حکومت نجی شعبہ ءِ گوما تعاون ءَ برجاہ دار ایت تانکہ پائیدار، برآمدات ءِ سروکی ءَ اقتصادی دیمروئی ءِ ھاترا سازگاریں چاگرد جوڑ کنگ بہ بیت، وفاقی وزیر تجارت

اسلام آباد۔26جولائی  (اے پی پی): پاکستان کارپٹ مینوفیکچررز اینڈ ایکسپورٹرز ایسوسی ایشن ءِ مزنیں تک ءِ ڈل ءَ وفاقی وزیر برائے تجارت جام کمال خان ءَ گوں گند ءُ نند کت ءُ دمگی تجارت ءِ تہ ءَ رکاوٹ، جھان ءِ سپلائی چین ءِ تہ ءَ جیڈھ ءُ دستی بافتگیں قالین ءِ صنعت ءِ چیلنج آنی بابت ءَ سرپد کت۔ یک شمبے ءِ روچ ءَ پی سی ایم ای اے ءِ نیمگ ءَ جاڑی بوتگیں بیان ءِ رد ءَ ڈل ءِ تہ ءَ انجمن ءِ سرپرست عبداللطیف ملک، وائس چیئرمین ریاض احمد ءُ سینئر باسک عثمان اشرف ھوار بوتگ اَنت وھدیکہ اے موہ ءِ سر ءَ ڈائریکٹر جنرل (ٹیکسٹائلز) مدصر رضا صدیقی ھم ھوار بوتگ۔ ڈل ءَ وفاقی وزیر برائے تجارت ءَ چہ اے سال ءِ اکتوبر ءَ برجم دارگ بوتگیں 42می ورلڈ ہینڈلوم کارپٹ نمائش ءِ واستہ فنڈز ءِ ریلیز کنگ ءِ لوٹ کتگ ءُ گوشت کہ درملکی خریدار آناں مہمان نوازی ءِ پیکج پیش کنگ ءُ برآمدات ءَ را بے تاھیری ءَ را دیمروئی دیگ المی اِنت۔ ڈل ءَ اے ھم لوٹ کتگ کہ وزیر برائے تجارت ءَ چہ خام پشم ءِ برآمد ءِ سر ءَ بندش جنگ بہ بیت تانکہ دستی قالین ءِ صنعت ءِ سپلائی چین ءَ را برجائی بہ بیت ءُ سبسڈی ءِ تناسب ءَ را انوگیں 50/50 ءَ چہ 80/20 ءَ بہ کنت تانکہ کسان ءُ میاں اوستمانی ادارگ آناں گلوبل نمائش آنی تہ ءَ گیش ءَ چہ گیش بھر زوری ءِ واستہ دلبڈی دیگ بہ بیت۔ وفاقی وزیر برائے تجارت ءَ پاکستانی قالین ءِ جھان ءِ مارکیٹ آنی تہ ءَ رسائی ءُ برآمداتی مقابلہ ءِ تہ ءَ گہتری ءِ واستہ گامگیج آنی سر ءَ زور پر دات ءُ گوشت کہ حکومت شفاف، رھبند ءِ سر ءَ بنیات ءُ سرمایہ کار دوستیں پالیسی آنی وسیلگ ءَ اے مول ءُ مراد ءِ سرجمی ءِ واستہ کار کنگ ءَ اِنت۔ برآمدات ءِ دیمروئی ءِ ھاترا جزمیں وزارت تجارت ءِ نیمگ ءَ چہ ھواریں ادارگ آنی گوما شور ءُ سلاھ ءِ پد ءَ کار ءِ لائکیں حل جوڑ کنگ بیت۔ آئی ءَ گوشت کہ پاکستان ءِ دراجیں مدت ءِ برآمداتی حکمت عملی ءِ فوکس ویلیو ایڈیشن ءَ را گیش کنگ، برآمدات ءِ سرا مبنی مینوفیکچرنگ ءَ را مھکم کنگ، پروڈکٹ برانڈنگ ءَ را دیمروئی دیگ ءُ گلوبل ویلیو چین ءِ تہ ءَ پاکستان ءِ ھستیں جاہ ءَ را گیش کنگ اِنت۔ آئی ءَ دستی بافتگیں قالین ءِ صنعت ءِ نمائندگ آناں زور پر دات کہ آ وتی برآمداتی مارکیٹ آناں تنوع ءَ بہ کن اَنت، پروڈکٹ ءِ نوآبادیاتی ءُ پاکستانی دستکاری ءِ جھان ءِ تہ ءَ منگ بوتگیں کوالٹی ءَ چہ سرجمیں رنگ ءَ پائدگ چست بہ کن اَنت۔ گند ءُ نند ءِ ساھت ءَ میاں اوستمانی مارکیٹ آنی تہ ءَ جوانیں رسائی ءِ واستہ تجارتی رابطہ ءُ رسد ءِ آسراتی آناں گیش گیش کنگ ءِ موہ آنی سر ءَ ھم گپ ءُ تران کنگ بوت۔ جام کمال خان ءَ گوشت کہ حکومت نجی شعبہ ءِ گوما نزیکی ءَ کار کنگ ءَ برجاہ دار ایت تانکہ تجارت ءِ تہ ءَ راستیں رکاوٹ آناں دور بہ کنت ءُ پائیدار، برآمدات ءِ سروکی ءَ اقتصادی دیمروئی ءِ واستہ جوانیں چاگرد جوڑ بہ کنت۔ پی سی ایم ای اے ءِ ڈل ءَ وفاقی وزیر تجارت ءَ را دست ءِ گرہ بندیں قالین ءِ 42می جھان ءِ نمائش ءِ بنگیج کنگ ءِ دعوت ھم داتگ ات کہ آئی ءَ اے نمائش من اِتگ ات۔