پاکستان ءَ ھوار 8 اسلامی ملکانی دری کارانی وزیراں مسجد الاقصی ءِ تہ ءَ  اسرائیل ءِ  جنگ چوپی    کاروائی   آناں مذمت

اسلام آباد۔24جولائی  (اے پی پی): پاکستان، مصر، ترکی، انڈونیشیا، اردن، گتر، سعودی عرب ءُ متحدہ عرب امارات ءِ درئی کارانی وزیراں اسرائیل ءِ انوگیں اشتعال انگیزیں کارروائیانی سرا سک باز مذمت کتگ ءُ ھاسیں رنگ ءَ اسرائیل ءِ پیسریگیں وزیر ءِ نیمگ ءَ چہ اقصہ ءِ تہ ءَ مزنیں کچے ءَ داخل بوھگ ءِ برجاہ دارگ ءِ سرا سک باز مذمت کتگ۔ مسجد/الحرام الشریف اسرائیلی لشکر ءِ حفاظت ءِ چیر ءَ، آئی ءِ صحن ءَ اسرائیل ءِ بیرک ءِ چست کنگ، اسرائیلی پولیس ءِ نیمگ ءَ دو چادر ءِ ایر کنگ ءُ دگہ درستیں آشوبی کارروائی۔ جمعہ ءِ روچ ءَ وتی یکجائی بیان ءِ تہ ءَ دری کارانی وزیر آناں گوشت کہ اے آشوبی ءُ نا منّگ بوتگیں کارروائی میاں اوستمانی کانود، اقوام متحدہ ءِ ھمگرنچیں قرارداد ءُ مقبوضہ مشرقی بیت المقدس ءِ مقدسیں جاھ آنی راجدپتری ءُ کانود ءِ بستار ءِ ھاسیں ھلاپ ورزی اِنت۔ ہشت مسلمانیں ملکانی دری کارانی وزیراں اسرائیل ءِ شدت پسندیں وزیر ءُ گلانی ناجائز ءُ شدت پسندیں کارروائی، مسیت الاقصی ءِ تہا نفوذ کنگ ءِ ترغیب ءُ زوراکی ءِ سرا ہم زبردستیں لبزاں مذمت کتگ۔ آہاں ہشدار داتگ کہ اے اشتعال انگیزیں کارروائی نفرت ءُ انتہا پسندی ءَ را گیش کن انت ءُ دو ریاستی حل ءِ بنیاد ءَ عادلانہ ءُ دائمی امن ءِ قیام ءِ جہد ءَ را رکاوٹ جوڑ کن انت۔ مقبوضہ بیت المقدس ءِ کوھنیں شہر ءُ اودا جاہ منندیں عبادت جاہانی رسائی ءِ سرا ایر کنگ بوتگیں بندش ءُ ہمے رنگ ءَ کوہنیں شہر ءِ دگہ عبادت جاہانی رسائی ءِ سرا تبعیض ءُ وتی مرضی ءِ بندش ، میان استمانی قانون ءِ سرا زاہریں خلاف ورزی انت ، ایشانی تہا میان استمانی انسانی قانون ہم ہوار انت ، ءُ تاریخی ءُ قانونی حیثیت ءِ بدل کنگ ءِ ناجائزیں جہد انت ۔ دری کارانی وزیر آں اے گپ ءِ سر ءَ زور پر دات کہ اسرائیل ءَ مقبوضہ بیت المقدس ءُ ایشی ءِ اسلامی ءُ عیسائی مقدسیں جاھ آنی سر ءَ ھچ وڑیں حاکمیت نیست۔ وزیر خارجہ آں مقبوضہ اسرائیلی ریاست ءِ نیمگ ءَ مقبوضہ مشرقی بیت المقدس ءِ تاریخی، قانونی ءُ ڈیموگرافک پجار ءِ بدل کنگ ءُ آئی ءِ اسلامی ءُ عیسائی مقدسیں جاہانی تقدس ءُ حیثیت ءِ نزور کنگ ءِ ھاتر ءَ منظم ءُ مدامیں خلاف ورزی ءُ کارروائیاں سک مذمت کتگ۔ ایشاں مقبوضہ بیت المقدس ءُ آئی ءِ اسلامی ءُ عیسائی مقدسیں جاہانی تاریخی ءُ قانونی جاوراں بدل کنگ ءِ جہد ءَ را گوں قطعی رد کتگ ءُ آہانی رکھینگ ءِ لوٹ کتگ ءُ اے درگت ءَ تاریخی ہاشمی سرپرستی ءِ خاصیں کرد ءَ ہم من اِتگ۔ درئی کارانی وزیراں اے گپ ءِ پدا زور دات کہ مسجد الاقصی / الحرام الشریف ءِ سرجمیں 144 دونم ءِ دمگ ایوک ءَ مسلمانانی عبادت ءِ ھاترا ندر کنگ بوتگ ءُ مقبوضہ بیت المقدس ءُ مسجد الاقصی ءِ کارانی وقف ءِ محکمہ ، اردن ءِ وزارت وقف ءِ چیر دستی ءَ اِنت ، مسجد الاقصی/الحرام الشریف ءِ انتظام ءُ رھبند ءُ ایشی ءِ رسائی ءِ اختیار۔ درئی کارانی وزیراں اسرائیل ءَ را بزاں قبضہ گیریں طاقت ءِ بستار ءَ لوٹ کتگ کہ آ مقبوضہ بیت المقدس ءِ کوھنیں شہر ءَ سر بوھگ ءِ سر ءَ بندشاں زوت ھلاس بہ کنت ءُ نمازی آنی مسیت الاقصیٰ ءَ سر بوھگ ءَ چہ بند بہ کنت۔ ایشاں چہ میان اُستمانی براتی ءَ ھم لوٹ کتگ کہ آ یک انچیں مھکمیں ءُ کارآمدیں موقفے بہ زوریت کہ اسرائیل ءَ را مقبوضہ بیت المقدس ءِ اسلامی ءُ عیسائی مقدسیں جاہانی ھلاپ ءَ وتی برجاھیں خلاف ورزی ءُ ناجائزیں کارروائیاں بند کنگ ءِ سرا مجبور بہ کنت ءُ ھمے رنگ ءَ اے مقدسیں جاہانی مقدسات ءِ خلاف ورزی ءَ ھم بند بہ کنت۔