وفاقی وزیر تجارت جام کمال خان ءَ سام سنگ پاکستان ءِ ملکی سروک ءِ گوما ڈل ءِ گوما گند ءُ نند

اسلام آباد۔22جولائی  (اے پی پی): وفاقی وزیر برائے تجارت جام کمال خان ءَ نامداریں ٹیک کمپنی سام سنگ ءَ را پاکستان ءَ جوڑ بوتگیں موبائل فون آنی برآمدات ءَ را گیش کنگ ءُ پاکستان ءَ را موبائل فون ءِ جوڑ کنگ، نوک جوڑ کنگ ءُ برآمدات ءِ واستہ دمگی مرکز جوڑ کنگ ءِ دعوت داتگ ءُ دل یکیمی داتگ کہ حکومت صنعتی ویلیو ءِ دیمروئی ءِ تہ ءَ برآمدات ءِ ھرچ وڑیں کمک ءُ اشتہار ءِ کمک ءَ کنت۔ وزارت تجارت ءِ جارکش ءِ رد ءَ چار شمبے ءِ روچ ءَ سام سنگ پاکستان ءِ ملکی سروک ءَ یک ڈل ءِ ھمراھی ءَ وزارت تجارت ءَ وفاقی وزیر تجارت ءَ گوں گند ءُ نند کتگ۔ وفاقی وزیر ءَ سام سنگ ءَ را زور پر دات کہ آ ادا جوڑ بوتگیں اسمارٹ فونز ءَ را پاکستان ءِ بنجاہی مارکیٹ ءَ گوں بندوک بوھگ ءِ بدل ءَ ھاسیں رنگ ءَ افریقی ملک ءُ ایندگر نوکیں مارکیٹ آناں برآمد بہ کنت۔ آئی ءَ گوشت کہ پاکستان وتی گیش بوھوکیں مینوفیکچرنگ ءِ توان ءَ چہ پائدگ چست بہ کنت ءُ گلوبل سپلائی چین ءِ بھر جوڑ بہ بیت۔ جام کمال خان ءَ پاکستان ءَ سرٹیفائیڈ موبائل فون ءِ نوک کنگ ءِ مراگش جوڑ کنگ ءِ سام سنگ ءِ تجویز ءِ ھم توسیپ کت۔ آئی ءَ گوشت کہ یک جوانیں منظم ریفربشمنٹ سسٹم ءَ چہ نہ ایوک ءَ بنجاہی صنعت ءَ را مھکم کنگ بیت بلکینگ ءَ ریفربشڈ موبائل فون ءِ کوالٹی ءُ وارنٹی ءِ گوما برآمد کنگ ءَ ھم کمک رسیت، روزگار ءِ نوکیں موہ پیداک بنت ءُ تکنیکی مہارت آنی دیمروئی ءَ ھم کمک رسیت۔ سام سنگ ءِ ڈل ءَ وفاقی وزیر ءَ را پاکستان ءَ موبائل فون جوڑ کنگ ءِ شوبگ ءِ پیشرفت ءُ لوکل اسمبلی ءِ تہ ءَ کمپنی ءِ سرمایہ کاری ءِ بابت ءَ سرپد کت۔ ڈل ءَ اے گپ ءِ سر ءَ دلگوش گور کت کہ نیم ناک آؤٹ (ایس کے ڈی) ءُ سرجمیں رنگ ءَ جوڑ بوتگیں (سی بی یو) موبائل فون آنی سر ءَ ٹیرف ءِ تپاوت ءِ تہ ءَ کمی ءُ ٹیکس ءِ ڈھانچہ ءِ تہ ءَ بدلی ءَ چہ دمگی رنگ ءَ جوڑ بوتگیں موبائل فون آنی مقابلہ ءِ توان ءَ را متاثر کتگ۔ ڈل ءَ لوٹ کتگ کہ حکومت ءَ چہ دمگی صنعت ءِ دلبڈی ءِ واستہ یک مناسب ٹیرف ءِ تپاوت ءِ برجائی بہ بیت۔ ڈل ءَ کارمرد بوتگیں موبائل فون آنی تجارتی درآمد آنی سر ءَ ھم تحفظات ءِ درشانی کتگ ءُ گوشت کہ ایشی ءَ چہ دمگی صنعت ءَ را تاوان رسگ ءَ اِنت، اگاں چہ پاکستان ءَ دمگی لوٹ ءِ پیلو کنگ ءِ گنجائش ھست۔ ڈل ءَ سوج دات کہ کارمرد بوتگیں فون آنی درآمد ءِ بدل ءَ اصل کمپنی آنی نیمگ ءَ چہ چلائینگ بوتگیں سرٹیفائیڈ ریفربشمنٹ سسٹم ءِ وسیلگ ءَ کارمرز کنگ بہ بیت تانکہ صارف آناں کوالٹی ءُ وارنٹی ءِ رد ءَ فون رسگ ءَ بہ بنت۔ وفاقی وزیر ءَ گوشت کہ گوستگیں لھتیں سال آنی تہ ءَ پاکستان ءِ موبائل فون ءِ صنعت ءَ مزنیں پیشرفت کتگ ءُ آیوکیں پالیشی ءِ تہ ءَ حقیقی مینوفیکچرنگ، لوکل ویلیو ایڈیشن، ٹیکنالوجی ءِ ٹرانسفر ءُ برآمدات ءِ تہ ءَ گیشی ءِ سر ءَ دلگوشی دیگ بہ بیت۔ آئی ءَ گوشت کہ ملک ءَ نوں لوٹوکیں پیداواری گنجائش است انت، پمیشکا صنعتی پالیشی آناں درآمد بوتگیں کارمرد بوتگیں چیز آنی سر ءَ انحصار کنگ ءِ بدل ءَ سرمایہ کاری ءُ بنجاہی پیداوار ءِ دلبڈی دیگ بہ بیت۔ جام کمال خان ءَ ٹیکس آنی ھوالگ ءَ صنعت ءِ جیڈھ آناں نوٹ کنان ءَ گوشت کہ ایشی ءِ سر ءَ گیشیں مالیاتی فریم ورک ءِ چیر دستی ءَ چار ءُ تپاسی کنگ بیت، البت ھرچ وڑیں ترغیب سرمایہ کاری، بنجاہی پیداوار، برآمدات ءُ قدر ءِ گیشی ءِ سر ءَ مشروط بیت۔ آئی ءَ صنعت ءَ را ہدایت کت کہ آ سرٹیفائیڈ ریفربشمنٹ، برآمداتی امکانات، سرمایہ کاری ءِ وعدہ ءُ میاں اوستمانی جوانیں کارروائی آنی بابت ءَ تفصیلی تجویز پیش بہ کنت تنکہ آ ترمیم شدہ موبائل ڈیوائس مینوفیکچرنگ پالیشی ءِ تیاری ءَ ہوار کنگ بہ بنت۔ آئی ءَ اے گپ ءِ سر ءَ زور پر دات کہ کارمرد بوتگیں موبائل فون آنی تجارتی درآمد ءِ ھوالگ ءَ ھرچ پیسلہ ءِ سر ءَ شواہد ءِ سر ءَ بنیات ءِ سر ءَ ، مرحلہ وار ءُ دمگی تصدیق ءِ بنیات ءَ کنگ بہ بیت ، ایشی ءَ چہ نوک جوڑ بوتگیں متبادل آنی دستیابی ءَ را ھیال ءَ دارگ بہ بیت ، تانکہ صارف آنی مفاد آنی سرجمیں رکھینگ ءَ را دل یکیمی کنگ بہ بیت۔ وفاقی وزیر برائے تجارت ءَ یک رندے پدا گوشت کہ حکومت صنعتی دیمروئی ءَ را دیم ءَ برگ ءِ واستہ جزم اِنت ءُ پاکستان ءَ را گلوبل ٹیکنالوجی کمپنی آنی واستہ سرمایہ کاری ءِ مزنیں موہ آنی پجارینگ بیت۔ آئی ءَ امیت سہرا کت کہ سام سنگ ءِ وڑیں گلوبل پلیئرز ءِ گوما مھکمیں کمک ءَ چہ سرمایہ کاری، روزگار ءِ موہ ءُ ملکی برآمدات ءَ را گیش دیمروئی رسیت۔