معاون مزن وزیر محمد اسحاق ڈار ءَ فلپائن ءَ ایشیائی دیمروئی بانک ءِ بنجاہی کارگس ءِ تر ءُ تاب کتگ ءُ زائرین ءِ کتاب ءَ تاثرات نبشتہ کتگ

منیلا۔22جولائی  (اے پی پی): نائب مزن وزیر ءُ دری کارانی وزیر سینیٹر محمد اسحاق ڈار ءَ چار شمبے ءِ روچ ءَ فلپائن ءِ بنجاھی شہر منیلا ءَ ایشیائی دیمروئی بینک ءِ بنجاہی کارگس ءِ تر ءُ تاب کت اودا آئی ءَ را میاں اوستمانی ءُ مغربی ایشیا ءِ محکمہ ءِ ڈائریکٹر جنرل لیا گوٹیرز ءَ وش اتک کت۔ درئی کارانی کارگس ءِ رد ءَ نائب مزن وزیر ءَ وتی تاثرات ھم رسگ ءِ وھد ءَ اے ڈی بی ءِ مہمان آنی کتاب ءَ نبشتہ کتگ اَنت۔ ایشی ءَ پد ایشیائی دیمروئی بینک ءِ پاکستان ءِ ایگزیکٹو ڈائریکٹر نشیتا محسن ءَ نائب مزن وزیر ءِ شرپ ءَ ورکنگ لنچ ءِ بندوبست کت ایشی ءِ تہ ءَ اے ڈی بی ءِ جتا جتائیں شوبگ ءُ دمگ آنی تہ ءَ مزنیں سروکی ءِ عہدہ آنی سر ءَ کار کنگ ءَ پاکستانی شخصیت آناں بھر زوری کت۔ گند ءُ نند ءِ تہ ایشیائی دیمروئی بینک ءِ بدل بوھوکیں دیمروئی ایجنڈا، پاکستان ءِ گوما آئی ءِ شریکداری ءُ جتا جتائیں شوبگ ءُ دمگ آنی تہ ءَ بینک ءِ ازمت آنی دیمروئی ءِ تہ ءَ پاکستانی پیشہ ور آنی ھاسیں کرد ءِ سر ءَ گپ ءُ تران کنگ بوت۔ نائب مزن وزیر ءَ اے ڈی بی مشن ءِ تہ ءَ آئی ءِ ارزشتی ایں ازمت ساڑاتگ انت ءُ گوشت کہ ادارگ ءِ تہ ءَ وتی سروکی ءِ ھنر ءُ مہارت ءِ وسیلگ ءَ پاکستان ءِ واستہ یک جتائیں وسیلگ انت۔ نائب مزن وزیر ءَ ایشیائی دیمروئی بینک ءَ پاکستان ءِ ایگزیکٹو ڈائریکٹر ءِ ذمہ واری پیلو کنگ ءِ پد ءَ نشیتا محسن ءَ را مبارک بات دات ءُ پاکستان ءُ اے ڈی بی ءِ نیام ءَ کمک ءَ را گیش دیمروئی دیگ ءِ واستہ نیکیں واھشت آنی درشان کت۔