معاون مزن وزیر ءَ تاجکستان ءِ دری کارانی وزیر ءَ گوں گند ءُ نند کتگ، دمگی ءُ جھان ءِ جاورھال آنی سر ءَ گپ ءُ تران

اسلام آباد۔25جولائی  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ شنگھائی کمکی گل ءِ دری کارانی کونسل ءِ دیوان ءِ ساھت ءَ تاجکستان ءِ دری کارانی وزیر سراج الدین محی الدین ءَ گوں گند ءُ نند کتگ، ایشی ءِ ساھت ءَ آھاں دمگی ءُ دمگی جاورانی سر ءَ گپ ءُ تران کتگ۔ شمبے ءِ روچ ءَ درئی کارانی کارگس ءِ رد ءَ دوئیں سروک آں پاکستان ءُ تاجکستان ءِ نیام ءَ دیریں، براتی ءُ نزیکیں سیادی ءِ پدا پدر کت ءُ تجارت، سرمایہ کاری، رابطہ، توانائی، دود ءُ ربیدگ ءُ مردم آنی نیام ءَ رابطہ ءَ ھوار جتا جتائیں پڑ آنی تہ ءَ کمک ءَ را گیش وسعت دیگ ءِ یکجائی جزم ءِ درشان کت۔ آہاں اے گپ ءِ سر ءَ ھم زور پر دات کہ دو نیمگی شریکداری ءَ را گیش مھکم کنگ ءِ واستہ مزن تک ءِ رابطہ آنی تسلسل سک باز المی اِنت۔ تاجکستان ءِ درئی کارانی وزیر سراج الدین محی الدین ءَ پاکستان ءِ دمگی جیڈھ آنی امن، برجائی ءُ امن ءِ گوما گیواری ءِ واستہ برجاھیں کوشست آناں یک رندے پدا گوشت۔ دوئیں رہشوناں دمگی ءُ جھان ءِ جاور ھال آنی سر ءَ ھم گپ ءُ تران کت ءُ امن، مھکم ءُ وشھالی ءِ دیمروئی ءِ واستہ کثیر جہتی فورم آنی تہ ءَ یکے دومی ءِ کمک ءِ ارزشت ءِ سر ءَ زور پر دات۔