواری ءِ واستہ مھکمیں ادارگ، نوکیں انفراسٹرکچر ءِ تہ ءَ سرمایہ کاری ءُ سائنس ءِ بنیات ءَ منصوبگ بندی المی اِنت۔